Re: [RantauNet] Apo nan kurang di awak?

[Muchti A. Dani]

"Nurman Firman" <[EMAIL PROTECTED]> wrote on Friday, March 30, 2001 3:10 PM: > ..........  dan tantunyo ada nan mengkoordinirnyo. 'Aaaa iko bana nan kurang di awak ..... Kalau nan ka maju/santiang/kayo surang-surang sajo, iyo banyak ..... Tapi kalau nan sabana-bana ka mangkoordinir/mamimpin untuak kamajuan/kaparaluan basamo, iyo sabana kurang ....   Kadang-kadang ado nan icak-icak mangkoordinir/mamimpin untuak kamajuan/kaparaluan basamo,  tanyato untuak kauntuangan/kaparaluan pribadi/golongan baliau sajo ... Pamimpin nan sarupo iko ambo namokan Pamimpin Politik. Pamimpin Politik manuruik ambo indak lain adolah pamimpin icak-icak (maaf ka dunsanak nan hobi bapolitik).   Pamimpin/koordinator nan sabana pamimpin muncua kalau alah ado suatu kasulitan nan samo-samo diraso-an, lalu ba-inisiatif/bausaho mancapai kasapakatan untuak kalua dari kasulitan itu sabagai tujuan basamo, sarato sasudah itu mamimpin sagalo usaho untuak mancapai tujuan itu.   Mungkin dek karano kakayaan alam juo lah nan mamanjoan urang awak. Indak ado suatu kasulitan nan samo-samo diraso-an, sahinggo indak panah muncua pamimpin nan sabana pamimpin itu. Balain di nagari nan sarupo dicaritoan dek Angku Sutan Sati Batuah (42th) " <[EMAIL PROTECTED]>: "kehidupan urang di Burkina Faso, sabuah negara di Arfika, kabanyo salah satu negara nan paliang miskin didunia, kok dibandiangkan jo kampuang awak yo 180� bedanyo, sapueh-pueh mato mamandang indak ado tampak batang kayu nan badaun doh, samo tahu sajolah awak bara kariangnyo gurun di Afrika. Tapi ado suatu persatuan masyarakat disuatu desa nan bausaho malawan kekerasan alam ..." jaleh ado kasulitan nan samo-samo diraso-an sarato kasapakatan untuak kalua dari kasulitan itu sabagai tujuan nan ka dicapai basamo-samo, sahinggo fungsi koordinasi bisa dijalankan, yaitu tingga manantukan siapo mangarajoan apo sasuai jo kaahlian/kasanggupan masiang-masiang ... Urang awak iyo banyak nan ahli di bidang masiang-masiang, potensial untuak mambangun nagari, tapi indak panah sabana tacapai kasapakatan tantangan apo nan ka dibangun. Masiang-masiang cuma maliek dari kapentingan/kauntuangan/kaparaluan masiang-masiang (subjektif), nan kalau di nagari awak pasti indak panah samo. Apolai nan hobi bamain politik. Tujuan politik di ateh sagalo tujuan nan ado. Tujuan untuak kaparaluan basamo nan indak manguntuangkan dari segi politik diinjak-injak. Indak heran kalau banyak urang awak nan maju/santiang/kayo surang-surang sajo, tarutamo nan di rantau, sabab maraso di kampuang paguno balun ...   Kasimpulan: nan kurang di awak adolah pamimpin nan bisa mancari/mausahokan kasapakatan sacaro objektif untuak manjadikan pambangunan ekonomi/sosial/budaya di nagari awak sabagai tujuan nan ka dicapai basamo, lalu mamimpin sagala usaho untuak mancapai tujuan itu.   Kapado nan kini alah manjadi pamimpin formal di nagari awak, marilah kito samo-samo mahimbau supayo baliau-baliau tu sabana manjadi pamimpin nan kito arok-an.   Untuak dunsanak-dunsanak nan bapotensi atau babakat untuak mamimpin, marilah manjadi pamimpin informal dalam mambangun nagari awak. Jan lah manjadi anggota "nato" sajo (no action talk only). Kumpua-anlah SDM nan bisa dikumpua-an. (Tapi harus basaba mangumpua-an ciek-ciek, sarupo nan ambo lakukan kiniko, sabab indak mungkin diharok-an langsuang banyak takumpua.) Kalau alah cukuik takumpua, bueklah kasapakatan untuak mancapai suatu tujuan basamo sacaro objektif (untuak kaparaluan basamo, jan nan kalamak di awak sajo), lalu muloilah jo bismillah mamimpin sagala usaho untuak mancapai tujuan itu. Insyallah, kalau alah banyak nan malakukan hal nan sarupo iko, pambangunan ekonomi/sosial/budaya di nagari awak bisa kito laksanakan sacaro nyato.   Disampiang tiu marilah kito bado'a mamintak kapado Allah Subhanahu Wata'aala nan Maha Kuaso jo Maha Pamurah supayo maridho-i sagala usaho awak, sarato supayo di antaro nan mudo-mudo kiniko ado juolah nan manjadi pamimpin sabana pamimpin, bukan pamimpin icak-icak, Amiiiiiin !!!! St. Batuah (57th)