Sanak Irdam, Nan ambo mukasuik aneh2 tu, mungkin sabahagian lah tajawab di posting ambo nan tadahulu (paliang indak dari suduik pandang ambo). Sakadar panambah, Banyak tadanga urang manuntuik manjadikan syariat Islam jadi paraturan, tapi indak ado konsep nan jaleh baa bantuak syariat Islam nan ma ka dijadikan paraturan tu. Manuntuik barang nan indak jaleh ujuiknyo. Apolai kalau dicaliak kondisi real nan ado kini, ka-sia paraturan tu diarahkan (apo asa ba KTP islam lah dianggap Islam, padahal banyak hukum Islam tu balakunyo hanyo untuak urang nan ba- iman, baa pulo nasib urang nan lain agamo?), sia nan harus managakkan (apo urang2 nan samo jo kini?), iyo sabana kabua.
Salamo ko awak sibuk manyalahkan paraturan. Padahal tanpa melewati suatu ujian dek paraturan tingga paraturan. Kini ko dituntuik pulo paraturan badasarkan satu agamo (nan ujuiknyo pun indak jaleh, dek memang indak di-detail dalam Al' Qur'an) di- tangah2 masyarakaik majemuk, apo iyo indak kabatambah runyam. Kalau nan di anggap hukum Islam tu, sarupo nan dipraktekkan di nagari Arab, urang Arab surang (paliang indak komentar dari kawan2 ambo nan barasa dari sinan) mangakui kalau paraturan disinan labiah kareh dari ajaran Islam, tarutamo treatment ka padusi. Sabagian dari urang2 Arab nan ambo kenal malah mangecekkan kalau labiah kusuak manjalankan Ibadah di-Eropah katimbang dikampuangnyo. Bukannyo masalah agamo harus diurus dek umatnyo masiang2, sadangkan paraturan nan dibuek, jo ditagakkan saharusnyo bisa manjahui umaik manusia dari kalakuan nan marugikan urang lain dan bisa mandorong babuek kabajikan (idealnyo eh..eh). Sakian sajo dahulu, maaf kalau sipaiknyo talampau umum. Wass JD > > Supayo ado tampek bapijak awak badiskusi, agiahlah contoh nan maa > > syariat Islam nan aneh2 tu... Apo batua itu syariat Islam atau karancauan > > orang non-Islam nan mancampua-aduakkan budayo arab/middle-east jo > > syariat Islam... Mo kasih sabalunnyo. > > > > salam > > -tg- > > RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
