Tarimokasih dunsanak nan mananggapi tulisan ambo soal Provinsi Minangkabau
nan ambo sandiri manolak gagasan tu. Dari pandapek nan masuak meskipun ado
nan pro
tapi nampaknyo labih banyak nan satuju atau mandukung. Tandonyo awak masih
urang
Minang, karano masih ado perbedaan nan manyangkuik soal dunia ko.
Namun samantang pun baitu, ambo ingin majalehkan labih lanjuik, manga ambo
manulak
(baco juo tulisan ambo: Provinsi Minangkabau Dasarnyo Apa?) manuka namo
Sumatra Barat
manjadi Provinsi Minangkabau.
Masalah ko bukanlah nan substansial bana, tapi dek dikaikkan jo masalah
identitas urang
Minang, masalahnyo manjadi campua aduak. Soal krisis identitas Minang yang
awak alami
kini ko, ambo kiro indak dek karano nagari awwak banamo Provinsi Sumatra
Barat. Malah
mungkin indak ado sangkuik pauknyo jo itu.
Mesti awak akui, generasi baru kini, terutamo di rantau memang banyak nan
alah manipis raso
keminangkabauannyo. Baitu pulo di kampung tarutamo di kota-kota. Bahkan ado
nan alah
maulu atau indak namuah mangakui keminangkabauannyo lai. Tapi di
kampung-kampung, di nagari-nagari, ambo masih mancaliak cukuik banyak nan
manjadikan budaya Minangkabau sebagai
sumber rujukan dan aktivitas sosialnyo. Jadi alun sapanuhnyo hilang.
Kalau awak caliak salamo ko, atau istilah Minangnyo; "mancaliak contoh ka
nan sudah, mancaliak tuah
ka nan manang", raso kkeminangkabauan atau bakambangnyo identitas Minang,
sabananyo
kan dek ado sistem dalam keluarga atau kaum nan mansosialisasikan
nilai-nilai keminangkabauan
tu, bukan oleh apa yang dinamakan "negara" atau kekuasaan yang bersifat
formal.
Nah dalam konteks ko, awak bisa pulo mancaliak, jikok kampuang awak ko
dituka namonyo
jo Provinsi Minangkabau, manuruik ambo bisa labiah barbahayo. Partamo
sababnyoo, pemerrintah
akan sangat jauh mencampuri urusan kebudayaan awak. Caliak sajo kini,
Pemerintah Daerah
mambuek Perda tantang larangan padusi kalua malam. Iko peraturan nan
sangaik aneh dan indak
mungkin dilaksanakan. Kalau alah banamo Provinsi Minangkabau, mungkin
sakalo urusan sosial,
budaya, ekonomi dan dapua awak ka diuruih pulo dek pamarintah. Ambo yo
indak picayo doh
kapado pamarintah dapek mauruih urusan kahidupan adat, budaya dan sosial
kito. Bahkan sabaliaknyo
salamo ko samakin diuruih dek pamarentah, samakin rusak, bukannyo samakin
elok. Bara rusaknyo
nagari sajak intervensi pamarentah, ninik-mamak awak dijadikan legitimasi
kultural untuk kepentingan
politik, baitu juo kaum ulama dan cadiak pandai awak. Saluruihnyo diatur.
Iko baru banamo Sumatra Barat alun lai kalau banamo Provinsi Minangkabau.
Baa lah jadinyo, mungkin sampai ka biliak rumah
awak sandiri akan diatur. Pamikiran manuka Proviunsi Sumatra Barat manjadi
Provinsi Minangkabau
ambo kiro langkah mundur nan jauh sakali.
Sabab masalahnyo bukanlah pado namo kampuang ko, masalahnyo dek urang
Minang itu sendiri.
Ambo di Jakarta acok badiskusi dengan perantau baa kok ganerasi mudo nan
lahie di rantau kok indak cukuik kuat ikatan emosinyo dengan kampuang
halamannyo? Ambo pikia iko kan dek urang gaeknyo, mamaknyo atau dunsanaknyo
sandiri nan indak maajanyo sacaro intens tantang baa nan Minangkabau tu.
Ado mungkin pangatahuan nan diajakan, tapi itu hanyolah basifat verbal
sajo, dan itu diambia dari
papatah-pepetih nan indak bisa ditamukan realitanyo.
Baa manjalehkan wilayah Minangkabau sarupo nan dikatokan dalam Tambo atau
kaba Cindua Mato, bahwa sampai ka obak nan badabua, aie nan baliak mudiak,
lauik nan sadidiah...dst.....Indak mungkin generasi mudo kini bisa paham
kalau awak pakso mereka untuak mangarati, karano dasar logika nan bakambang
dek mereka indak bisa manarimonyo. Baliak awak ka pangka kaji baliak, apo
nan awak
mukasuik sabananyo dengan adaik atau budaya Minangkabau tu?? Manuruik ambo
bukanlah
papatah-petitiah nan rajin diapa dek urang salamo ko. Itu hanyo media.
Manuruik ambo adaik tu harus tapakai, dan manjadi prilaku. Caliak lah urang
Cino misalnyo, barapun lamo dan jauhnyo maranntau
maninggakan kampuangnyo, inyo tatap Cino. Kanapo? Karena orang tuonyo
mandidiknyo untuk tatap manjadi Cino. Awak ndak, anak awak awak didik
untuak manjadi sarupo urang lain. Kamudian anak-anak indak namuah
baminang-baminang, dicarilah sababnyo nan lain. Jadi mancari kasalahan pado
nan lain, tamasuak namo Sumatra Barat. Iko manuruik ambo.
Dek alah panjang, ambo kamanaruihkan lain kali masalah ko.
Mari kito badiskusi taruih.
Salam dari kampuang
Edy Utama
_________________________________________________________
Do You Yahoo!?
Get your free @yahoo.com address at http://mail.yahoo.com
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
