At 4:48 AM +0700 4/7/00, Sjamsir Alam wrote:
..
>
>Tarimo kasi banyak, Nyiak. Lah tagamba parjalanan tu di mato ambo. Cuma ciek
>nan alun jaleh, apokoh Inyiak pai diorganisir pulo dek satu biro perjalanan
>atau samacam biro haji, atau pai surang sen?
>
>mS
>
Ambo pai sandiri dengan program dari satu travel biro di New York, NY, nan
tampaknyo labiah banyak manumpahkan paratiannyo ka Jemaah Haji ko. Urusan
ambo dibantu oleh sub agen Sito's Travel di San Jose, CA (tampek ambo pun
kadang-kadang manjadi agennyo pulo). Sito mauruih tiket dan paretongan soal
pitih-kapitihnyo sarato maambiak aliah atau manolong manaruihkan ka Dar El
Salam soal-soal visa dan tiket pajalanan.
Dar El Salam ko kapunyoan urang Mesir di US tapi operasinyo labiah banyak
untuak Amerika Utara dan Selatan. Tampaknyo organisasi ko banyak hubuangnyo
juo jo urang-urang Mesir nan bakuaso di sinan tamasuak Egypt Air dan Misr
Travel (travel biro kapunyoan pamarentah Mesir). Karano salauak baluak
hubungan Mesir jo Saudi Arabia ko lai agak rancak, tampaknyo Dar El Salam
ko mandapek banyak prioritas dalam pelayanan visa, baiak pangaluarannyo di
Lua Nagari (New York, Ls Angeles) maupun palayanan kalua masuak di Jedah.
Jadi itulah organisasinyo, organisasi pajalanan sajo. Memang ado panyuluhan
dan bimbingan dalam pajalanan dari panguruihnyo nan marupokan ulama-ulama
juo tapi organisasinyuo lapeh sajo, indak ado hubuangannyo jo satu musajik,
aliran, atau organisasi doh. Dan memang ado ihram dibarikan sagagai bagian
dari paket pajalanan.
Nah dalam malakukan ibadah tu, salain dari patunjuak-patunjuak wakatu
barangkek dan pangarahan salamo di Tanah Suci tu, soal ibadat pribadi
adolah tanggung jawab sandiri sajo, baik dari segi persiapan rohani dan
caro-caro ibdaah haji sabaalunnyo maupun dalam saat pelaksanaan salamo di
Sinan. Tapi walaupun tadinyo pai surang-surang, namun dalam perjalanan kito
sacaro alamiah mambantuak kelompok persahabatan sandiri sahinggo kito
tampaknyo alah marupokan satu rombongan nan sanasib, suatu support group,
dalam manunaikan tugeh ibadat surang-surang.
Kok Mak Sati sarato adidunsanak nan basamo ingin malihek purogaramnyo
silakan calaik dalam:
http://www.darelsalam.com/Hajj_Umrah/Hajj_Programs_2000_Eng.html
Sakitulah dahulu.
Salam,
-- SS
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
