Ola María, Para dúbidas sobre o que é correcto e o que non, lembrámosvos que o lugar onde contrastar a validez das formas é:
http://www.realacademiagalega.org/volga/index.jsp Se buscas nesta base de datos en liña, comprobarás que "turno" e "vegada" non aparecen como normativas. En cambio, "quenda" e "vez" valen as dúas. As definicións que buscas podes atopalas en: http://www.edu.xunta.es/diccionarios/BuscaTermo.jsp Por outra banda, a terceira fonte normativa que existe é o "Dicionario castelán-galego" da RAG editado pola Fundación Pedro Barrié de la Maza. Por se non o tedes, reproduzo aquí a entrada "turno": " 1. (alternancia) rolda (f.), <ronda> (f.). Establecieron un turno para colaborar todos en la vigilancia. Establecieron unha rolda para colaborar todos na vixilancia 2. (momento) quenda (f.), vez (f.), rolda (f.), <ronda> (f.), xeira (f.). Cada participante intervendrá cuando llegue su turno. Cada participante intervirá cando chegue a súa quenda. De t.: de servizo. El médico que estaba de turno le aconsejó que acudiese a un especialista. O médico que estaba de servizo aconselloulle que acudise a un especialista. " (O uso de "<>" indica que é unha forma non preferente.) Dado que é unha decisión que aparece nas tres fontes normativas existentes, pouco temos para engadir. Se precisades a definición do futuro DRAG podémosvola conseguir. Saúdos, Víctor Fresco Barbeito TERMIGAL > Olá, > no proxecto Trasno, estase a ter algunha dúbida referente á utilización de > turno, quenda, vegada e vez. > Poderíadesnos aclarar se "turno" é admisíbel e en tal caso cal é a súa definición? > -- > Best regards, > MV
