CHANTINADAS - LA TRIADA 3 VUSCHS | 12 MAIS | 24 CHANZUNS <> Foto: Angelika Annen Chars amis, charas amias da la chanzun rumantscha
Finalmain pudain nus As presentar il nov project da LA TRIADA: CHANTINADAS – in abunament digital da chanzuns rumantschas ch’accumpogna Vus tras l’onn 2022. Durant ch'il mund pareva l’onn passà da star airi, essan nus stadas lavurusas: Nus avain tschertgà novas chanzuns popularas, avain cumpareglià, experimentà e la fin finala tschernì nossas favuritas. Bleras da las novas chanzuns èn perlas chattadas en ils archivs, pertge noss:as abunent:as duain (sper l’inscuntrar melodias enconuschentas) era scuvrir novas chanzuns. Silsuenter avain nus arranschà e registrà – cun tant respect sco necessari e tant curaschi sco pussaivel. Ed ussa èn las 24 chanzuns en tut ils idioms prontas e vegnan publitgadas en il decurs da l’onn 2022. Ch’i saja per il tschaiver, a chaschun da la midada da las stagiuns, per la chargiada, la chatscha, la caferlada ubain il temp d’advent: mintga pèr emnas pon las abunent:as telechargiar ina chanzun populara adattada. Ma las CHANTINADAS èn dapli che "mo" musica. Tar mintga registraziun survegnan las abunent:as era ina curta explicaziun da la scienziada da musica Laura Decurtins, lura era il text, la translaziun tudestga e natiralmain las notas cun ils accords. Nus avessan numnadamain plaschair, sche las 24 chanzuns sa tschentassan puspè en lur lieu d’origin: tar il pievel. Mirveglias? Lura dai in sguard sin nossa pagina www.latriada.ch <https://emea01.safelinks.protection.outlook.com/?url=http%3A%2F%2Fwww.latriada.ch%2F&data=04%7C01%7C%7C85e9a395b53e472950e108d9c9e8b5f8%7C84df9e7fe9f640afb435aaaaaaaaaaaa%7C1%7C0%7C637762823584240359%7CUnknown%7CTWFpbGZsb3d8eyJWIjoiMC4wLjAwMDAiLCJQIjoiV2luMzIiLCJBTiI6Ik1haWwiLCJXVCI6Mn0%3D%7C3000&sdata=aK1HXBdf808AhoLhAZGxi4AnGjqe%2BhNjB0QjCZqY6f8%3D&reserved=0>. Là pudais Vus tadlar e telechargiar ina chanzun d’exempel – e natiralmain era gia abunar nossas CHANTINADAS. Nus avain grond plaschair da noss nov project e sperain che las chanzuns accumpognian era Vus tras l’onn 2022. Cun cars salids La Triada / Corin Curschellas, Astrid Alexandre ed Ursina Giger www.latriada.ch <https://emea01.safelinks.protection.outlook.com/?url=https%3A%2F%2Fshoutout.wix.com%2Fso%2Fc4NrUZsDW%2Fc%3Fw%3Db0LBN7aje1bXbMvEK45FPhNqgItUoDkoHBHRSDFwyH0.eyJ1IjoiaHR0cHM6Ly93d3cubGF0cmlhZGEuY2giLCJyIjoiOWY2MDBiMzktMmQ2ZC00ZjYyLTgzYjAtZTE3YTUxMDA1ZDcyIiwibSI6Im1haWwiLCJjIjoiZjQxZjIxZjAtMTZlYy00MGQ4LWI4MzMtOTUxNTY0ZjJiMGU1In0&data=04%7C01%7C%7C85e9a395b53e472950e108d9c9e8b5f8%7C84df9e7fe9f640afb435aaaaaaaaaaaa%7C1%7C0%7C637762823584240359%7CUnknown%7CTWFpbGZsb3d8eyJWIjoiMC4wLjAwMDAiLCJQIjoiV2luMzIiLCJBTiI6Ik1haWwiLCJXVCI6Mn0%3D%7C3000&sdata=g9g58tjC5JS72LcMq7iGznu9PRyKFCNTHSBR6S%2FAz7Y%3D&reserved=0>
_______________________________________________ Simpel, bun, rumantsch e gratuit: la Posta Rumantscha. Infurmaziuns sin www.posta.giuru.ch
