Assalamu'alaikum warahmatullahi wabarakatuh,
Alhamdulillah salasailah tugas perjalanan ambo manunaikan Ibadah Hajji
dalam tqhu 2000 ko (1420 Hijrah). Saroman Angku Boes, ambo pun kohor-kohor
pulo sampai kini. Ambo talipon adiak ambo Rivai Sjarif di Bukittinggi nan
pai hajji tahu 1992, keceknyo, "nan indak kanai kohor di Sioan tu cuma Unto
nyo Da". Jadi tapurangah pulo ambo mandanga, tapanca pulo kohor di talipon
long distant tu ...
Kiro-kiro Angku Bandaro iyo barangkali indak salah doh. Ambo lai basuo jo
babarapo dari rombongan nan bapurogaram ONH plus tu. Sayang, ambo indak
basuo jo Angku Boes jo Induak Bareh baliau, baitu juo jo Angku Ibnu Mas'ud
nan ambo cari di Hilton Makah tu. Baitu juo adidunsanak awak nan dari
rombongan Pakanbaru.
Tai ambo lai basuo jo kawan lamo ambo Angku Sjamwil Munaf dari Sungayang,
kawan sakalas ambo di SGA Payokumbuah 1952-55. Kami indak panah basuo sajak
ampek puluah tahun nan lalu, tapi insya Allah Tuhan mampatamukan kami di
Makah. Jadi ambo sempat malihek tampek manginap rombongan dari Sungayang,
Batu Sanga wakatu itu nan tadiri 89 urang (dari Sungayang sajo) kalau ambo
indak salah. Patamuan kami agak manggalak. Bekolah ambo caritokan pajalanan
ambo kok bilo-bilonyo lapeh angah Mak Ngah ko. Kini ko alun ka talakik
maota lai karano banyak lo tugeh nan manunggu nanparalu dikamehi. Samantaro
tu dipaciak-paciak jo paruik ko kok kohor-kohor juo....
Manganai kupiah haji nan ditanyo Angku Gindo, carito Angku Bandaro tu iyo
mungkin dapek dikonfirmasi. Bahkan ambo dapek tambahkan caritonyo beko kok
lai sempat sampai maota baliak.
Sabalun ambo lupo, ambo ingin mangucapkan tarimo kasih banyak atas doa
restu adidunsanak wakatu malepeh ambo pai ka Makah tu. Baitu juo pasan
adidunsanak untuak manaruihkan doa di bawah Linduangan Kabah lai ambo
sarembankan mandoakan kapado Allah untuak kasalamatan kito basamo di Lapau
ko barukuik Kaluarga jo Handai Tolan. Mudah-mudahan nanti banyak Rang Lapau
kito nan kapai manunaikan Ibadat Haji sabagai Panggilan Ilahi nan paralu
kito turuti kalau kaadaan lai manyanggupi dan kasehatan badan lai cukuik
untuak mahadoki karajo barek jiwa raga indak tangguang-tangguang, 100% 24
jam sahari, dalam manunaikan ibadah tu.
Salam,
Sjamsir Sjarif
At 7:47 PM +0000 3/29/00, Bandaro wrote:
> Assalamu'alaikum wr wb.
.....
>
>Ambo mambayangkan jamaah haji dari US, samo jo haji ONHplus INA.
>Kalau ONH plus INA, hampia samo jo pai "tour", all provided ; indak antri
>indak bacirabuk bus, lalok dihotel babintang, di Arafah Mina tenda ba AC.
>
....
>
> To Gindo : Kupiah nan dijua disinan banyak nan "made in Ciamis"
>
> Wass
> `Ndaro
> ~~~~~~~
>
> ----- Original Message -----
> From: "Boes Roestam" <[EMAIL PROTECTED]>
> To: <[EMAIL PROTECTED]>
>
> > Ben:
>> mo kasih dan tapaso pai ka doto ambo tadi dek kuhue nan man-jadi2.
.....
>>
>> wassalam,
>> Boes
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
