Ambo sampaikan pasan dari mak Ngah Sjamsir Sjarif di Santa Cruz
USA
~AB~
~~~~
Sjamsir Sjarif wrote:
>
> Maa Angku Bandaro,
>
> Sabalun ambo reply kacurigaan ko bari maoh ambo labiah dahulu di Angku
> sarato di nan Basamo di Lapau ko karano alah duo tigo bulan ambo mintak tap
> duduak di Lapau karano komputer ambo baulek, jadi ambo indak mangikuti aaa
> Ota di Lapau. Walaupun replaiko ado ambo alamaikkan ka Lapau namun indak ka
> sampai karano ambo indak tadaftar untuak samantaro. Ambo pun indak ka dapek
> distribusi lantunannyo. Tarimo kasih cc ka ambo. Tasarah dek angku Bandaro
> kok ka mamporowaikkannyo ka Lapau untuak Rang Lapau nan Basamo.
>
> Baitu juo sakayuah sakali jalan ambo pun manyampaikan Salamaik Hari Rayo
> Idl Fitri sarato Maoh Lahia jo Batin kapado Adidunsanak nan Adang Adok di
> Lapau salamo ko. Mudah-mudahan ibadaik kito samo-samo ditarimo Ilahi. Salam
> Hari Rayoko tamasuak juo dari Anggota Kaluarga ambo di Santa Kuruih,
> California, induak bareh Diah Sjarif, anak bujang jo gadih ketek, Samudera
> Mohammad Sjarif sarato Mutiara Halima Sjarif.
>
> Tambahan pulo ciek lai, takana diambo, Lapau ko didirikan dahulu (Sakitar
> Hari Rayo tahun 1992/93) adolah sabagai hasil komunikasi saling
> bermaaf-maafan antaro kami baduo jo batigo nan adang adok dari sagalo
> panjuru wakatu itu.
>
> Babaliak ka kacurigaan Angku Bandaro satantangan urang nan bagala "Intan
> Sati Alun Bagala..." ko, mancaliak-caliak gaya tulisanno bukan gaya "JSM"
> doh. Mungkin ambo salah takok tapi hati ambo badatak kareh. Ambo manakok
> iko adolah lago lamo nan ciek lai mancubo manyuruak-nyuruak ka Lapau. Kalau
> Inyo mangaku dari Mungka Pikumbuah, indak ka salah ambo doh barangkali,
> gayanyo gaya "Malin Duano" nan kini banyak masuak di mailing list lain
> saroman di "Minangnet" (nan di Japang, Minangnet ado duo) inyo mamakai gala
> "Dutarantaunet" di Minangnet tu. Mancaliak pilihan kato "Tengoklah" dalam
> kalimatnyo nan partamu tu, tampak bana gaya Mungkanyo; kalau "JSM" mungkin
> inyo ka mamakai "Caliaklah". Karano inyo manyabuik pulo "Indak Bagala", iko
> memang tampaknyo iko adolah panyakik psikologisnyo sajak saisuak.
>
> Dek karano ambo indak mangikuti sajak bilo masuaknyo baliauko ka Lapau dan
> apo-apo nan alah diotaannyo, mancaliak gaya bahasanyo ko rancak
> dicaliak-caliak dahulu latar bulakangnyo.
>
> Sakitulah dahulu,
> Salam,
> -- Sjamsir Sjarif
>
> At 12:24 PM 12/23/00 +0700, Bandaro wrote:
> >
> >Sabalun reply ko ditaruihkan, ambo minta konpirmasi
> >apokoh batua kamanakan Indra Nan Sati ko Mhs FE Unand,
> >kampuang di Mungka Pikumbuah ????
(............ dikuduang kaan lah dibaco juo ..................)
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
Atau kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
