Sanak Revrisond, Raso-rasonyo informasi sanak tambah jauah panggang dari api. Disatu sisi sanak maakui pamarentah paralu pitih untuak manutuik defisit APBN, disisi lain sanak manyarankan Status Quo manunggu panyalasaian hukum nan indak ado sangkuik pauiknyo jo masalah spin off atau put option akhir2 ko. Masalah Insider trading tu sado urang tau tajadinyo waktu panjualan saham PT Gresik nan partamo, itupun indak ado pangaruahnyo ka harago saham nan di jua pamerentah ka PT Cemex.
Lha, biasonyo kalau ado informasi bocor soal pemindahan saham jo skala gadang nan trend nyo maransang urang mamburu saham, bukannyo manuruik teori malah harago saham taangkek, sadangkan harago saham nan dibaia PT Cemex tatap se labiah maha dari saham di BEJ. Taruih dima banang merahnyo antaro panyalasaian hukum Insider Trading zaman lalu jo urusan maso kini?. Apo indak talampau di-ado2kan?. Kok pamerentah manuruik saran sanak manunggu privatisasi BUMN sampai masalah hukum salasai, tantunyo sanak mangarati, sabagai salah satu negara nan paliang korup sadunia indak ado BUMN nan indak bamasalah do. Bara panjang wakatu nan diparalukan, sadangkan bisuak pagi gaji pagawai harus dibaia, utang lah jatuah tempo sadang pamasuakan nan lain indak ado. Justru malah bisa jadi privatisasi ko nan bisa mangurangi korupsi. Jadi raso2nyo teori sanak agak anti logika. Tambah anti logika lo lai kalau sanak maanggap pamerentah mampamalukan rakyaik dimuko PT Cemex. Logika nyo, sia sajo nan mamerentah kiniko, sukses spin-off marupokan modal nan paliang gadang untuk pamilu 2004 di Sumbar jo Sulsel. Mungkin pamerentah nan paliang goblok didunia nan indak manangkok kesempatan ko. Cuma masalah spin-off ko mungkin iyo indak segampang disalasaikan jo emosi sampai2 Pemda nan malawan hukum pun bisa dianggap pahlawan. Sacaro ilmiah (eh..eh), agak absurd kalau mambandiangkan UU distribusi hasil Privatisasi di Yugo jo diawak. Di sistem awak masalah kesejaterahaan rakyaik di atur di APBN, hasil panjualan BUMN di-alokasi-kan untuk manutuik defisit APBN. Kok masalah jamin manjamin nan disabuik, akhir2nyo awak malah masuak kadunia paranoid, padahal lah kawajiban masyarakat mamaso pamarentah untuak transparan (tokh sajak Bapak Pembangunan cuci tangan, urang lah bagak2). Lagian urang lain kan bisa sajo mangecek sia nan bisa manjamin aksi Pemda Sumbar bebas dari kepentingan pribadi. Walaupun banyak urang Sumbar nan mangagumi Amin Rais malah PAN hampia manang disinan, rasonyo sanak tau kalau Pemda di Sumbar tu masih di jalankan Golkar, niniak muyang-nyo urang maliang nan nota bene: lah tabiaso mampabodo rakyaik, korupsi, sogok manyogok, last but not least nan lah tabiaso jo selip amplop untuk mambali opini publik. Lha kalau di liek pajuang2 spin-off baik dipusat ataupun daerah tokh urang2nyo nan dulu sato manggadaikan nagari awak. Utang Pamarentah tu resmi dari segi hukum, jadi indak mungkin indak dibaia jo alasan banyak nan di korup. Nan tarakhir harus disalasaikan sacaro tapisah. Kalau lah manjadi putusan pangadilan baru dijadikan modal untuak bargaining apo lai kalau tabukti ado keterlibatan World Bank. Tapi kalau jo maandalkan gadang pangka langan (pangka langan urang gaek nan lah mangalami Athropy), lansuang sajo di kemplang, awak harus siap2 jadi Cambodia ka- duo. Apo malah indak tambah sansaro rakyaik. Kalau masalah kabanggaan jo harago diri, awak hiduik di abaik 21 sanak. Henry Ford bisa sajo Nabi urang amerika soal automobile, tapi urang bisa manarimo kalau kini tingga mereknyo sajo. Bill Gates nan mambangun Microsoft dari scratch pun, sahamnyo kini indak sampai indak sampai 51% disinan. Ado sajuta perusahaan nan bisa disabuik Trade Mark suatu bangso nan kini tingga merek, sadang kapamilikan nyo bisa2 salah satunyo Usamah bin Laden. Harusnyo Pemda maliek kalau kepentingan SP tu untuak rakyaik banyak indak tagantuang dari sia nan punyo tapi ribuan pagawai nyo nan gajinyo jauah diateh standard gaji pagawai nagari PNS nan indak maliang. Jo pandapatan saroman itulah nan bisa mahiduiki banyak urang lain dipasa-pasa (Kalau direksi2 nyo bia gan selah mancukua abuak di Singapura). Harusnyo Pemda mang- kondisi-kan Sumbar tu sahinggo ado 100,200 bahkan 1000 perusahaan nan sakaliber jo SP talapeh dari sia nan punyo (pabrik semen ciek tu selah .....lato). Bukan malah mambuek urang takuik masuak dek ulah sakadar harago diri kosong. Eh ya....yai, dunia lah tabaliak etong JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
