[RantauNet.Com] Macet di Bukik Tinggi

[Darul M]

Assalamualaikum WW

 

Mak Lembang jo sanak Rantaunetter Yth.

 

Bana mak Lembang, ambo pernah pulo oto indak bisa bajalan di kampuang Cino nantun. Jikok dibudayakan bajalan kaki baliak didalam kota, atau babendi-bendi awak baliak rancak bana tuh.

 

Ust. AA Gym alah pulo mancubo di komplex-nyo di Darut Tauhid, geger Kalong banduang. Satiok pengunjung harus manggunokan jasa lokal nan batarif sangat basahabat. Indak ado cakiak mancakiak disinan. Jadi aji mumpung iyo diindakan bana. Ondeh iyo sero rasono kalau awak rami-rami bajalan kaki disekitaran pasa bawah dan pasa ateh sarato janajang ampek puluah. Iko akan manambah pitih masuak dan waktu tinggal di Kiktinggi.

 

Wassalamualaikum WW

Darul St.Parapatiah

Takabbalallahu minna waminkum

Minal aidzin walfaidzin

-----Original Message-----
From: [EMAIL PROTECTED] [mailto:[EMAIL PROTECTED]On Behalf Of Muhammad Dafiq Saib
Sent: Friday, November 28, 2003 2:42 PM

Assalamu’alaikum wr.wb.,

Tapi pakaro macet, ko ha. Tantu paralu juo antisipasi labiah elok dari Pemko Bukiktinggi. Misalno sajo jo manutuik, atau mambebaskan salingkaran pasa gadang, baiak ateh atau bawah dari oto pribadi di hari-hari rami di maso liburan panjang hari rayoko. Sadioan tampek parkir nan aman dan di paliaro kaamananno di Bukik Ambacang bagi nan datang dari arah Utara, di Garegeh bagi nan datang dari arah Timur, di Jambu Aia bagi nan datang dari arah Selatan. Di dalam kota hanyo buliah bakaliaran taksi kota, jo angkot, sarato bendi. Iko untuak kanyamanan di tangah kota awak nan sabanano sabana ketek tu. Sabab kalau alah bagadimpik-gadimpik tu tantu jadi indak nyaman. Kalau indak nyamanko tantu jadi maleh urang datang. Disampiang kasampatanko bisa pulo manambah panghasilan dek angkutan lokal.

Baa kiro-kiro?

Wassalamu’alaikum wr.wb.,

 St. Lembang Alam