Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assalamu'alaikum wr.wb. Mambaco milis sanak Basri Hasan SBN, paralu ambo sato ciek manjalehkan. Kalau sanak SBN nak kabarangkek juo pai bajalan surang, paralu sanak pikiakan bana labiah dahulu. Tolong mintakan informasi bakeh dinda Ridwan di Jeddah. Nan labiah dahulu sanak siapkan adolah visa ka Saudi. Visa ko ado 3 macamnyo. Visa kunjungan/ziarah, iko mesti ado nan maimbau atau mangoling (calling-visa visitor) dari Saudi (visa ini kini alah batutuik, waktunya 3 bulan sabalun puaso). Kok dapek bana visa ko, manuruik paraturan pemerintah Saudi, indak bisa/indak buliah untuk dipakai naik haji. Visa kedua, adalah Umrah, hanya berlaku sampai akhir Ramadhan. Mendapatkannya mesti lewat Travel Biro nan alah dikenal di Kedutaan Saudi di Jakarta (harus diambil di mana tinggal/domisili). Visa Umrah ko juo indak bisa dipakai untuk naik haji. (Sajak 10 tahun terakhir ko indak diperkenankan visa umrah untuk naik haji). Visa nan katigo adolah Visa Haji (Inilah visa yang diperkenankan untuk pergi naik haji) dengan persyaratan indak buliah pakai paspor biasa (hijau), dinas (biru), atau diplomatik (hitam). Harus Paspor Haji yang sudah disediakan seperti ONH dan ONH Plus. Sabalun SBN malangkah, bekoh jan sikua capang sikua lapeh, tanago habih pitih luluah lantak pulo, sabaiknyo tunggu sajo tahun nan katibo labiah rancak, iko cuma saran. Adapun soal tempat tinggal ambo raso indak ka susah bana, kok hanyo SBN surang ambo bisa merekomendasikan bakeh dinda Ridwan manarimo sanak SBN. Ambo raso iko senek (maminjam istilah jo Buyuang) dari ambo nan alah sagarobak pangalaman naik haji (alah labiah dari 20 kali, maaf iko indak riya doh), bamacam-macam nan alah ambo alami. Daripado bekoh mambayangkan nan elok sajo, tapi indak dikana jo diinok manuangkan kasulitan nan akan dihadoki di Saudi. Peraturan di Saudi sangat ketat sekali. Wassalam ZS Mangkuto (60) di Kiktinggi ----- Original Message ----- From: <[EMAIL PROTECTED]> To: <[EMAIL PROTECTED]> ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
