Assalamu'alaikum wr.wb.,
Diskusi lanjuik jo "J.Dachtar"
<[EMAIL PROTECTED]>
JD
Itulah panyakiknyo, kadang2 pandalaman tu labiah dari
nan dimakasuik dek ayat tu.
LA
Indak labiah indak kurang. Buliah bebas, buliah kok ka
baagamo apo nan katuju, tapi ado sangsi. Allah indak
kamanarimo agamo salain dari Islam.
JD
Persis saroman nan dimukasuik ayat tu bahwaso urang
bebas sa-bebas2nyo ka-baagamo atau indak atau agamo
apo nan dipiliahnyo, jo konsekwensi nan lah jaleh
sajaleh-jalehnyo.
LA
Nan iko batua
JD
Urusan agamo tu urusan hiduik jo mati satu pribadi,
indak ado sangkuik pauiknyo jo urang lain bagai do.
Salamo manyangkuik hubungan jo Tuhan (jo sagalo
konsekwensinyo), urang lain harusnyo mulai baraja
maharagoi hak urang lain.
LA
Indak ado sangkuik pauik tu isuak di akhiraik.
Masiang-masiang kamampatangguang jawabkan asia usahono
isuak di pangadilan Allah. Tapi di dunia basangkuik
pauik. Awak disuruah kana manganaan. Nasihat
manasihati. Disuruah pulo mambuek jo managakan aturan
sasuai jo nan diparintahkan Allah kaawak sabagai
khalifah Allah di ateh bumi ko. Aturan tatap harus
ado. Cubo awak caliak kok ado urang bak nan kalamak
dino surang sin iduik ko. Ano indak amuah ikuik aturan
manusia diateh bumi ko. Arato urang aratono, binyi
urang binyi no, aa nan indak katuju diurang banyak,
nan salah kecek urang banyak sacaro umum, bikolah
kadikecekan nan salah kecek Allah, dikarajoanno. Lai
kalanteh angan iduik jo urang sarupo itu? Lalu kini
nan maa nan hak awak nan maa nan hak urang lain? Faham
nan mangecekan hak awak - hak urang ko faham nan
mamudah-mudahkan kaji, nan ka manjadian awak anyuik.
Cubo pulo caliak, ado urang iduik di lua nikah di
tangah kampuang awak, batingkah laku baa nan kalamak
di paruikno surang, indak tau jo sopan santun, kok
paralu di galanggang mato urang banyak no babuek
mesum, kok bangih urang dikecekan no, 'iko hak den a
pulo hak sinan bangih kaden.' Apo urangko musti awak
haragoi pulo, dek ano jo hakno?
JD
Satuju 100%, kalau tangguang jawab urang gaek mandidik
anaknyo dalam Islam. Justru kunci masalahnyo bara %
urang nan baruntuang saroman itu. Baa mangko indak
jujur sajo awak mancaliak antaro normatif nan tatulis
jo kanyataan nan ado.
LA
Antahlah kalau persenno. Tapi hal iko pun harusno
dikana-an dek satiok awak nan tau. Ijaan di
paenteng-enteng. Sabab iko parintah Allah. Kalau
nagariko di atur sacaro Islam, iko tangguang jawab nan
mamarentah, tangguang jawab 'amirul mu'minin' untuak
mangkondisian supayo satiok kapalo kaluarga bausao
kareh manjago kaluargano masiang-masiang mainda dari
siksa api narako. Jadi jaan sampai ado urang nan
maraso 'tapaso' dibajui jo Islam, tapi mangarati bana
tantang Islam itu sajak kaciak. Memang kanyatoanno
kini iko alun takondisian. Indak banyak nan
kamanganaan urang lain. Jaan kamanganaan urang lain
manganaan anak binyi surang sin banyak nan alun
mangarajoan. Atau bahkan manganaan diri sandiripun
alun. Lalu ka dibantah ayat Al Quran? Kadikecekan itu
indak relevan?
JD
Pado prinsipnyo, keberadaan manusia bukan suatu
pilihan, justru barantakan dunia Islam tu dek
tangguang jawab nan manjadi perantara keberadaannya
sangaik minim dek pamahaman nan salah kaprah.
LA
Indak jaleh dek ambo mukasuik nan iko
JD
Harusnyo awak mamisahkan hubungan manusia jo Tuhannyo
nan manjadi tangguang jawab masing2 (sasudah balig)
tanpa campua tangan urang lain jo urusan sasamo
makhluk Tuhan nan manjadi tangguang jawab sosial dari
satiok manusia nan mangaku Islam.
LA
Kaliru nan iko. Awak justru disuruah paduli jo sasamo
awak. Harus saliang kana manganaan. "Tawaashaubil haq
- tawashaubish shabr". Cubolah pilah-pilah nan maa nan
hubungan manusia jo Tuhanno nan indak malibaikkan juo
hubungan jo sasamo manusia. Manikah apo itu hubungan
sasamo manusia sajo atau ado hubungan jo (parentah)
Allah? Bajua bali apo itu ado hubungan ndak jo
parentah Allah. Baitu juo mambaia zakaik, urusan
sasamo manusia sajo atau urusan jo parentah Allah?
Atau di baliakan, urusan parintah Allah sajo atau ado
hubungan jo sasamo manusia?
Baitu juo puaso. Baitu juo sumbayang. Allah manyuruah
paraturan atau parentah tu tagak di muko bumi tapi
awak acuah tak acuah sin, diadok-an awak urang indak
amuah managakan paraturan tu? Sabab itu 'hak' urang?
Mantun?
Memang taraso sarik dek awak alah tabiaso jo nan
sarupo itu. Tapi cubo pulolah pikia, lai kamungkin ado
juo agamo Islam kalau sado urang alah bapamikiran
sarupo itu?
JD
Jaleh kan masyalahnyo bahwaso Tuhan lah manyiapkan
doso jo pahalo untuak urang2 Islam dalam hubungannyo
jo Tuhan (indak ado hak urang lain untuak campua
tangan), Tuhan manyiapkan doso jo pahalo untuak urang2
Islam dalam hubungannyo jo makhluk lain, disampiang
man-delegasikan hukuman tahadok palanggaran tatantu
nan marusak ketentraman masyarakaik. Jenis2nyo jaleh
tatulis di Al Qur'an.
LA
Kalau iko juo nan dipacik, walaupun urangtu diagiah
tahu banapun, tapi indak ado sangsi saketek juo diateh
bumiko alamaik kailanglah agamo (atau memang sadang
baransua-ransua hilang?)
JD
Masalah mancilok, bazina, mambunuah jaleh2 tatulis,
soal minum alkohol jaleh2 diharamkan nan disiapkan
hukumnyo dek Tuhan.
LA
Jaleh tatulih (di Al Quran) tapi toh alun juo talok
diurang manjalanan sarupo nan tatulih tu lai doh. Bagi
urang nan indak manjalanan ko, bagi hakim nan mamutuih
pakaro nan indak mahukum jo hukum Allah tu, itu nan di
tumpalak Allah sabagai urang-urang 'kapia', 'zhalim',
'fasik' dan urang nan mamutuih hukum tu badoso di sisi
Allah
JD
Indak ado alasan ma-hukumnyo, kecuali dari urang gaek
ka anak2 no.
LA
Ba-alasan atau indak itu kan dek kondisi kahidupan
awak nan memang indak di siapkan untuak itu. Itu nan
salah. Handakno itu nan di rubah. Disiapkan,
dikondisikan, dijalankan baransua-ansua.
JD
Tagaknyo agamo Islam tu dek umatnyo manjadi contoh
elok dek urang lain, indak main paso saroman itu do.
Contohnyo, Dek pamarentah mamaso pagawai nagari masuak
Golkar jo ancamannyo, mako babondong-bondong 6 juta
urang masuak golkar walau dek tapaso. Sasudah
dibebaskan kiniko lah abih manjadi Reformist lo lah
baruak2 tu. Baralah karapuahnyo kalau Islam tu
digadangkan dek pasoan saroman itu. Baa mangko nan
lah abih maraso Islam tu mulai magiah contoh dalam
kahidupan bahwaso Islam tu patuik jadi Agamo nan bisa
mamuliakan darajaik manusia.
LA
Main paso sacaro sambarangan tantu indak. Urang indak
tau, indak panah diagiah tau, tibo-tibo dipaso tantu
indak bisa. Umaik jadi contohtu nan paralu
dikondisian. Disampaikan ka umaik Islam tu
sajaleh-jalehno apo bana arati Islam. Baa bana
tangguang jawab umaik Islam di sisi Allah. Baa bana
tangguang jawab sasamo umaik Islam. Apo sangsi nan
mungkin di tarimo baiak samaso iduik didunia atau
nanti di akhiraik kalau awak malangga aturan Allah.
Kalau alah disiapkan sarupo itu, insya Allah urangpun
indak kabarani malawan parentah Allah basakandak ati
doh. Nabipun mancontohan sarupo itu. Ambiak contoh
pakaro sumbayang baliak, nan samataro awak maraso itu
urusan pribadi-pribadi jo Tuhan. Nabi maajak para
sahabat untuak shalat bajamaah sajo pakai 'ancaman'
kalau kadisabuik ancaman. Kalau disuatu lingkungan
memang iyo alah tabiaso tagak agamo Allah, urang
patuah manjalankan parentah Allah, urang taaik
baibadaik, mudah-mudahan urangpun bisa mangarati
bahaso managakkan hukum Allah di duniakopun adolah
kaharusan.
Wassalamu'alaikum wr.wb.,
Lembang Alam
__________________________________________________
Do You Yahoo!?
Try FREE Yahoo! Mail - the world's greatest free email!
http://mail.yahoo.com/
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
