Menarik juo mambahas badan surang ko, kalau kito mau jujur memang banyak
kurangnyo, tapi relatif thd nan lain masih banyak kalabiahan urang awak
sabananyo, suku lain banyak nan marasai dek pamaleh, dsb.
Awak acok bangga baraso awak sangat baradaik, tapi kenyataan banyak juo
tingkah rang awak nan seperti indak baradaik. Mungkin itu salah satu gunonyo
marantau seperti nan disuruah rang tuo atau hijrah istilah agamo kito,
karano LUKISAN INDAK BISA MANCALIAK BINGKAINYO, semakin banyak kito
berpindah semakin bisa kito mancaliak kekurangan kito nan harus dipeloki.
Mengenai SDM urang awak nan santiang banyak, takana wakatu acara GM bahkan
pak Emil Salim pun dengan bangga pernah manyatokan baraso +200 urang Phd
berasal dari Minang kini, kalau kito mau yang lebih baik tantu kito akan
fokus ke quality bukan quantity, sasuai kito tu Pak? Ekonom minang nan
sahebat Emil Salim itu bara banyaknyo dan dima nyo kini? Politikus sahebat
H. Agus Salim tu ma nyo? bahkan ulama sahebat dan luruih spt Buya Hamka lai
iyo indak ado nan nampak lai doh, bahkan kini buya alah sibuk ba politik dan
indak profesional.
Manuruik ambo adolah Salah besar kalau kito indak namuah mengakui dan
barusaho mancaliak kekurangan untuak memperbaiki kedepan.
Sekian komentar ambo, talabiah takurang bari maaf lah ambo ciek.
Wassalam,
Rudy Gunawan Syarfi/30th
>From: "Sutan Sati Batuah" <[EMAIL PROTECTED]>
>
>Partamo-tamo ambo minta maaf ka dunsanak di lapau nan maraso tasingguang jo
>curito ambo, mukasuik ambo lai alun sajauah itu bana lai, tapi mungkin caro
>ambo nan agak jangga taraso dek dunsanak-dunsanak ambo
>
>Iyo tarimo kasih banyak ateh apopun komentar nan dunsanak barikan, taubek
>juo agak saketek taragak ambo bacurito di Lapau. Sanang juo hati ambo
>mambaconyo karano takana dek ambo baliak situasinyo samo jo wakatu di lapau
>minum kopi sambia maota kian kamari.
>Iyo lah lapau namonyo, tampek awak bacarito, sumber batuka informasi,
>batuka fikiran dan bagalak-galak malapeh panek. Namonyo di lapau lah, ado
>nan mulai dari galak tasenggeang, takakah, ado nan masam, ado nan haniang
>se sambia maangguak-angguak ketek (antah mangarati antah indak), ado nan
>manambah, ado nan maulang dan mampajalehan carito baliak tapi ado juo nan
>langsuang angkek kaki sambia mayemba rokok sabatang . Baitulah lamaknyo
>situasi lapau di tampek awak, dan mungkin sajo itulah tampek nan paliang
>demokrasi di nagari awak.
>
....cut...
>
>Wassalam
>
>St. St. Batuah
_________________________________________________________________________
Get Your Private, Free E-mail from MSN Hotmail at http://www.hotmail.com.
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
