Assalamu'alaikum wr.wb., Katiko mak Marah ka tagak dek tadanga abang sumbayang luhua dari musajik, tibo-tibo matono singgah ka si Kalek na sadang baguritiak-guritiak ketek di meja lapau sambia matono mancaliak suduik kaarah mak Marah.
"Marilah pai jo den. Pai sumbayang awak ka musajik. Bialah den baia-an pical ang tu biko." kecek mak Marah. 'Dululah nyiak, awak bialah nanti di rumah, sarawa awak kumuah ka dipakai sumbahyang.' jawek si Kalek. "Ado sin diang alasan kalau diajak urang ka nan elok..... Biko etong Sati, pai den sumbayang dulu cah. Ko, minun si Kalek go bagai bialah aden mambaia biko." 'Baliak nyiak kamari nanti? Awak ado kabatanyo.' "Heei alah diang, tu mangko marilah pai samo jo den. Ko, pakai kain saruang den ko diang kok iyo kumuah sarawa ang. Aa nan ka ang tanyoan ka den?" 'Indak nyiak, nanti sajalah. Awak tunggu inyiak di sika' "He..he..he.. 'di siko'! indak 'di sika' doh. A iyo nantianlah den diang kalau bitu." Pulang sumbayang didapeki mak Marah si Kalek duduak juo baru di lapau, alah muloi maota jo Sati Bandaro. Tadanga di no ujuang kecek si Kalek nan mangecek-an: '......... kan sadis tu nyiak Sati. Masak urang dipukulin ramai-ramai di bilang satuju. Sadis juga pemikiran nyiak Marah Sutan tu.' "Ehem..ehem...Ang sabuik-sabuik namo den. Ang kecekan den sadis bagai. Aa mukasuik ang go Kalek?" 'Tadi inyiak bilang setuju kalau tukang cacak nan tatangkok di pasar tu di pukulin ramai-ramai. Kan sadis namonyo tu.' "Iyo bitu garan den kecek-an cako? Tapi kudian lah den peloki rasono. Satuju pulo den kok no di tangkok. Disarahan ka pulisi. Jadi itu nan kaang tanyoan?" 'Bukan itu sajo nyiak. Tadi inyiak satuju pulo jo inyiak Sati mangecek, urang kini alah kabablaan jo demokrasi. Urang jaek, biarin, urang mengancam-ancam, biarin. Urang demokrasi kan bukan begitu nyiak. Tatap jugo kalau salah ya disalahin, dihukum. Tapi hukumnyo kan indak langsung main babat sajo nyiak. Indak main usir sajo. Indak main banned sajo. Itu kan indak adil namonyo nyiak. Urang dikecek basalah tapi indak dikasih kesempatan membela diri. Kalau awak pikir itu salah nyiak.' "Nan maa nan ang mukasuik kini goh? Sia nan di usia? Nan di babek? Anto indak mangarati den aa nan ang mukasuik?" 'Alaaah. Masak inyiak indak tau? Atau inyiak purak-purak indak tau ngkali?! Ito lho nyiak. Yang si P3 di usia, si OSG diusia. Inyiak kan nan satuju sangaik pulo jo urang-urang tu diusir. Kok indak dikasih kesempatan urang tu mambela diri, kok di usia-usia sajo. Itu iyo indak demokratis namonyo tu nyiak,' "Oooo itu nan ang mukasuik. Mangko diang Kalek. Nan partamu, biasono manusia nan elok-elok indak katuju jo urang nan bulu baji. Lai jaleh diang urang nan bulu baji? Urang nan karajono mambuek cabuah, ma asuang jo mampitanah. Mangatokan kato nan indak pado tampaikno. Dek alah bagalanggang mato urang banyak, alah samo tau urang nan bahaso urang sarupo si P3 ang tu karajono mancari nan kaburuak-buruak sajo, manyabuikan kato-kato nan indak bapatuik-an, mako barundianglah tuanku-tuanku di nagari, mampakecekan baa caro nan kaelok. Ado nan katuju nak maagiah paringatan, nak maagiah kasampatan supayo urang tu barubah. Ado pulo nan bapandapek, ano sarupo pulo jo urang main bal. Kalau alah jaleh ado urang, nan indak bal nan disipakanno tapi kaki urang nan di carino, indak paralu pulo di agiah karatu kunyiang lai, langsuang sajolah karatu sirah. Jadi ma makok pintu untuak si P3 ang tu alah asia musyawarah tu. Baa mangko awakno indak dibao bamusyawarah? Sabab itu tadi. Ano main indak bal nan disipak-anno doh tapi kaki urang. Bal tu di sipakanno bagai kaarah urang nan manonton. Jadi urangko indak nak main doh tapi nak mancari pakaro sajo. Aa juo gunono awakno di pabia main lai? Nan kaduo, si OSG nan ang sabuik. Alah bakuampeh debaik jo urang ko sajak sari. Urang nan ciekko mambao misi ka lapauko, lai jaleh diang? Misino nak manabuaan tubo. Nak manuka colok urang naa alah ado bacolok. Jalehno bana nak manukai kaimanan urang jo kaimanan sungai Gangga no tu. Itu nan indak katuju di urang. Nan awakno sabana tanek, asa lai sajo kasampatan saketek itu sakali etonganno. Jadi mamakak ka urang nan banyak. Kapatangko, alah dicubo urang icak-icak ndak tau katiko masuak pulo no batopeang, padohal sajak mulo masuak urang lah tau. Dipabiaan urang sabanta. Tatap juo sarupo itu, itu juo nan digalehno. Kadipabia juo diang awakno manabua tubo sarupo itu? Rasono rancaklah di 'kisaan' sain no kalua, sabab indak di siko tampek manjua galehno tu doh. Aa lai jaleh diang?" 'Aah inyiak memang paling bisa nih.' "Paliang bisa baa pulo diang? Awak ang nan alah salah sangko sin ka den. Ka uni ang, ang kecek an bahaso aden pambangih, pantang di solang. Iyo sarupo itu den nampak di ang?" 'Dimano pulo inyiak tau?' "Uni ang tu nan bacurito." 'Kironyo indak nyiak. Kironyo inyiak lai cukuik reasonable taraso dek awak?' "Aa pulo to raso kabel tu?" 'Bukan raso kabel nyiak. Reasonable. Lai tamakan di aka nan inyiak kecekan tu. Iyo lah nyiak. Jadi inyiak traktir makan pical awak ni?' "Eee kapunduang diang.... iyo den baia-an" --- Evi <[EMAIL PROTECTED]> wrote: > Assalamualaikum, > > > Samantaro mak Sati baku hampeh mahota soal hari > angek dan tukang cacak jo mak Marah, di palanta > suduik duduk hening2 seorang pemuda. Rambutnya > panjang, bertubuh kurus dan berkaca mata. Nama > pemuda yang besar di rantau itu Riki Friendos tapi > tapi mak Marah labiah suko memanggilnya si Kalek > karena kata baliau, "ah namo ang ajak telenovela > dari Mexico, panek lidah den baputa-puta ukatu > maimbau ang!" > > Waktu kedua mamak itu membicarakan tukang cacak, > Kalek sebetulnya sudah ingin nyeletuk bahwa tidak > mungkin orang Minang yang punya adat begitu agung > dengan ABSSBK (kalau singkatannya salah mohon > maafken saja) jadi tukang cacak di pasa awak surang. > Itu pasti ulah para pendatang saroman urang Nieh, > Batak, Mentawai atau urang Jawa nekat yang sudah > tidak sayang nyawa. Cuma mengingat betapa galaknya > mak Marah kalau di bantah dia lebih suka diam-diam > menghabiskan katupek pical mak Sati yang santiang > raso tu sambia mamakiakan baa kok si Rarach manulak > di perjodohkan jo inyo. Tampang boleh, pendidikan > tak malu2in amat, doku juga ada walau tak setebal > Abdul Latief. Hanya bahasa Minangnya yg rada2 tak > friendly lagi di lidah, agak membuat dia tidak PD > juga. Paling2 kanai katai, "ondeh iyo lah tingga > kabau se dek ang yo. Lah tabang habih Minang di ang > nampak di den." > > Tapi waktu mak Sati dan mak Marah mulai angkat > bicara soal uruih mauruih sesuatu kemudian berujung > pada demokrasi, telinga Kalek langsung berdiri > seperti telinga keledai Abu Nawas. " Urang nan > mauruih ko tantu urang nan bisa dipicayo." cek mak > Sati. > "Iyo satuju den" jawek mak Marah sambil melirik > telinga Kalek. Tambah semangat dong mak Sati? Maka > beliau melanjutkan titah, "Sabab kadang-kadang > mangko Marah. Urang kini lah talampau banyak makan > demokrasi. Sagalono nak jo demokrasi. Sampai lah > babaua sin atah jo bareh. Lah jaleh ado urang sarupo > jilatang di tangah kampuang, di > suruah juo di paliaro, jaan di panga-pangaan, sabab > baitu nan demokrasi. Lah ado urang nan manoto-notoan > ladiang tajam di tangah labuah, pabiaan sainlah, > sabab itu nan demokrasi. Kan iyo amuah tandeh awak > kasudahanno dek demokrasi ko. Baa gak ati Marah?" > > Sekarang Kalek tambah mengerti ke mana ujung > pembicaraan itu. Mestinya kedua mamak itu mengacu > pada Pang Ping Pong dan Om Sungai Gangga yang > beberapa waktu yg lalu di usir dari kampung karena > dianggap membuat cabuah dengan pemikiran mereka > sangat berbeda dengan kebanyakan orang banyak. Dan > Kalek pun sudah tahu apa bakal jawaban sohib mak > Sati ini tapi mau membantah masih juga tidak berani, > maka dia marutuik2 surang se dalam hati. > > "Oi mamanda2, kalau sudah bicara tentang policy > makers and they policies, mamak tidak bisa lagi > bicara soal demokrasi tapi lebih tepat kalau mamanda > bicara soal hukum karena pangka bala yang membuat > mamak sewot tu kan berawal dari hubungan antar > manusia Pang Ping Pong, om Sungai Gangga versus > klaim mamak sebagai suara kebanyakan dari urang > kampung. Dan kalau mamak bicara soal hukum maka > mamanda harus bicara soal keadilan. You know > mamanda, hubungan antara manusia harus melibatkan > keadilan kalau tidak akan kiamatlah nagari. > > Okey, Pang Ping Pong (P3) dan om Sungai Gangga (OSG) > sangat menyebalkan dalam menabur bibit pemikiran > mereka. Tapi tindakan komisi datuak kampuang yang > langsung memutus urat kehidupan dunsanak berdua itu > tanpa musyawarah tidak berlandaskan pertimbangan > atas hak melainkan hanya kebijakan politik yang > merebut hak P3 dan OSG untuk berpendapat. Kalau hak > berbicara setiap orang boleh dinamakan dg persamaan, > maka para datuak telah "memperkosa" persamaan yang > seharusnya di berikan pada P3 dan OSG." > > Mambirutuik sampai di sini Kalek jadi gerah campur > gemas maka di bantingnya sendok keatas piring. > Untuknya kedua mamanda tersebut masih hangat dengan > topik mereka sehingga selamatlah Kalek dari sindir > tatapan. Dia teruskan birutuiknya diam-diam. > > "Mamanda, setiap orang bebas melakukan apa yang > dinginkannya sepanjang tidak melanggar kebebasan > yang sama milik orang lain. Bawa2 beliung dan > mengancam akan melukai orang tidak sama dengan bawa2 > ideologi sungai Gangga untuk di perkenalkan pada > orang banyak. Orang yang terluka oleh beliung tidak > boleh membalas dengan menebaskan pedang kepada si > pembuat luka karena dasar keadilan tidak terletak > pada utang mata bayar mata, utang nyawa bayar nyawa. > Itu sih hukum Tarik-Balas, namanya. Datuak Perpatiah > nan Sabatang saja sudah ogah menggunakan dasar > keadilan ini. Salah satu dari moral hukum adalah > suatu tertib sosial yang mana darinya terdapat > perlindungan yang akan membawa pencarian kebenaran > secara lebih hakiki. Kalau ideologi sungai ganga > tidak cocok ada opti untuk menolak secara lebih > elegan. Dan sudah tahu juga aku kalau ideologi itu > sudah ada usaha2 mengcounternya yg di rasa juga akan > sia-sia. Yah, biarkan sajalah Om kita ini berdendang > surang? Susah amat. > > 'Sapaham sangaik den jo Sati. Lah santiang bana kaji > Sati.' Cek mak Marah nak baringsuik pai. Agar luput > dari perhatian Kalek membenamkan muka pada > bayang-bayang matahari. "Daaaggg mamak, sampai jumpa > lagi." > > > Wassalam, > > Dari uni si Kalek yang sedang terpekur bersama > Kintaro __________________________________________________ Do You Yahoo!? Yahoo! Health - your guide to health and wellness http://health.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
