Dusanak-dusanak...Ytt,
Bana tuh...dusanak. Ambo satuju bana. Ranah Minang gudang
intelektual...urang Minang malu kalau indak pandai..kamaapunpai...urang
Minang tuh...jadi pamimpin...ya...paminpin ketek-ketek
pun.....Tapi....karano...ado parmasalahan dulu....pajuangan untuok
pemerataan pembangunan dan hasil pembangunan...serta manjauhkan orang-urang
komunis....di tahun 1958 dulu..Tapi apo akibatnyo?? tindak kekerasan nan
dialami...urang Minang tuh..dulu...43 tahun nan lalu... banyak nan wafat..
22.000..intelektual dan calon intektual......sasudah itu muncul pulo
...Gestapu/PKI tahun 1965...banyak pula nan maningga....Akibatnyo pacayo
diri urang awak waktu itu banyak hilang...taguncang....Banyak urang Minang
pai marantau, tapaso maninggakan kampuong halamannyo...(untuo
samantaro)....Tapi..setelah gubernur Harun Zain...mulai lagi maangkek harago
diri urang ...awak...maka kini urang awak mulai bangkik...Dihetong-hetong
urang awak tuh..tersebar di penjuru dunia ko...labih banyak daripado nan ado
di SUMBAR. Tapi..paralu dihimbau baliek...bana tuh...sabananyo urang awak
tuh...banyak sakali nan ingin baliek karanahnyo.....mungkin alun ado jalan.
Buktinyo dulu ado kasampatan...calon gubernur awak dulu tahun 2000...166
urang, dan calon wakil gubernur...171 urang...alun dihetong lai calon bupati
dan walikota. Juo alun tamasuok pakar-pakar awak...luar biasa... dari
berbagai bidang...
Paliang tidak dibuek forum intelektual urang Minang...secaro
pariodik...batamu...tapi bana-bana tujuan murni..mamabangun kampuong
awak...Dusanak Lembang Alam..banyak ide....SDM awak cukui banyak...tapi kini
disalang urang lain untuok mambangun kampuongnyo, kato Pak Emil 15 tahun nan
lalu...kinilah wakatunyo untuok baliek kakampuong....untuok mambangun...
Nanti disambuong, mohon maaf bilo talabieh dan takurang...
Wass. wr.wbr..
Zoer'aini
----- Original Message -----
From: Muhammad Dafiq Saib <[EMAIL PROTECTED]>
To: <[EMAIL PROTECTED]>
Sent: 06 Februari 2002 9:47
Subject: [RantauNet] Membangun sebelum 'Galodo' datang(1)
>
> Assalamu'alaikum wr.wb.,
>
> Sato pulo ambo sakaki.
>
> Ambo muloi dari, apo bana nan salah? Hopeless banakoh
> Minangkabau? Dek indak punyo SDA nan mamadoi? Dek SDM
> kian sayuik kamari bedo?
> Cubo kito caliak bana.
>
> Bukan mangapik daun kunyik, nagari Minangkabau tu
> kayo, sungguah. Nagari elok, punyo potensi nan sangaik
> gadang jo ka pariwisataan. Cukuiklah modal nan ciek
> iko sajo di karajoan sacaro sungguah-sungguah. Tantu
> sajo paralu karajo, paralu parbaikan, paralu
> pambenahan, paralu pananganan dek tanago-tanago nan
> disiapkan sacaro batua-batua. Paralu iklan. Imbau
> urang dari saganok panjuru angin datang ka nagari awak
> tu jo iklan, jo publisiti nan mandayo tapi indak
> mangicuah. Mako paralu di badaki rancak-rancak
> objek-objek pariwisata nan ado tu sarupo danau
> Maninjau, danau Singkarak, danau di Ateh/danau di
> Baruah, panorama-panorama Puncak Lawang, Sitinjau
> Lauik, Ambun Pagi, Lambah Harau, sambuah lai nan lain
> kadisabuik ciek-ciek. Badaki, peloki, barasihan, jago.
> Di siko sajo alah paralu pulo tanago saketek-saketek
> untuak parawatan tadi, alah tabukak pulo kesempatan
> karajo. Urang nan kabakarajoko di latiah, di didik, di
> 'wanti-wanti' supayo bakarajo sungguah-sungguah dan
> tantu sajo di agiah baleh jaso nan mamadoi pulo.
>
> Ambo ulang baliak, nan paralu bana adolah marayu
> supayo urang datang dari sagalo nagari, dari nan dakek
> sampai nan jauah kanagari awak, sudah itu manjago jaan
> sampai urang ko kuciwa, manyasa dek karano maraso
> takicuah. Paralu servis, paralu kajujuran, paralu muko
> manih, paralu sopan santun, paralu sikap amuah
> mamparatian, paralu raso tangguang jawab. Kalau alah
> dimuloi urang datang, 'pasa' alah ka tabukak
> sandirino. Sambuah atraksi nan kadibuek, sambuah
> partunjukan nan kadipatontonkan. Buek macam-macam
> festival, sabuik festival manaikan layang-layang
> gadang sa Asia bagai, nan bisa dibuek di tapi danau di
> Ateh, sabuik festival ba buru babi bagai di kaki
> gunuang Singgalang, sabuik festival tari-tari Melayu
> bagai, di alaman Ustano Pagaruyuang, sabuik festival
> pacu kabau kek, (ijaan pacu kudo, sabab nan iko labiah
> santiang di nagari urang)....sambuah.
>
> Kalau lah rami urang datang sambuah pulo galeh nan
> kadijua. Karajinan tangan, karajinan ameh/perak,
> tanunan. Saraik no pulo baliak..mutu paralu di jago.
> Ijaan sampai urang maraso takicuah, salah bali, tabali
> di barang nan indak atau kurang bamutu. Indak usahlah
> kajadi sarupo Singapura, jadi saparampek Singapura
> sajo cukuiklah. Bisa sajo Padang jadi pusek tampek
> mambali-balah. Urang babalanjo katiko kababaliak
> kanagarino masiang-masiang. Kan indak mustahil kaji ko
> doh.
>
> Salamoko awak alah tabao salah jo perasaan nan bahaso
> urang Minang tu tinggi ati, indak pandai malayani,
> indak pandai manservis urang lain dek tabiaso maraso
> labiah pado urang. Iko ambo raso indak batua. Kalau di
> siapkan, di agiah kurusuih, di tunjuk diajai ambo
> yakin bisa barubah. Urang Minang ado nan jadi tukang
> pangkeh, ado nan jadi tukang dobi, ado nan jadi tukang
> jaik, ado nan jadi bidan (induak-induakno), kan bisa
> juo jo indak marandahkan martabat. Salamoko banyak
> urang awak nan bakarajo di bagian 'public service' tu
> dari tanago amatiran, itu nan mungkin bamasaalah.
> Sarupo, kecekan misalno, palayan di rumah makan, supir
> taksi, supir bus. Umumno tanago amatiran nan indak
> panah disiapkan, di ajai, di kurusuihkan. Kan bisa
> sajo Kumandan nan mauruih ka pariwisataan Sumatera
> Barat mambuek aturan jo mamarentahkan supayo urang nan
> awak sabuik kudianko, nan kabakarajo sabagai palayan
> masyarakaik banyak ko musti di 'tatar' dulu.
>
> Ado pulo nan cameh, pariwisata ko dakek jo kamesuman,
> jo kajahatan. Paralu di pinteh sajak mulo. Paralu
> dibuek aturan nan jaleh dek Pemda. Apo sajo nan
> buliah, apo sajo nan indak buliah. Sudah itu paliaro
> bana tagakno paraturanko. Ado pulisi susila nan
> kamangawasi, ado sangsi, ado hukuman bagi nan
> malangga. Singapura alah sajak saisuak mangarajoan.
> Indak paduli sia juo kadapekan mambao narkotika
> tarancam hukum gantuang dan iyo bana pulo
> digantuangno. Sia sajo nan mambuang sarok, alah kajadi
> puntuang rokok sacaro sumbarangan kanai dando. Indak
> suruik-suruik urang datang ka Singapura doh.
>
> A ikolah usua dari ambo. Sia nan kamamuloi, ansualah.
> Ambo kok panjang umua, baniaik pulo nak mancubo, tapi
> bialah sabanta-sabanta lai.
>
> Sakitu sajo dulu.
>
> Wassalamu'alaikum wr.wb.,
>
> Lembang Alam
>
>
> aseancaj <[EMAIL PROTECTED] manulih;
>
> <dihapuih>
>
> Kondisi Sumbar sekarang:
> Prof. Emil Salim mengingatkan agar menyadari
> fakta-fakta berikut ini:
> *Secara geologi, Sumbar "terapung di atas lempeng
> tektonis yang rawan gempa. Sering terjadi bencana alam
> "galodo", tanah longsor dan lereng gunung runtuh."
> * Pelabuhan Teluk Bayur berada di jalur lalulintas
> laut sepi sehingga perlu upaya ekstra jika ingin
> menjadikannya 'entreport' dengan kerjasama pelabuhan
> lainnya.
> * Luas kawasan pertanian sangat sempit (12% dari
> 42.279 km2) karena dihimpit pegunungan Bukit Barisan.
> *Peluang sangat terbatas untuk menaikkan pendapatan
> penduduk Sumbar kalau hanya mengandalkan pertanian
> tradisional yang bertumpu pada air dan tanah
> semata-mata.(Perlu model pertanian yang lain).
> * Sumbar tidak memiliki sumber daya alam yg kaya dan
> melimpah ruah.
> *SDM di Sumbar merisaukan:10% dropped out SD, 41%
> tidak meneruskan ke SLTP, 67% tidak sampai ke SLTA
> (data thn 2000). Semakin tinggi jenjang sekolah,
> semakin rendah partisipasi anak usia sekolah.
> * 40% dari 168.561 anak usia sekolah di kota Padang
> masih harus diajarkan mahir membaca Al-Quran (menurut
> Dr.Marjohan M.Pd., Ka. Dinas Pendidikan Kota Padang).
> * Kesehatan masyarakat sangat buruk (rawan gizi;
> kurang protein)
> * Di Sumbar, ada delapan universitas; 200 doktor,
> ratusan sarjana strata I dan II.(Apa saja inovasi,
> kreativitas, kontribusinya? Tertidur barangkali?Tidak
> diberi peluang? Atau kebanyakan puas jadi pemain
> tunggal?)
>
> <dihapuih>
>
> __________________________________________________
> Do You Yahoo!?
> Send FREE Valentine eCards with Yahoo! Greetings!
> http://greetings.yahoo.com
>
> RantauNet http://www.rantaunet.com
>
> Isikan data keanggotaan anda di http://www.rantaunet.com/register.php3
> ===============================================
> Mendaftar atau berhenti menerima RantauNet Mailing List di
> http://www.rantaunet.com/subscribe.php3
>
> ATAU Kirimkan email
> Ke/To: [EMAIL PROTECTED]
> Isi email/Messages, ketik pada baris/kolom pertama:
> -mendaftar--> subscribe rantau-net [email_anda]
> -berhenti----> unsubscribe rantau-net [email_anda]
> Keterangan: [email_anda] = isikan alamat email anda tanpa tanda kurung
> ===============================================
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
