Assalmualaikum Ww
Sanak Mulyadi St. Bangsawan Yth.
Ambo ingin sharing saketek, tarutamo dek musim dingin disitu (Madinah labiah dingin). Ambo saat barangkek dari Medinah mamakai pakaian Ihram dan mandarito batuak jo flu saat itu. Ondeh iyo barek rasono mamuloi ihram diudaro dingin dan batuak pilek pulo. Tapi dek keyakinan jo tekad iyo alhamdulillah lai salasai malaksanakan haji tuh.
Nan ingin ambo bagi pangalaman tantangan pakaian dalam nan indak dijahit. Dulu alah pernah pulo dilewakan disiko. Ambo cubo mancari arsipnyo. Kalau indak ado nanti ambo tulih balaik. Tapi iko tolong klarifikasi jo pembimbing Hajinyo dulu, apo buliah mamakai pakaian dalamko dalam ihram. Kalau ambo dulu iyuo mamakainyo, dek pembimbing ambo mangecekkan buliah diapakai asa indak bajaik. Jadi ambo mamakai duo halai pakaiaan ihram dan ciek lai pakaiaan dalam tu.
Nan kaduo, iyo mansiasati lempar jumroh, iko mungkin dek kemah mbo iyo dakek jo Jamarat. Manuruik pandapek dan analisa ambo ditompaik pelemparan jumroh itu, musibah umumnyo dek malempar jumrah barombongan gadang (besar). Alah jadi efek psikolgi, kalau awak barombangan, mako rombangan awak nan paliang bana. Sudah tu satiok urang nan barombangan bausaho supayo indak tapisah dari rombangannyo, sahinggo inyo bausaho sakuat tenaga mampatahankan rombongannyo, walau malando urang lain. Katiko duo rombangan batamu atau basilang, disitulah tajadi musibah. Saroman nan dicaritokan dek sanak Arman Bahar. sahinggo banyak jemaah nan maloncek paga, ondeh bisa diayangkan jo pakaian ihram harus maloncek paga tinggi. Kalau pakai sarawa dalah agak terlindungi aurat.
Iko mungkin salah atau mungkin kurang rancak, tapi manuruik pandapek mbo, dan lamo mambo mamapalajari dan memperhatikan arus manusia di jamarat. Kalau dapek malempar jumrah, jan barombangan gadang, misanyo paliang banyak 20 urang. Sudah itu dicaliak atau diaparatikan arah arus disitu talabiah dahulu. Cubo masuak mandekeki jamarat tu dari arah belakang arus. Jadi patamu ikuik arus dan manggalese ka balakang jamarat. Disitu agak alapang saketek. Cubo lihek aiai nan mangalia, bila manabrak batu mako dibulakang batutu aiai mangalia kaarah dalam. Jadi awak tatolong dek arus nantun. Hindai langsuang manuju jamarat dari arah dima datangnyo arus manusia. Dan indai juo kalau ado rombangan gadang datang. Apolai kalau arah duo rombangan gadang nantun indak sajajar datangnyo. Nan iko ado kamungkinan tajadi benturan.
Sakitu saketek dari mabo. Kalau ado pertanyaan nan mungkin ambo jawab, ambo jo sanang hati manjawabnyo.
Wass. Ww
Darul (49 10 06)
[EMAIL PROTECTED] wrote:
Ass,wr,wb.
Dunsanak members Rantaunet maupun di Surau, tarutamo nan alah manyandang
predikat "Haji or Hajjah", untuak labiah baguno dan bermanfaatnyo milis ko
ka urang/members nan barancana ka pai manunaikan ibadah Haji tahun ko,
ambo mohon karilahan kapado dunsanak untuak dapek manulihkan pengalamannyo
sarato tata caro beribadah di tanah Suci tasabuik seperti nan dituntun
oleh Rasul.
Ambo liek Uda Zul Bali sangaik berbakat untuak hal tulih-manulih ko,
mungkin juo Bundo Nismah, atau dunsanak kito nan di Cairo-Mesir.
Tolonglah di lewa kan di palanta kito ko, caro manasik haji nan baiak dan
bana, sudah tu pengalaman salamo di tanah suci masiang2 penulih sarato
trik2 supayo kito sihaik dan salamaik manjalankan sagalo Rukun jo Wajib
Haji dan indak katinggalan ibadah2 Sunek nyo. Nan ambo danga tahun ko
cuaca agak musim dingin disinan.
Kapado sia nan mamulainyo daulu, ambo pribadi maucapkan tarimo kasiah,
semoga amal perbuatannyo di terima oleh Allah SWT, Amin.
Sakian, wacana nan takana diambo dikala malam manjalang fajar ko, ambo
tajago dimalam ko, mato indak namuah dilalokkan lai.
Wassalam,
Mulyadi St.Bangsawan (46 th 5 bl 16 hr)
Sadang mempersiapkan diri
Do you Yahoo!?
Yahoo! SiteBuilder - Free, easy-to-use web site design software
