Assalamu'alaikum.
Lah saminggu kato alun bajawab, gayuang alun basambuik.
Kabatulan, di siko (Bekasi) ado kakak ambo baru datang dari Muaro Paneh,
Solok.
Baliau bagala Tenggang Basa, Manti Adat dalam Pasukuan Koto-Sikumbang.
Barikuik ko adolah pasambahan dari baliau.
Sakali lai, tarimo kasih ateh 'apresiasi' dari rang lapau kasadonyo.
Wassalam.
----- Original Message -----
From: Damrus Lukman <[EMAIL PROTECTED]>
To: <[EMAIL PROTECTED]>
Sent: Thursday, December 21, 2000 7:51 PM
Subject: Re: [RantauNet] Pasambahan Mintak Pulang
>
> Manolah Mamak Datuak Tenggang Basa (Ninik-mamak di pihak si Alek)
> Sambah tahunjuak bakeh mak Datuak.
> Tapi adaik barundiang jo Mamak, bari maaf ambo mak Datuak.
> Sapanjang panitahan si pangkalan, kok bisiak lah samo kadangaran, imbau
lah
> samo kalampauan.
> Indak ka diulang bak manyikek, indak ka dibaliak bak mamanggang.
> Bapituahlah mak Datuak tantang itu, ambo lah samo di dalamnyo
> Sakitu sambah ka bakeh mak Datuak.
Lah sampai panitahan Pakieh Sutan?
> Sakiro baitu lah mak Datuak.
Sambah di kumbalikan bakeh Sutan.
Sapanjang panitahan sipangkalan, lah kami bao bakato baiyo, bajalan bamolah.
Kok pintak biaso buliah, kandak biaso balaku.
Namun untuak bamalam di siko, iyo agak barek tumah Sutan.
Banyak karajo barek nan ka samo dipikua, ringan ka samo dijinjiang di tampek
lain.
Manitahlah Pakieh tantang itu, kami lah samo di dalamnyo.
Namun kok ado katukuak-tambahnyo dari Pakieh,
pasan indak ka di turuik-i, pitaruah indak ka diunyi-an.
Sakitu sambah bakeh Pakieh.
Alah sampai panitahan Mamak.
Alah.
Ambo taruihkan ka sipangkalan, mak.
Manolah Sutan Bandaro janyo ambo.
Sambah dikumbalikan bakeh Sutan.
Dek lamo lambek di jalan, gak talalai ambo mangumbalikan sambah.
Rila jo maaf ambo tantang itu.
Sutan Bandaro,
Sapanjang panitahan sutan, nan talewak bakeh alek nan satampuah lalu
sabondoang suruik.
Satitiak lah ambo lawikkan, sakapa alah ambo gunuangkan.
Alah ambo bao kato baiyo jalan bamolah jo niniakdengan mamak.
Aa nan manjadi pambarian dek baliau, didanga lah baiak bunyi, dicaliak lah
rancak rupo.
Indak basuluah batang pisang, tapi lah basuluah matoari, lah bagalanggang
mato rang banyak.
Pulang maklum ka bakeh Sutan. Sakitu sambah dari ambo.
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
Atau kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
