Sanak di Palanta:
bisakah awak mampasalahkan ugamo dalam hal iko?
mampasalahkan dalam artian, ugamo nan awak pacik kiniko
indak diajakan sacaro tapek kasatiok insaan.
ikolah nan mangganja pikiran ambo satiok mancaliek ka kencongan
nan tajadi di masayarakaik nan indak sajo di urang awak.
wass,
Boes
-----Original Message-----
From: [EMAIL PROTECTED]
[mailto:[EMAIL PROTECTED]]On Behalf Of J.Dachtar
Sent: Sunday, July 01, 2001 10:11 AM
To: [EMAIL PROTECTED]
Subject: RE: [RantauNet] Ulasan WTS di kampuang awak
Tampak2nyo urusan WTS ko sabana urusan yo bana ko mah. Nan
mambuek takajuik malah sajak di beritakan banyak nan takajuik
badan. Alasan takajuiknyo mungkin dek sanak jarang pulang
kampuang, icak2 takajuik dek malu maakui atau dek lah bajarak
bana jo masyarakaik tampek asa usua awak. Tingga batanyo
kabadan surang2 dima posisi awak.
Mampatinggi moral jo jalan babaliak ka adaik jo ugamo nan banyak
diusulkan mungkin jalan nan paliang tapek, salain panyalasaian
nan paliang mandasar sakaligus mampatinggi nilai manusia urang
Minang. Cuma paralu wakatu samantaro kajadiannyo lah bajalan
taruih.
Kok ka maarokan kapanyalasaian hukum elok bapikia tujuah ratuih
kali. Wakatu apak kapalo polisi, nan mambukak masalah ko di
Mimbar Minang, bacarito soal bara lah karuntuahnyo moral urang
minang, kalua aie mato ambo dek galak. Indak tau lah nyo kini
bara saham anak buahnyo mangambangkan industri sex, jo
kajahatan lainnyo dikampuang awak.
Dek palacuran ko lah barang ado, sadangkan mobilisasi
masyarakat sabana tinggi, nan jadi masalah mungkin samantaro
bausaho ma-atasi jo pendekatan moral, penyakit kelamin tarutamo
HIV/Aids lah bakambang talabiah dahulu. Kok kajadiannyo lah
saroman di Thailand atau di Afrika (alah ado gejala karah kasinan
di Indonesia) mungkin biaya sosialnyo labiah maha. Baralah
kaeloknyo kalau ado relawan2 dikampuang awak nan namua tajun
lansuang magiah bimbingan bia nak tahindar dari panyakik Mauik
tu.
Kok mambandiangkan doso antaro malacur jo maliang ba-
karuang2 tu bialah urang nan labiah mangarati soal agamo. Tapi
manvonis jo manyumpahi urang mungkin lah karajo Tuhan nan
awak kakok. Nan jaleh, kok jo caro manjua diri urang2 tu
manggadangkan anaknyo, badannyo surang nan dijuanyo.
Mungkin indak adia rasonyo kalau mambandiangkan jo urang
maliang badasi, nan banyak mamakainyo, masih berhak jadi urang
tahormat. Padahal anak2nyo digadangkan dalam kamewahan jo
harato hak urang lain, malah mungkin diantaronyo hak anak yatim
atau mungkin anak2 nan lah abih busuang lapa tu.
Kok batua kecek urang pandai bawaso hubungan sex padusi
labiah urusan emosional, mungkin indak karajo murah atau jalan
pintas agaknyo do mambaok lalok sia nan namuah mambaia.
Apolai dikarajoan ditangah-tangah masyarakaik saroman di Minang
Kabau. Kok indak tapaso bana atau lah tajarumus, mungkin indak
ka dikarajoannyo bagai do. Jadi labiah bamanfaat kalau dicubo
manyalamaikan atau paliang saketek di doakan nak babaliak ka
jalan nan luruih.
JD
===============================================
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
