Ass,wr,wb. Sato lo sakaki mauleh apo nan di lewa kan dek pakarek an ambo Tan Bandaro Labiah. Topik Baranjua mamak jo kamanakan ko sangaik cocok bana kini, dikala urang menyampaikan sesuatu mukasuiknyo dengan fulgar dan to the point, tanpa basa-basi dan terkesan agak kurang sopan jo santun, kironyo masih ado urang awak nan manyampaiknnyo dengan kato2 manih saroman nan disampaikan dek dunsanak kito nan terhormat Tuan Sutan Bandaro Labiah tu.
Jadi indak salah Bundo jo Mamak Zubir Amin sarato Sekjen kito Dewis Natra maangkek Tan Bandaro Labiah ko di Seksi Upload Content Web ADAT ALAM MINANGKABAU. Ambo paralu baguru jo Tan Bandaro Labiah ko dalam hal iko untuak maadok'i pasa nan rami, labuah nan golong pado maso nan akan datang. Insya Allah kok lai disampaikan Tuhan hari rabaa sanjo tgl 2 Juni nantik ambo tabang ka Jakarta taruih ka Bogor. Lai buliah ndak Tan ...? Ndak duo tigo pulau talampau, sakali mandayuang, sakali mambukak puro, duo tigo utang tabayie, baa nyo komentar dunsanak nan lain (iko ambo ulang baliak untuak konfirmasi) tentang wacana dari ambo untuak pengukuhan/pelantikan pengurus RantauNet di hari akaid tgl 06-06-2004 tu. Masalah AD RN (ART nyo alun ado) nan alah pulo diparancak dek Ronald dan Mak St.Lembang Alam, manuruik ambo alah cukuik tu mah. Tingga ditando tangani sajo dek Mak Zubir Amin jo Sekjen kito. Sifek manunggulah ambo sabanta, manitahlah Tan Bandaro Labiah. Ambo tutuik jo : Rang Padang mahanyi banang Dihanyi mako dilipek Dilipek lalu dipatigo Indak pandai marantang panjang Elok dikumpa naknyo singkek Ambiak sakiro ka paguno Nan kurang kok lai batukuak Nan senteang kok lai babilai Nan sakik biaso diubek Nan kanai biso ditawa-i Sakik badab ramuan ubeknyo Sakik hati maaf ubeknyo Sairiang balam jo barabah Balam manyosok di aie janiah Sairiang salam jo sambah Salam kumbali ka Tan Bandaro Labiah. Wassalam, M.St.Bangsawan NB: Buek Iraf jo Dawan, ingek2 lah apo nan dipasankan dek Mamak Tan Bandaro Labiah tu. > Tarimokasi Bdr Labiah. > Rancak - padek. > Sarupo iko banyak juo nan manantikan. Apolagi akhia-akhia ko lapau > 'wak lah baun patai dek kabatulan sadang musim. > > Rasono iko ditujukan untuak Iraaf (calpengbar = calon penganten baru), > dan ........ penganten2 lamo. > Paralu sangaik ko. Kok bisa dirutinkan lah mangatangahkanno. > > Lai sato ka Kabun Raya ari Satu 29/5 isuak kaan ? > Ditunggu baduo jo alumni '82 tu ( io 82?? indak) > > Wass > mak Ban > ~~~~~~~~~ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
