Waalaikum Salam wr.wb. Taraso lamak diskusi ko dek duo urang mancaliak ciek objek dari pandangan nan balain. Manuruik nan ambo yakini, Islam tu ditagakkan indak lewat paraturan/pemaksaan, tapi lewat contoh dari urang nan mampraktekan sacaro batua. Itulah nan dijalankan dek Nabi Muhammad SAW malah sabalun baliau jadi Rasul pun. Dasarnyo, Islam tu indak masalah quantitas umaik tapi labiah ka- kwalitas. Dari kwalitas tu lah tumbuah manjadi agamo dunia.
Indak ado di-ateh dunia ko nan bebas aturan do. Ambo mungkin salah, tapi raso2no kampuang awak tu tamasuak nan paliang liberal diateh bumi ko. Dari pangalaman ambo, samakin maju masyarakaik, samakin banyak aturannyo. Tapi harusnyo aturan nan dibuek harus bisa ma-akomodasi sagalo kepentingan umaik manusia. Bumi ko, tamasuak nagari awak, diciptakan Tuhan untuak makhluk Allah. Iko pun dicontohkan Nabi dalam mambuek Traktat Madinah. Kawajiban awak umaik Islam jo umaik lainnyo untuak manuntuik hak dalam manjalankan aqidah agamo masiang2. Dan sampai kini, rasonyo alun ado halangan lai, tingga awak nan kamanjalankan. Kalau kini awak mancaliak caruik maruik dunia Islam, antah dinegara sagalo tangguang saroman di awak atau di negara nan manjalankan hukum Islam bagai, labiah dek kabiadaban umaik Islam nan sabananyo mangkhianati agamonyo surang. Kalau kondisi ko dianggap bisa disalasaikan jo mamasokan Syariat Islam (nan ma???) jadi aturan negara, bukannyo malah awak malah mangkhianati ajaran agamo awak surang?. Islam tu ditagakkan jo Syiar, sa-elok2nyo syiar tu harus diikuti jo contoh2. JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
