Sanak Zul Hendrif Yth :
Kalau lai buliah kandak balaku , cubo lah rimbekkan pulo ciek VCD minang tu ka ambo di pulau dewata , nak buliah dicubo pulo mandangakan kasanian awaktu , mudah mudahan dapek juo manambah raso kaminangan kadiri ambo , kalau bisa kirim sajo ka anak ambo nan di Patra Jasa Hotel Bali .
Wassalam : zul amry di tuban kuta bali
hendrif hendrif <[EMAIL PROTECTED]> wrote:
hendrif hendrif <[EMAIL PROTECTED]> wrote:
Assalamu'alaikum
Tuan Ridwan Mahmoud
Dihari nan sahari nangko, dimalam nan samalam nangko,
antah, hari nan sadang pukua satu, pukua satu
manjalang subuah,
Tagarak hati nan mambukak komputer, kirono kaba nan
batarimo, kato nan alah dibari jawek, jawek dari Tuan
di Jedah
Alhamdulillah ! nan isino VCD alah
batarimo,Alhmadulillah
Panakiak pisau sirauk
Panungkek batang lintabuang
Satitiak lai raso salauk
Sakapa lai bak sagunuang
sanang dihati sajuak dikiro-kiro
Limbak nan daripado itu, Kapado apak Khairi, lai ambo
sampaikan, dek karano wakatu sangaik pendek, mako
dihari nan katibo, ambo baniaik pulo nak mangirimkan
Kaset Instrumen Tari-tari Minang, ado Tari Rantak,
Tari Cewang di Langi, Tari Pasambahan, Tari Galombang,
Tari Payuang sarato tari-tari nan lain.
Walaupun Tuan indak ka bakandak, nan ambo iyo
mamasokan juo ka mangirim ka Tuan, antah paralu antah
inda dek Tuan. Mukasuk ambo indak lain indak bukan
adolah karano nan kamambangkik batang taramdam tu iyo
awak basamo-samo juo no,
Awak muloi jo caro nan dapek awak lakukan.
Kabatulan ambo Hari Rayo bisuak ko lai barancana ka
pulang kampuang, kok lailah di Tuan nan takana, atau
nan dimukasuk satantangan kesenian awak, supayo sakali
marangkuah dayuang, duo tigo pulau talampau, eloklah
kirono Tuan sampaikan. Insyaallah ambo carikan di
kampuang.
Sakian dari ambo
Wassalamu'alaikum
Sutan Bandaro Labiah
Zul Amry Piliang di kuta bali
Do you Yahoo!?
Exclusive Video Premiere - Britney Spears
