Bismllaah, Ar-Rahmaan, Ar-Rahiim.
At 13:07 2001-01-18, you wrote:
>Assalamu'alaikum wr., wb.
>
>Talabiah dulu ambo mohon ma'af ka Pak Syaifuddin. Ambo punyo komentar agak
>sapatah duo patah.
>
>Pak Syaifuddin manyabuikkan tantang Demokrasi Islam vs Demokrasi
>non-Islam. Ambo salamo dikampus sanantiaso terlibat dalam masalah
>'demokrasi' baik itu dalam kehidupan berorganisasi maupun dalam lingkungan
>karajo antaro kawan sairiang, dosen, satpam, atau tukang sapu.
>
>Ambo manyimak juo kehidupan demokrasi di nagari Indonesia ko. Demokrasi
>nan dibaokan Soeharto nan katonyo demokrasi Pancasila, demokrasi zaman Pak
>Habibie, dan terakhir demokrasi zaman Gusdur.
>
>Maikuik-i kato Pak Syaifuddin untuak bademokrasi sacaro Islam, ambo takuik
>kalau apo nan alah ambo alami ataupun lakukan salamo ko bukan demokrasi
>Islami. Mohon penjelasan Pak Syaifuddin, dek ambo iyo masih mudo
>bana. Umua alun sataun jaguang, darah alun satampuak pinang. Banyak dunia
>nan alun ambo sibak lai. Apokah garan demokrasi Islam tu.. apokah
>demokrasi zaman Gus Dur adolah sasuai jo demokrasi Islam?
Sanak hambo Budi Indra, maafkan hambo bahaso tulisan hambo alah mambawo
sanak ka bapikie bahaso 'seolah-olah' hambo iko adolah salah surang nan
paling mandukung Gus Dur, hambo nampak mambelo-belo Gus Dur (sarupo nan
dipikiekan dek sanak hambo DN). Taruih tarang se, hambo indak
kenal-mengenal jo Gus Dur bahkan hambo pun indak pernah menjadi anggota NU
sehinggo hambo harus mambelo Gus Dur.
Jadi, kok tulisan hambo mangecekkan "demokrasi Islam" dan kemudian
statement iko, sanak Budi hubuangkan jo "demokrasi ala Gus Dur sebagai
hambo kecekkan adolah sasuai jo demokrasi Islam", iko alah terjadi salah
tafsir baliak, dek karano dalam tulisan hambo tentang statemen hambo -babi
halal- yang sabalun iko. Hambo indak pernah mangecekkan bahaso demokrasi
Gus Dur adolah demokrasi nan sasuai jo demokrasi Islam.
Hambo raso, elok Sanak Hambo Budi baco baliak apo nan alah hambo makasuik
jo "demokrasi Islam" di bawah iko:
> Sanak hambo DN, demokrasi Islam tu babedo jo demokrasi non-Islam. Demokrasi
> awak basandi syarak dan syarak awak basandi kitabullah. Jadi meskipun ciek
> nan mangecek asal batue dan sasuai jo syarak, mako baliaulah nan harus awak
> turuik. Banyak pun urang nan mengecekkan, tetapi berado dalam kejahilan dan
> indak basandi syarak, "haram" awak turuikan.
>
Apo nan hambo kecekkan itu sabanano adolah filsafat urang awak zaman daulu :
"Adaik (demokrasi) basandi Syarak. Syarak basandi kitabullah". Jadi
falsafah Minang iko adolah nan paling pas manuruik hambo untuk manjalehkan
ba'a "demokrasi Islam itu". Awak melaksanaknan adaik kebiasaan awak (apo
sajo kegiatannyo : politik, ekonomi, sosial, teknologi, dls) itu selalu
basandi atau berdasarkan kapado "syarak" atau hukum agama Islam. Sadangkan
Syarak nan awak ikuti adolah nan basindi ka Kitabullah yaitu Al-Qur'an dan
Sunnah Rasulullah (SAW). Nan bertentangan jo itu bararti tatulak atau batal
atau haram awak lakukan.
Kini awak dapek manilai surang, demokrasi ala sia nan "basandi syarak, yan
syaraknyo basandi kitabullah" tu ? Demokrasi ala Sukarno, demokrasi ala
Hatta, demokrasi ala Adam Malik, demokrasi ala Hamengku Buwono X, demokrasi
ala Habibi, demokrasi ala Gus Dur, demokrasi ala Megawati, demokrasi ala
PDI-P, demokrasi ala Golkar atau nan ma lainnyo ? Dek karano sanak Budi
alah banyak pengalaman bademo krasi, tantulah Sanak Budi alah dapek
manjewekno surang. Iyo indak ?
>Tarimokasih sabalunno. Banyak maaf.
>Wassalamu'alaikum wr., wb.
>Rajomudo
Samo-samo dan As-Salaamun alaikum wa rahmatullahi wa barakatuh.
Syaifuddin Ma'rifatullah - Aceh.
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
