wa'alaikum salam ww,
Alhamdulillah, barakaik Allah jadi juo rencana tu mak Labiah juo
alhamdulillah walau ciek jo baduo nan jaleh mamak baiak sacaro lansuang atau
ndak lansuang, basabuik ndak di sabuik, dikato ndak takato mako mamak adolah
wakia dari kito warga Rantau nangko. Jadi sakali lai kok buliah mawakia i ko mak
tarimo kasi malah tantang kahadiran mamak nantun.
Ma...
nyo mak, kok diinok dimanuangkan dari laporan pandangan mato mamak nangko io lai
bakuampeh nampaknyo galanggang ko mak io ndak paralu basuluah matoari bagai lai
do ko mak lah cukuik ko ma dari mamak nangko.
Cuma
ado ciek nan mungkin samo taraso dek awak tu mak masalah kato di spanduk tu a,
.........kamanakan nanlah elok..., kalo manuruik pangana awak nan singkek ilimu
sabarih buku kabaa lah nasib kamanakan nan alun elok mamak nan nama kolah nan ka
mambimbiangny.
Mudah-mudahan awak salah dalam manangkok makna nyo sahinggo ndak berang
pulo panitia nyo ka awak beko. Sudahlah indak pulang ba ri rayo banyak pulo
komentar lai.
Tapi
kok ado diantaro awak di Rantau ko mak nan jadi panitia atau dapek manjalehkan
makna nan takanduang atau apolah nan ka disabuik rancak bana mak supayo ndak
jadi gunjiang jo buah kato di kudian ari.
Sakitu
dulu mak Bandaro Labiah dari awak kok salah malompek tolong di sambuik kok salah
bakato tolong di pelok i mak. Sakali lai tarimo kasi mak ateh kaba
nangko
wassalamu'alaikum ww,
Batuduang Ameh (36)
-----Original Message-----
From: hendrif hendrif [mailto:[EMAIL PROTECTED]
Sent: Friday, December 05, 2003 12:06 PM
To: [EMAIL PROTECTED]
Cc: A. Bandaro; M. Bangsawan
Subject: [RantauNet.Com] "Buah tangan"BismillahirrahmanirrahimAssalamu'alaikum w.w.....Adopulo duo nan takana-kana dihati, takilan dimato,:Partamo = Tulisan (Papatah) nan ditulih di spanduk gadang, nan babunyi "Anaklah Samo di Pangku""Kamanakan nanlah elok samo Bibimbiang"dst....Disiko ado parubahan dari nan biaso, khususno kalimat nan kaduo ("Kamanakan nanlah elok samo Bibimbiang"), karano nan sabanano adolah "Kamanakan samo di Bimbiang", karano parubahan kalimat nantun tantuno marubah pulo arati atau mukasuk nan dikanduangno.Sutan Bandaro Labiah
