Fw: [RantauNet.Com] Main monopoli yuk!

[Andria Agusta]

Ass. w.w.   Hmm...manarik juo mambaco diskusi tantang pambangunan bandara Katapiang ko mah.....parmisi ambo sato sakaki jo diskusi ko.......   sabananyo kalo jo masalah pinjaman lua nagari ko...kito lah samo jo makan buah simalakamo. baa ambo bapandapek sarupo itu. Kalo bandara katapiang tu jadi dibangun sacaro otomatis pasti akan mambarikan dampak ekonomi nan mauntuangkan bagi masayakat sumbar kususnyo. sacaro awam ambo maliek (dek bidang ambo bukan ekonomi) kalo konsorsium dari japang namuah mambiayai pembangunan tasabuik apopun namonyo, utang atau pinjaman tapi nan jaleh itu akan mangutuangkan sacaro ekonomi. indak kamungkin rasonyo urang japang tu kamambiayai proyektu kalo indak rancak prospeknyo.   batua sarupo nan disabuik dek Mak Darul bahaso nanti mungkin urang awak hanyo dapek maliek abu pambangunannyo sajo. kasado alahe..baiak dari bahan.....tenaga ahli atu dll nyo mungkin akan didatangkan dari japang...kemungkinan itu besar sekali......   tapi paralu awak liek baa mangko tajadi sarupo itu sistim-nyo. Ambo raso itu sabananyo bukan kemauan dari pemerintah japang tu....tapi salah dek awak surang, dalam hal ko adolah pamarintah awak, pamarintah Indonesia. Kiniko pamarintah negara lain nan biaso mambarikan pinjaman ka Indonesia alah tau bana baa isi paruik kito tu dari pangalamnyo nan sudah-sudah. Di pamarintahan awak ko banyak (indak sadoalahe do) nan bakarajo rangkap yaitu sabagai pagawai pamarintah dan sabagai "tukang sunat". Kini ambo batanyo.....kalo pinjaman tu diagiahkan bulek-bulek ka pamarintah awak dan pamarintah awak mengelola surang pembangunan tu...sia nan bisa manjamin pitih nan 900 milyar tu dipakai kasadonyo untuak pambangunan itu. Kalo saandainyo semen nan diparalukan untuak pambangunan tu 1000 karuang, sia nan bisa manjamin semen nan dipakaian pas 1000 karuang. biasonyo kalo ado proyek-proyek sarupo itu, nan paliang dulu dibalinyo dek instansi bersangkutan adolah "oto proyek". Ambo yakin kalo urusan itu dilapehkan sapanuahnyo ka pamarintah awak, pitih nan 900 milyar tu nan bana-bana tapakai hanyo 60 - 70%.   Di sampiang itu, contoh nan bisa awak caliak kalo pamarintah awak mambuek jambatan bara lamo umua jambatan tu. paliang-paliang 4-5 tahun alah ratak-ratak, labiah tahan jambatan batang karambia dari pado nan dibueknyo tu.   Kaadaan nan sarupo itu bana nan alah jaleh dek pamarintah lua nagari tu tamasuak juo pamarintah Japang ntun....karano kajadian tu indak sakali duo kali lai do.....dulu sakitar tahun 1998 pamarintah awak diagiah pitih babarapo milyar dek pamarintah Japang..bukan utang...untuak pananggulangan kabakaran hutan di kalimantan. aa nan tajadi....pitih tu nan dipagunoan untuak tujuan sabananyo hanyo 70 %.......labiahnyo........ilia mudiak di jalan tol jakarta...iko pun masih diketahui juo dek pamarintah japang tu.....    ciek lai....kalo proyek tu alah salasai..... misalnyo sarupo angkasa pura nan sampai kiniko masih devisit taruih....apo alah bisa di jamin management nan di jalan kan dek angkasa pura tu alah batua-batua professional......apo alah bisa di jamin indak ado "tukang sunat" di situ. Manuruik ambo "tukang sunat" ikolah nan paralu di "sunat" baliak he..he...he...bukan pambangunan nan di stop.   sakian dulu dari ambo wassalam, and