>
>Kalau kita dizaman sekarang, tentu sudah banyak berbeda. Pusaka yang
>ditinggalkan Rasulullah saw terutama hadist selama hampir 14 abad belum bisa
>ummat islam mengambil kesimpulan hadist yang sahih itu yang mana saja.
>Sehingga sekarang seakan-akan ummat islam itu terpecah-pecah (tidak solid)
>dalam berbagai aliran. Hal ini sungguh membingungkan ummat, khususnya
>seperti saya ini yang masih dalam kualitas abanganlah Sekarang masing-masing
>kita terpaksa mencari sendiri referensi ajaran islam yang benar. Sekarang
>banyak beredar buku-buku agama, banyak sekolah-sekolah agama (pesanteren),
>yang masing-masingnya berdiri sendiri-sendiri. Kemudian ada berbagai aliran
>yang kadang banyak berseberangan. Banyak ustadz & ulama agama, tapi jarang
>yang bisa diambil jadi tauladan.
>
>Baa manuruik uztadz, pandapek ambo tun.
>Salam,
>dn
Wasalam'alaika.
Maaf Dn, ambo agak kurang ukatu maagiah katarangan sacaro detail soal iko
ko dalam manjawek tanyo. Mungkin nantik-nantik bisa.
Nan paralu ambo kecekkan disiko, bahaso jan dipaturuik-turuikkan urang nan
manyabuik Islam tapacah-pacah. Iko sabananyo sinjato urang yahudi jo urang
kristen manyarang awak, jan lah pulo kito sato. Dan bagi urang lain nan indak
baagamo Islam hal sarupo iko dapek mereka tarimo dek karano anggapan mereka
agamo Islam ko samo pulo jo agamo kristen atau nan lainnyo. Nan sabananyo bana
indak baitu do tu. Jadi jan pulo kito sato-sato.
Kalau dicaliak ugamo kristen, antaro katolik jo protestan sangat jauah beda-
nyo. Perbedaan iko bukan perbedaan nan ketek tapi manyangkuik soal ketuhanan.
Katiko baradok-an jo sekte Jehovah, alah balain pulo sabab batuhan Jehova.
Pernah pulo ambo basuo jo urang nan basekte mormon, mereka ko banabi nefi dan
disampiang bibel nan ado, ado pulo bibel dari nefi ciek lai. Jadi kasadonyo
babeda. Kalau ambo indak salah ado tujuah ratuih sekte kristen di Amerika tu
kini.
Indak samo jo Islam do DN. Perbedaan nan ado di kito adolah soal furu'
(cabang) dan bukan persoalan ushul (pokok). Dari ampek mazhab nan ado, kalau
lai namuah maliek elok-elok, pado prinsipnyo nan ado satu mazhab. Hanyo babeda
di cabang-cabang. Jadi jan pulo kito ikuik-ikuik urang nan mangatokan Islam
tu tapacah-pacah manjadi banyak sekte sarupo kristen. Sabab, sia sajo urang nan
mangaku Islam, pasti ba-Tuhan ciek yakni Allah swt., pasti ba-Nabi Muhammad saw.
ba kitab Al Qur'an, ba kiblat ka ka'bah di Makkah, Rukun Islam pasti limo, rukun
iman pasti anam dst...dst.
Soal hadist nan sahih, alah jaleh kasadonyo, ndak ado nan diragukan lai, kalau
ado juo mungkin ciek jo duo nyo tu dek karano perbedaan dalam mancaliak
mutawatir atau indaknyo di sisi perawi hadis. Jiko kito ingin tau bana, kito
buliah baraja apo nan disabuik Mustalah hadis.
Jadi jan kito ragu, dan jan pulo kito timbuakan keragu-raguan dalam diri awak.
Jan sato pulo kito manyabuik Islam tapacah-pacah. Sananglah hati urang dinyo.
Nan harus kito karehkan gemanyo adolah bahaso pado prinsipnyo ummat Islam tu
satu dan indak buliah bapacah. Kasadonyo musti mamacik tali Allah swt.
"Wa'thasimu bihablillahi jami'a walaa tafarraqu"
"Berpegang tegulah kamu pada tali Allah dan jangan berpecah belah"
(Qur'an Suci)
dan cieklai nan paralu kito hiduikkan baliak dek karano kiniko alah hampia mati
keberadaannyo rasonyo adolah persaudaraan. Harus kito gembar-gemborkan baliak
"Inamal mu'minuuna ikhwah"
"Sesungguhnya orang-orang mu'min itu bersaudara"
(Qur'an Suci).
Dalam artian bukan saudara-saudara-an, atau saudara sekedar imbau sajo,
tapi iyo bana saudara bak dunsanak kanduang. Sakik saudara kito, taraso
ka kito sakiknyo. Sabab dalam hadis dikatokan orang-orang mu'min itu
bantuak sabatang tubuh, sakik ciek sakik kasadonyo. Dan hukum mambunuah
saurang muslim adolah doso gadang, payah ka tainda dari narako, kecuali
kalau iyo bana diampuni dek Tuhan Allah (Allah swt.-red).
Nah itu nan paralu digemakan DN, dipabanyak tukang saluang nan kamanyampaikan-
nyo. Bukan bunyi "seruling ular" urang lain nan kito imbaukan.
Lai jaleh dek DN tu ?.
Lah jadi tumah, sampai disiko sajo dulu, maaf dek sadiang basitungkin, ukatu
ambo agak singkek ... baa dek DN kiro-kiro. Kok ndak tajawek barikuik-barikuik
nyo barimaaf ambo, karano nan bisa ambo karajokan kini taradok lapau ko hanyolah
maantakan (FWD) kajian-kajian nan bamanfaat rasonyo taradok ummat. Manulih
bantuak iko, manunggu barangah ambo dulu.
Wassalam
Khairi Yusuf
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
