Estimados amigos:

Mancomun.org, Iniciativa Galega Polo Software Libre, foi convidado a
participar cun stand  propio nos X Encontros de Normalización
Lingüística que terán lugar no Auditorio de Galicia en Santiago de
Compostela os días 26 e 27 deste mes. O obxectivo é dar a coñecer a gran
utilidade do Software Libre como ferramenta para a normalización
lingüística no eido das novas tecnoloxías. O encontro resulta
especialmente interesante xa que moitos dos visitantes serán técnicos de
normalización lingüística, mestres, tradutores e persoas, en xeral,
interesadas na promoción e difusión da lingua galega.

Dadas as características do noso proxecto cremos imprescindible que onda
nós estean os grupos de usuarios de Linux e, por suposto, iniciativas
como a vosa enfocadas cara a localización de software e a tradución. Por
iso gustaríanos saber se estaríades interesados en acompañarnos no stand
e así poder difundir as vosas actividades.

Este correo é simplemente para saber se vos interesa e a vosa
dispoñibilidade. Podedes indicarnos tamén se ides precisar dalgún
material específico ou se tedes algunha idea para o stand.

Un saúdo.


_______________________________________________
Trasno mailing list
tra...@ceu.fi.udc.es
http://ceu.fi.udc.es/cgi-bin/mailman/listinfo/trasno

Responderlle a