Assalamulaikum WW Sanak Katik sati jo sanak Erwin. Kalau bajalan iyo batapak ameh, baitu kecek urang awak. Kalau kecek urang Batak (antah iyo antah indak), kencing aja kau harus bayar. Jadi iyo bana sabana rumik soal pitihko. Tanpa pitih buliah dikecekan indak ado nan bisa jalan.
Jikok dicaliak dari suduik pandang akunting, indak ado dalam matematik akunting nan minus doh. Jadi harus salalu positif alias harus ado saldo. Disampiang itu sabalun bakarajo harus ado pitih masuak dulu, baru bisa bakarajo, dek indak ado karajo nan bisa dilakukan tanpa biaya. Kencing aja harus bayar. Sebagai contoh, kalau mau rapat MPKAS dan MAPPAS nan sabanano harus ado pitih dulu. Paliang indak pitih untuak ongkos pai ka Komnas HAM, tompaik rapek nan disadiokan dek Urang tuo kito pak Saaf. Disitu, ditompaik rapek, iyo mangaluakan pitih pulo, saroman misano pop mie, gulo, kopi, teh kan indak bisa ado disitu kalau indak dibali jo pitih. Sudah tu lampu penerangan, AC, sekurity dll juo dibaia jo pitih. Tapi iko indak namuah diakui dek awak. Jadi untuak rapek sajo alah disubsidi dek sahibul bait, kantua sahibul bait, peserta nan datang (apo lai nan datang jauah dari Banduang), dll. Seharusno dalam akunting iko harus dicatat. Tapi sayang, kalau awak manganaan bahaso satiok nan dikecekan dek Katik Sati, "Money is not everything.... itu benar. Tapi..... Without money, everything is nothing". ,banyak nan indak satuju. Apo lai dikanaan bahaso awak harus mancari pitih untuak baorganisasi, eh malah dianggap awak babisnis. Mancari pitih untuak biaya organisasi biaso diorganisasi non profit sakalipun. Iko iyo paralu bana diinokan ko. Kalau indak organisasi nantun akan bantuak ikua mancik sajo jadino. Barabana taba kantong untuak pangaluakan nan indak tacatat, pasti lamo-lamo ka taraso juo. Saharusno, nan alah namuah manyumbangkan tanago jo pikiran, disubsidi dek nan indak sato atau indak sempat sato. Atau paliang indak mambarikan jalan sahinggo dapek mandapekan imbalan dek karajo nan alah disumbangkan. Sabagai contoh, tukang nan bakarajo mambangun masajik kan harus dibaia, dek mambuek masajik kok minta baia, kan indak baitu duh kioh? Didalam rapek MAPPAS, ambo pernah mausulkan supayo EO baa jikok dikarajokan dek MAPPAS, tapi iyo ditulak matah2, jan lah awak mancari pitih di organisasiko. Nan sabanano indak mancari pitih sacaro komersial doh, tapi iyo jo pitihlah organisasi bisa dijalankan. Organisasi non profit mano sajo harus mancari pitih untuak manjalankanno, kecuali kalau awak namuah mancaliak organisasi tu bantuak ikua mancik. Eh mophon maaf, jikok ambo mangecek sacaro taruih tarang, tapi bialah dikaluakan jo taruih tarang, daripado jadi buah pikiran. Wassalam WW St.Parapatiah 54 -----Original Message----- From: [EMAIL PROTECTED] [mailto:[EMAIL PROTECTED] On Behalf Of Erwin Sent: Tuesday, February 27, 2007 1:52 PM To: Membangun Minangkabau nan Bergengsi Subject: Re: [EMAIL PROTECTED] 'Ota pitih masuak'. was: Re: Pantai Padang: Pakuakdan Pangua Wa'alaikum salam Dear Hadi, ambo sasuai pulo jo pandapek dunsanak, iyo agak payah menemukan ota pitih tuh di milis-milis awak. agak beda jo milis lain nan ambo ikuti, tiok hari ado sajo soal pitih tu dibahas di milis, ado nan manggaleh, mancari barang nan murah dll. agak beda juo jo pengalaman ambo seminggu lalu. kebetulan ado kawan ambo maajak ikut LSM, inyo batanyo pulo dulu ka ambo, baa win ndak mengapa kan kami taruh di posisi tuh, ambo nan diajak lah sanang sajo, eh dibari pulo posisi. yang labiah sanang lai, alun dibuek akta ke notaris untuk LSM ko, eh dana alah mangucua. langsuang seh program dijalankan sakutiko, kami serahkan puluhan tas sekolah anak serta puluhan mesin air shimizu ke para korban banjir. kemudian ke sebuah yayasan/pesantren kami serahkan pulo bantuan beberapa karung beras. anak-anak diajak pulo biar inyo tahu nikmatnya memberi. Sebelumnya kami juo badiskusi, tentang kondisi berbagai LSM, dan di antaranya ada fakta nan baru ambo tahu, bahwa pada saat gempa di yogya, moslem relief dari Inggris itu mambari dana 4 M, sayang dana tibo ka organisasi nasrani, karano kelalaian awak. fakta nan samo ambo kecekkan ka kawan ambo bahwa ambo lai pernah pula menemukan seroman itu, LSM bantuan nasrani berkedok yayasan islam, dengan anggota perempuannya berjilbab. setelah acara keesokan harinya, basuo pulo kawan ambo pegawai BI nan juo samo di LSM itu habis shalat shubuh, badiskusi ringan pulo kami soal acaro kapatang. Inyo kecekan, "bilo lai kito karajo?" ambo senyum sajo, "tunggu se lah dana tu turun". Iyo nikmat bakarajo jo pitih tuh mah. he. he wassalam erwin z Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
