Assalamualaikum WW Iko nan dibicarokan iyo alah manyentuh ka harga diri bana. Bak kecek Uni Isna, malu rasono awak pulamg kampuang. Tapi elok atau buruak itu adolah kampuang awak. Dek itu awak harus sato mamikiakannya, sato bausaho mampaeloki no.
Nampakno kini, dikampuang awak alah katularan jo kapasitas nan labiah gadang, bahaso budaya malu itu bana nan indak ado. Malah banyak nan bangga jo doso nan dipabuek. Iko tajadi dek raso permisif masyarakat iyo bana alah sampai katitik kritis. Dulu saisuak, samaso awak nan alah gahatko, masih dikampuang, 30 tahun lalu, raso malu itu iyo bana tinggi. Kalau indak sumbayang, mako urangtu maandok-andok katiko urang sumbayang. Di Kiktinggi, saat urang shalat Jumaat iyo bana sepi kota dek urang lakilaki. Nan indak sumbayang ano maandok. Maandok ano bararti masih punyo raso malu, masih malu dek indak malaksanakan perintah Allah SWT. Tapi kini, ondeh mak.... saluang sajo nan manyampaikan. Dulu wataw saubil haq, itu iyo bana malakek dalam kehidupan. Urang nan dibari nasehat atau saketek teguran, saat itu haniang sajo, walau mungkin diati indak satuju. Tapi kini, urang lain indak amuah mambari nasehat lai, dek pobilo dibari nasehat, mako dicemeehkanno atau malah dilawanno atau dimusuahino. Kalau dikecekkan dek ugamo nan kurang, baa mangko didaerah atau negara nan indak Islam, malah kehidupan bajalan tertib. Jadi ugamo Islam nantun adolah salah satu atau nan paliang penting dan diaparalukan untuak mambantuak budaya malu itu baliak. Jadi kini indak tugas ahli ugamo sajo doh, tapi semua ahli, tarutamo ahli sosiologi, phisikologi, filsafat, pendidk, urang tuo dll harus saliang basinergi, saliang maisi dalam mambantuak atau mareengineering budaya Minang baliak. Tapi maaf, kini, untuak bakarojo samoko iyo alah susah bana pulo urang awak. Namun baitu awak harus mamuloi kesadaran manyadarkan diri sandiri dan urang lain bahaso: " Duduak surang basampiksampik, duduak basamo balapanglapang". Aratino tuh kini: dengan bekerja bergotong royong maka pekerjaan jadi ringan, Dengan banyaknya yang berpartisipasi, maka sesuatu yang berat, malah yang tak mungkin, bisa dilaksanakan. Ayo mari awak bagandengan tangan, saliang maisi, saling manasehati, saling menerima atas sumbang saran orang lain. Bila tidak kini kapan lagi. Pengalaman demi pengalaman, juga menunjukkan, hasil diskusi, susah sekali dibumikan, susah sekali dibawa ke dunia nyata. Kini sangat dibutuhkan, ahli yang dapat membawa sumbang pikiran menjadi perbutatan nyata yang membumi. Supaya tidak hanya pintar di podium, sanga di milist saja, tapi dapat dibawa kedunia nyata, dapat diangsua menerapkannya di Ranah Minang tercinta sana. Baa sanak, apo basinergi alias bakarajo samo tu diparalukan indak? Apo iyo memang rang awak tu bisano cuma "MAJU SANDIRI-SANDIRI" sajo? Wasslamulaikum WW St.P (50+) -----Original Message----- From: [EMAIL PROTECTED] [mailto:[EMAIL PROTECTED] Behalf Of Isna Huriati Sent: Thursday, March 25, 2004 8:22 PM Assalamu'alaikum wr wb ... Manuruik ambo panyababnyo bukan dek karano "mental bana nan kanai, atau arago diri nan lah ilang ", tapi dek karano ajaran dasar agamo Islam nan awak anuik tu bana nan indak dipahami, dan iko sangat penting sabab manyangkuik orang banyak. Manuruik pak Didin orang itu boleh disebut berbuat zalim. Nampaknyo awak baugamo masih seremonial, nan dipadebatkan pun nan macamtu. Kalau manuruik ambo nan awam ugamoko, iyo tugeh dunsanak nan paham ugamo " mambumikan ajaran ugamo manganai utang piutangko." Sabab ambo baraja nan manyangkuik urusan awak pribadi jo Allah swt, bisa awak salasaikan surang sae jo nan diateh tu, tapi kalau manyangkuik urang banyak tobatnyo kan barek Panyakik utang piutangko samo sajo baiak dlingkungan publik sarupo nan sanak sampaikan tu maupun antar individu. Jadi iyo banyak tugeh mananti ahli ugamo ditamasuak nan ado dipalantako. Sakian dari ambo, talabiah takurang mohon maaf. Wassalam Isna H Z Chaniago wrote: > Assalamu'alaikum WW > > Da AD, Ndak ado nan bisa disalahkan....., salah sacaro komunitas > sabananyo...., urang di rumah gadang lah mambuek etongan > snek-snek......., rang di ruang rapek legistatif nan kini sadang > kampanye baliak.... apo ndak tau ??? rang kampuang awak masih > 'menganggap' pitih dari pemerintah itu ndak paralu di baliakkan ...... > > Iko ndak sakali duo kali doh mak...., sapangatahuan ambo malah ado nan > sangajo mancari pitih sanang jo dana-dana sarupo iko...., misalnyo > kini Dinas Peternakan punyo proyek A, nyo buek proposal.... buek > kandang jawih.... dll ...taruih dapek bibit sikua jawih trus..biaya > pemeliharaan ....., bulan bisuak ado pulo dana Dinas Perikanan dalam > proyek jala terapung...lah dibuek pulo karamba ketek...sarato > proposal.....sampai dapek pulo dana tsb...., kok ditagih.... itu kan > ndak pitih waang do... pitih den juo....hehehehehehe......... > > Pangalaman ambo, akhr taun patang ikutan ma audit salah satu BMT nan > dibuek di rantau dengan dana infaq ibu-ibu pengajian .. nan namonyo > kredit macet itu sambuah bana, ditanyo ka dunsanak awak tu.. baa kok > ndak diansua ... jawabnyo ..." bilo pulo kami dapek marasokan rasaki > rang rantau lai....." ..... apokoh mental bana nan kanai ...atau arago > diri nan lah ilang.... antahlah.....ndak dapek di ambo pulo doh.... > > Cubo lah tanyokan ka caleg-caleg awak tu persoalan iko...... apo > kiro-kiro jawabannyo...., Mungkin Mak MN bisa mananggapi?? > > Wassalam > > Z Chaniago - Palai Rinuak -http://photos.yahoo.com/bada_masiak/ > ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
