Uda ZMTanjung di Jakarta.
Ruponyo awak samo samo bainduak bareh ka urang di lua minang, urang rumah ambo dari Banduang, anak ambo ado 4 urang, nan gadang baru masuak SMA, nan kaduo kelas 2 SD sadang nan duo lai masih balita.
Kalau diliek liek nasib awak indak jauah babeda, gaek ambo dulu dari Talu, sadang ibu ambo lahia di Bukittinggi. Sehingga nan takana dikami cuma Bukittinggi sebagai kampuang halaman, itupun kalau urang batanyo mendetail, tapaso ambo tanyo dulu ka ibu ambo jawabannyo.
Memang saroman ikolah ruponyo nasib urang minang nan terkenal suko marantau, awak jadinyo bapacah pacah, indak tahu lai dimaa asa awak, sia rangsanak awak.
Herannyo kalau awak perhatikan, urang awak kalau dirantau hiduiknyo iyo tatap masiang masiang, jarang bakumpua jo samo minang.
Indak ado ambo danga kampuang padang, seperti kampung ambon di surabaya, atau kampung cino.
dikantua pun walau samo samo minangnyo awak jarang babahaso awak, indak saroman suku lain misalnyo menado ketemu menado mereka langsung sajo babahaso minahasa.
awak alah tabiaso capek beradaptasi jo lingkungan awak, kalau tingga di sunda atau jawa, kita labiah suko babahaso satampek.
Apo manuruik uda, awak urang minang iko kanai penyakit minder. Atau sifat toleransi awak nan tinggi bana ?.
sekian dulu yo uda dari ambo, alah agak laruik kini disiko, beko payah pulo nak bangun sahur bisuak.
Wassalam..
AYTanjung
L2K3 <[EMAIL PROTECTED]> wrote:
Yth AYTanjung di Huston Texas,Ambo sajak umu 1 tahun dibaok di urang gaek batavia, kini ambo mancangku di anak perusahan PT.Pertamina (persero) "PT.Pertamina Tongkang" di jl. Kramat Raya, tampek tingga di Perumahan Kelapa Gading Jakarta Utara, ambo punyo anak 3 urang No.1 kini kuliah di Akademi Imigrasi Insya Allah Desember ko dilantik sebagai pejabat imigrasi, no.2 kuliah di FISIP UI sedang NO. 3 SMU kelas 3, iduk bareh dari Purworejo Jawa Tengah, kami sabananyo barasa dari Solok tapi ambo alah generasi ka 8, jadi kalau satu genarasi 30 tahun, kami alah maningga kan Solok alah 240 tahun, alah indak adoh nan tau lai, Heeeeeee.wassalamZMTanjung
