Hello Rantaunet: Your friend, Tanjuang, invite you to read this article.
Title: Mahasiswi Berjilbab Demo Date: 2004-02-20 02:05:52 Topics: Metropolis URL: http://www.padangekspres.com/mod.php?mod=publisher?op=viewarticle&artid=21773 Tanjuang made the following comments: Sanak sadonyo, Artikel iko, mambuek ambo bahati gundah. Baa co itu? Nampaknyo alah banyak salah kaprah di kampuang kiniko. Ciek lai, apo lo masalah jilbab ko nan dipasoalkan bana? Alun patuik jadi soal gadang, sampai maminta pemRI mamutuihan hubungan diplomatik jo Prancis. Apo ndak labiah rancak mempelajari sejarah Perancis, sampai mengeetahui alasan manga Prancis mengaluakan peraturan/undang undang nan malarang jilbab di sakolah. Cubo kito caliak baliak ka balakang: sajak bilo masalah jilbab ko marak di Padang atau di Indonesia? Mari kito bedakan pamakaian salendang atau tikuluak dek amai amai kito 30 tahun ka balakang. Masalah jilbab ko manuruik ambo baru marak sajak ambo sakola di banduang. sabagian mahasiswi pado wakatu tu hanyo sabagian nan bajilbab. Sadangkan di Minang, salain mahasiswa IAIN, PGA atau Diniyah Putri Padang panjang, ndak ado nan mamakai jilbab.Sadangkan guru agamo ambo dulu, hanyo makai salendang sae sabagai panutuik kapalo. Iyo inyo pakai baju kuruang, tapi baju kuruang adolah pakaian urang minang. Kain saruang alah pakaian urang awak. Tapi kini nampaknyo radikalisasi islam makin jadi jadi. Ambo bukannyo mandukuang keputusan pemerintah Prancis, dek karano ambo tingga di Paris, tapi sangat menyayangkan tindakan sebagian nan mangaku muslimah nan namuah sae di\"suap\" dek sebuah negara nan bamukasuik mangacaukan / manarik perhatian dunia. Wakatu tu, sebagian muslimah nan lahia di Perancis, nan labiah Prancis dari urang prancis sendiri, tibo tibo inyo pakai jilbab se karano ado nan maagiahnyo pitih untuk buat gaduh. Jadi manuruik ambo, sasuai jo adaik minang, dima bumi dipijak, disitu langik dijunjuang. Ndak usah lah urusan prancis dicampua aduak an. Putuih bana hubungan diplomatik jo Prancis, ndak ka rugi bagai doh Prancis tu. Tapi Ina nan ka rugi gadang. Paralu dikatahui pulo dek sanak, Prancis adolah negara Eropa nan manolak ide USA manyarang Irak. Nan manampuang Ayatollah Khomeini saat ngungsi. Tapi kini inyo didiskreditkan dek sebagian muslimah... Tapi prancis kini tanang se manarimo kritikan urang lain. Karano punyo alasan kuat. Dari pado demo jo maancam ka demo jo kekuatan nan labiah banyak, labiah elok bantu sanak awak nan sadang sansaro dek gampo. Labiah ado aratinyo ka urang kampuang. Beko kalao alah kueik awak, baru kok manyarang Prancis pun, buliah. Sakitu dulu sanak. Maaf kalo ado nan tasingguang belek nyo. Untuk Wako Padang nan baru - nan samo sa SMP jo jo sakampuang, ndak usah lah iko jadi agenda gadang. Ambo satuju kok acara tahun baru islam dirayokan pulo samo jo tahun masehi jo tahun baru cino. Kok tahun baru cino kito sabuik gong ci fa cai, tahun baru masehi , salamaik tahunn baru, kok tahun baru islam: apo ucapannyo? Heri Tanjuang(40) Rang Tabiang Paris You can read another interesting article at Padang Ekspres Online http://www.padangekspres.com ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________