Assalamu'alaikum w.w.
nan sadapo jadikan saheto, nan saheto dijadikan sajangka, kalau kapatang ambo maibau jo Dunsanak, kini bia nak tambah dakek, mako ambo imbau jo Kamanakan (sasuai imabauan kamanakan ka ambo nan pakai Mamak).
sungguah sajuak dihati, sanang dikiro-kiro mambaco surek kamanakan, mancaliak pado umua, iyo mudo baru, tapi ilimu nan tampak di Mamak iyo alah banyak, apolai isi surek nan kapatang, nak aia pincuran tabik, nak ulam pucuak manjulai, hari nan sadang paneh-paneh galok, aia nan tibo manyirami. Alhamdulillah.
sabagai hutang di Mamak ka anak kamanakan, iyo manyampaikan / mambarikan sagalu sasuatu nan kiro-kiro lai kapaguno di anak kamanakan, mako pado kasampatan iko Mamak baniak pulo nak maagiahkan buku tantang adaik ka Kamanakan, ba a mangko buku nan dapek Mamak agiah, karano itu nan ado di Mamak baru. kok pitih iyo saluang sajo manyampaikan, maklumlah Kamanakan tantang itu
adopun buku nan kiro-kiro lai paguno di Kamanakan adolah
1. Kato Pusako (asli)
2. Panghulu (asli lai di Mamak tapi untuak Kamanakan bia di copykan)
3. Bundo kanduang (samo jo no 2)
sabana no lai ado nan lain, sarupo buku Tambo (bahaso arab malayu gundul), tapi iko mungkin maso nan katibo lah.
umpamo nan tigo buku tu alah ado di Kamanakan, ka baa lai ? tantu nan lain, yo baitu ?
supayo niaik kok nak no sampai, kaua ko nak no lapeh, iyo basiang nan bak hari, batarangkan nan bak bulan, alamaik Kamanakan salangkokno.. Kok maleh Kamanakan malewakan di RN ko, Mamak nantikan di Japri.
Sakian dari Mamak, samoga capek salasai sikola, jan sarupo Mamak ko, SR sajo indak mangacok doh.
Wassalamu'alaiku w.w.
Sutan Bandaro Labiah
Fankha <[EMAIL PROTECTED]> wrote:
Wa'alaikum Salam w.w.
Mamak nan ananda hormati
Wassalam
Fankha (26 + )
BAD07IP
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
