At 3:00 PM +0700 4/6/00, Dedi Nofersi wrote:
>Assalamu'alaikum wr. wb.
>
>Alhamdulillah Inyit Sungut lah kumbali baliak ka lapau satalah sukses
>menggondol "insya-Allah dengan" Haji Mabrur, amiin. Pajalanan haji inyiak
>sungguah ciknan, swakelola kan yo nyiak. Tanyo ciek nyiak, ma nan murah jo
>kalau di kelola dek pamarintah RI (rato-rato tujuah baleh juta kini).
>
Kurang jaleh dek ambo baa dan bara pambayaran dari Indonesia karano ambo
caliak macam-macam pulo tingkeknyo. Mungkin nan dalam tingkek banyak nan
diurus sacaro teratur berkloter-kloteran dek Panitia Haji Indonesia,
tampaknyo itu nan paliang banyak dan diatur seragam dan disiapkan dengan
teratur lamo sabalun barangkek. Dari segi persiapan religious para
pengikutnya lah padek untuak manghadapi caro-caro nan harus dilakukan.
Sudah tu ambo caliak ado pulo nan banamo ONH Plus. Itupun macam-macam pulo
sponsornyo. Mungkin ado macam-macam pulo tingkek pambayarannyo. Nan ambo
calaik memang ado ONH Plus ko nan badakek-dakekan (balancik-lancian
hotelnyo jo kami) dan tampaknyo palayanan pajalanan nan diurus travel biro
tu agak saroman jo kami. Dari sagi ongkosnyo kalau dari Indonesia ka Makah
dan dari USA ka Makah barangkali ONH Plus tu hampia samo jo ongkos kami
dari USA. DAri USA pun ado limo tingkek programnyo. Bedanyo ingin bara
urang sakamar di hotel dan ingin dapek makan siang jo makan malam. Paket
nan paliang bawah adolah tamasuak makan pagi sajo. Itu dari sagi ongkos.
Dari segi ibadat, religious, memang itu tagantuang pado persiapan pribadi
dan bimibingan dari sponsor. Dalam hal iko ambo pujikan bimbingan dari
sponsor kito di Indonesia, nan rasonyo kito hargakan bimbingan Panitia Haji
dalam mempersiapkan para Jemaahnyo. Dari pajalanan kami, soal ibadaat ko
memaang labiah banyak dari kemampuan sendiri, bimbingan kurang dari travel
biro nan sabananyo mereka mengurus tiket dan penginapan dankelancaran
pajalanan sajo.
>Salamaik kumbali bakumpua jo kaluarga.
>Kalau inyiak masih batuk, iko ado resep dari tiannanmen Nyiak; 3-5 ons jahe
>(dikukua buliah atau diirih-irih) diabuih jo aia 1,5 liter - tambah saka
>lawang sacukuikno (untuak pamanih) tambah cengkeh 5 - 7 buah - sampai
>manggalagak dan aianyo tingga kiro-kiro 1 liter. Minum satangah galeh 2 kali
>sahari. Mudah-mudahan badan taraso angek dan kuhur inyiak insya-Allah
>kumbali ka-unto. Salamaik mancubo.
>
>Wassalam,
>dn
Tarimo kasih Nyiak Dukun, beko ambo cari ramuannyo. Tapi kohor Nyiak
Sunguik tampaknyo alah agak lungga. Beko ditambah lo maabuih kacang padi jo
sipadeh jo gulolawang tu (atau sakanyiro) nan di siko disabuik urang Gula
Jawa.
Salam,
Mak Ngah
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
