Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb. Mo kasih sanak Ridwan di Jeddah, info ko sangaik baguno sakali ka pribadi diri ambo dan rang rumah ambo, dan mungkin juo untuak warga RN nan ka naiak haji pulo tahun ko, seperti Uda Zul Bali dan lain-lainnyo. Kok dapek ditaruihkan lah tambahan info ko sasudah tarawih baeko, bia bisa ambo baco saat sahur nantik. Manasik haji kami tingga duo kali lai, praktek lapangan Tawaf dan sa'i sarato penutupan tgl 13 Desember. Pesawat nan akan kami tompangi kayak nyo Saudi Arabian Airline, tapi tgl pastinyo rombongan kami barangkek alun adu katantuannyo sampai kini. Semoga info ko jadi amal jariah bagi dunsanak, baa persiapan acara Halal bi Halal nyo, tim kesenian Minang nyo apo alah terbentuk dan apo2 sajo acaranyo. Kok masalah MC, bisalah diundang Yth.Tuan St.Bandaro Labiah, nan alah terbukti di Bogor dan di Palembang. Tingga mangecek sajo ka Tuan kito tu, sabanta inyo lah cigin ka ingkin (tantu paralu pasport, visa dan tiket P/P). Kalau indak picayo, cubolah tonton VCD Semalam di Ranah Minang bersama Talenta Studio Productions, pasti tacangang manontonnyo. Sakian, Wassalam, Mulyadi > ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ > > wa'alaikum salam wr.wb > > sanak mulyadi di pusri..jawaban ambo : > > alah jaleh baso nanti haji 1424h adolah > masih di musim dingin..agak repotlah saketek, > bawoklah agak sapakaian persiapan untuak musim > dingin dari tanah air..disiko pasti ado..tapi > jamaah awak ko untuak hari partamo, kaduo pasti > ado kendala untuak kamancari baju dingin, saruang > tangan atau sal untuak pangabek lihia..dll > > dek udaro kariang..kulik badan ka pacah2 dek nyo.. > jadi jan acok2 mandi basabun atau disabun se nan > paralu..atau balilah sabun mandi nan ado pelembab > kulik. > > kok ka mambayia dam..hati2..jan sampai ta agiah > pitih katangan urang nan indak batangguang jawab. > nan paliang aman bayia lah malalui bank islam, > agak maha sakatek..tapi jaleh sia nan mamfaatkan > dagiang dam kito tu. > > ibadah haji adolah ibadah badan..jadi badan harus > sehat..alah sampai badan disinan alah sah hajinyo.. > kalo bacaannya atau do'a2nyo..kalo indak bisa indak > baa doh..baco gai dalam bahaso minang pasti ALLAH > mangarati..sadang tawaf basampik sampik..awak repot > juo mambaco tuntunan doa..urang talantuang..induak > bareh lapeh dari tangan..awak juo nan susah > mancarinyo..jadi bacolah do'a nan takana. > > masuak musajik pakailah pakaian nan elok dicaliak.. > namonyo awak ka mahadok nan kuaso..bapakaianlah nan > elok..jan pakaian lalok juo.. > sanak mulyadi bisa caliak nantik..jamaah haji kalau > kamusajik walau indak kasadonyo pakaiannyo indak > pantas..sarawa panjang putiah tipih nan dibali tu > adolah pakaian dalam urang arab..nan gagah iyolah > baju taqwa jo sarawa batiak (atau baju batiak)..tapi > jan nan ado gambar hewan..karena itu tidak boleh alias > haram dibawo kamusajik apolagi untuak sholat. > > sanak mulyadi, ambo ka siap2 katarawiah..beko > disambuang baliak. > > wassalam > > ridwan m ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
