Manolah Inyiek Sunguik, di California !
Salam taunjuak bakeh Inyiek, sarato rang dapua di LapauNet nangko.
Salam tajelo ka nan rapek, kato tatabua di nan banyak.
Wujuiknyo salam nan taunjuak, nyato talewa ka ukuran.
Tabayang barih jo balabeh, bana bak andai kato bida.
Dek curiang barih dahulu, dek pusako cupak jo gantang.
Kalau manimbang di nan ado, basiang di nan tumbuah.
Tumbuah sarupo iko kini, Tabik saroman nan bak iko.
Asa lai kato ka bajawab, gayuang kok lai basambuik.
Sanang bana dalam hati, sajuak dalam kiro-kiro.
Namun samantang pun baitu, tagak di badan diri ambo.
Umua alun satahun jaguang, darah alun satampuak pinang.
Kok salah tangan tajambakan, sasek kaki talangkahkan.
Salah kato ta katokan, salah rundiang ta katangahkan.
Mintak ampunlah ambo ka hadirat Allah, maaf diminta ka nan banyak.
Satantang rundiang nan Inyiak katangahkan, itu kato subana kato.
Lah basuluah matohari, bagalanggang mato rang banyak.
Namun samantang pun baitu, nak tarang bak nyo ari.
Nan kurang bulieh ditukuak, nan sintiang bulieh dibilai.
Langsuang ambo tulih jo huruf kapital di "Original Massage" Inyiek Sunguik.
Sakitu dulu, nyiek
Salam hormat,
Pakieh Sutan, Bekasi
----------------------------------------------------------------------------
----------
----- Original Message -----
From: Sjamsir Sjarif <[EMAIL PROTECTED]>
To: <[EMAIL PROTECTED]>
Sent: Sunday, August 20, 2000 12:44 PM
Subject: Re: [Rantau-Net] Induak Pasambahan
> Maa Angku Pakiah Sutan,
>
> Ka Tuhan kito adokkan Sambah, dari Nabi kito tarimo Titah,
> salam bajawek dari Pakiah, kumbali ka Angku Pakieh juo,
> salam nan baliak dari Nyiak Sunguik,
> sarato Rang Dapua nan baduo batigo.
> Jo maoh juo Inyiak sampaikan,
> kaharibaan Angku Damrus Lukman Pakieh Sutan.
>
> Sapanjang panitahan Pakieh nan ka Tangah,
> jauah nan datang dari Bakasi,
> dihadokkan ka Rang Dapua di Lapau nangko,
> sarato ka Rang Lapau nan Basamo.
> Badantun bunyinyo ka Tanah Bundo,
> Luhak nan Tigo Lareh nan Duo,
> lapeh ka Rantau ka Lautan,
> manggalaga bunyinyo Kuliliang Bumi.
>
> Dek di Lapau kito lai baduo jo batigo,
> bakarilahan Pakieh sabanta,
> maengong kito suok jo kida,
> mampalegakan sambah dari Pakieh,
> bak kaji lamo Pakieh juo,
> lamak siriah dikunyah-kunyah,
> lamak kato dipalegakan.
>
> Samantaro manunggu carano balega,
> ataupun kato dipatenggangkan,
> kok buliah Inyiak manyambah,
> maantakan kato nan bak kian,
> paurak-urak tanyo pamulo kato,
> paurak selo pambukak langkah,
> kok kurang tarang mintak pajaleh,
> pambukak tanyo Rang Lapau nan Basamo.
>
> Limbak nan dari Baliau nan Baduo,
> Datuak Parpatiah nan Sabatang
> duo jo Datuak Katumangguangan,
> Urang Baduo balain asa,
> surang barasa dari Indojati,
> surang barasa dari Rajo.
> Kan baitu bana sambah dari Pakieh?
>
> Dek banyak Kaba nan kami danga,
> baitu juo Tambo nan tabukak,
> Inyiak mandanga dari Jauah,
> baitu juo nan sampai ka Rang Banyak,
> bahaso Baliau nan Baduo ko,
> Datuak Parpatiah nan Sabatang
> duo jo Datuak Katumangguangan,
> bukan doh jauah balain asa,
> tapi Baduo Badunsanak.
>
DATUAK KATUMANGGUNGAN BARASA DARI RAJO, MAKSUDNYA BELIAU ADALAH ANAK DARI
YANG DIPERTUAN (RAJO). IBUNYA : PUTRI INDAH JELITA.
SEDANGKAN DATUAK PARPATIAH NAN SABATANG ADALAH ANAK DARI CATI BILANG PANDAI.
IBUNYA : PUTI INDAH JELITA YANG KEMUDIAN BERGANTI NAMA MENJADI CATI RENO
SADAH. YANG DIMAKSUD CATI BILANG PANDAI ADALAH SEORANG ANAK RAJA DARI
INDRAPURA YANG BERNAMA INDERAJATI (INDOJATI)
(Sumber : H. Datuak Tuah, Tambo Alam Minangkabau, Pustaka Indonesia
Bukittinggi, 1976 Hal. 46 dan 94)
> Dek Kaba nan balain nantun,
> ataupun carito nan babeda,
> mamintak kami ka Pakieh
> manarangkan suluah ka Rang Lapau,
> cucua papakan di maa bedanyo.
> Itulah pinto nan paratamu.
>
> Limbak nan dari pado itu.
> "Ujuang Labuah Tanjuang Sungayang,
> di dalam luak jo lareh,
> babasa ampek balai, badaulat nan dipatuan,
> ka baruang lunang gunuang pasisie,
> hinggo pintu rajo ilie, ilie badatuak mudiak batuan.
> Tuan kadi di Padang Gantiang, Indomo di Saruaso,
> Mangkudun di Sumaniak, Tuan Gadang di Batipuah,
> Rajo asa di Pagaruyuang.
> Itunyo urang nan mamrentah
> dalam luah nan tigo, sarato lareh nan duo."
> Kan iyo baitu Kaba dari Pakieh Sutan
> bunyi nan lah samo kadangaran.
>
> Dek lah baitu nan kami danga,
> kok buliah batanyo Nyiak Sunguik tantang itu,
> tantang Rajo nan mamarentah
> Luhak nan Tigo Lareh nan Tigo.
>
> Kaba nan sampai ka Rang Banyak,
> Tambo dibukak Rang Pasak Kunci,
> ado Tigo Rajo di Alam Nangko,
> dalam Luhak nanTigo Lareh nan Duo:
> Rajo Alam di Pagaruyuang,
> Rajo Adaik di Buo,
> Rajo Ibadaik di Sumpu Kuduih.
>
MENGENAI HAL INI, BARANGKALI ADA YANG MAU BERKOMENTAR, SILAKAN !
> Itulah pinto nan kaduo,
> dimaa takucainyo Rajo nan Duo?
>
> Sakitu sambah dari Nyiak Sunguik,
> samo mananti kami basamo.
>
> Salam,
> Nyiak Sunguik
> Di Baliak Bumi di Subarang Lauik Basa
> Di Tapi Riak nan Badabua
> Di Santa Kuruih, Kalipornia
> --------------------------------------------------------------------------
----------------
> Mailing List RantauNet http://lapau.rantaunet.web.id
> Database keanggotaan RantauNet:
> http://www.egroups.com/database/rantaunet?method=addRecord&tbl=1
> =================================================
> Mendaftar atau berhenti menerima dari RantauNet Mailing List, kirimkan
email
> Ke / To: [EMAIL PROTECTED]
> Isi email / Messages, ketik pada baris/kolom pertama:
> - mendaftar: subscribe rantau-net [email_anda]
> - berhenti: unsubscribe rantau-net [email_anda]
>
> [email_anda] = isikan alamat email anda tanpa tanda kurung
> =================================================
> WEB-EMAIL GRATIS ... @rantaunet.web.id ---> http://mail.rantaunet.web.id
> --------------------------------------------------------------------------
-----------------------
> WebPage RantauNet http://www.rantaunet.web.id dan Mailing List RantauNet
> adalah servis dari EEBNET http://eebnet.com, Airland Groups, USA
> =================================================
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
