Assalamualaikum w.w. Angku Azmi Dt Bagindo dan para dunsanak sapalanta, Pertanyaan Angku Azmi Dt Bagindo ini saya anggap amat penting, karena telah menyampaikan secara lugas dan terus terang pertanyaan yang selama ini saya ketahui banyak beredar di kalangan para pembaca buku saya, terutama yang membacanya tidak tuntas, tapi sepotong-sepotong saja. Untuk ini saya ucapkan terima kasih sekali lagi kepada Angku Azmi Dt Bagindo. Beginilah bunyi pertanyaan dan jawaban tersebut.
2. Kenapa angku kok masih sangat keras untuak mengadakan perobahan mandasar tentang (ABS-SBK) ? . Disetiap kesempatan selalu angku manfaatkan untuak itu. JAWAB; SUNGGUAH SALAH DAN TABALIAK SAKALI KASIMPULAN ANGKU BAHASO AMBO SANGAT KERAS UNTUAK MANGADAKAN PEROBAHAN MANDASAR TARADOK ABS SBK. PARUBAHAN NAN AMBO MINTA SAKETEK SAJO, YAITU SUPAYO AJARAN ISLAM TANTANG NASAB -- BAHASO HUBUNGAN DARAH SURANG ANAK DILACAK KA BAPAKNYO -- DILAKSANAKAN DALAM ADAT MINANGKABAU, SASUAI JO KASAPAKATAN KITO TANTANG ABS SBK. KINI KAN INDAK ? DALAM KANYATAANNYO ADAT KITO INDAK MALAKSANAKAN AJARAN ISLAM TANTANG NASAB YAITU GARIH KATURUNAN DIUSUT DARI BAPAK SAHINGGO TAJADILAH APO NAN DIALAMI DEK AYAH AMBO, YAITU WALAUPUN ANAK-ANAK BALIAU CUKUIK BANYAK, BALIAU MARASO PUNAH, INDAK BAKATURUNAN. KAN SADIAH TU, ANGKU DATUAK ? DENGAN DEMIKIAN, MAKO SIKAP AMBO NAN BATUA ADOLAH JUSTRU SABALIAKNYO DARI NAN ANGKU DATUAK TANYOKAN. NAN AMBO KAHANDAKI ADOLAH AGAR ABS SBK ITU DILAKSANAKAN SACARO LANGKOK DAN KONSISTEN. DALAM HUBUANGAN IKO ADO NAN PARALU KITO DUDUAKKAN, YAITU BAA HUBUNGAN ANTARO SYARAK JO ADAT, MA NAN LABIAH TINGGI. MANURUIK AMBO KADUDUKAN SYARAK ITU LABIAH TINGGI DARI ADAT, JADI KALAU ADAT BATANTANGAN JO SYARAK, ADAT TU GUGUR DENGAN SANDIRINYO. MASALAH HUBUNGAN SYARAK JO ADAT KO PARALU KITO JANIAHKAN, KARANO ADO TANDO-TANDO BAHASO 1) ABS SBK TU SAKADAR DISABUIK-SABUIK SAJO UNTUAK PAMANIH KATO, TAPI INDAK JANIAH DAN INDAK JALEH BANA APO ISINYO DAN BAA CARO MALAKSANAKANNYO DALAM KANYATAAN; DAN 2) JUSTRU INDAK ADO NIAIK UNTUK MALAKSANAKANNYO SACARO LANGKOK DAN KONSISTEN [=ISTIQOMAH], TARUTAMO KALAU ALAH MANYANGKUIK AJARAN ISLAM TANTANG HUKUM KAKARABATAN JO HUKUM WARIS. SAKADAR SABAGAI SARANA UNTUAK MALAKSANAKAN ABS SBK KO SACARO LANGKOK DAN KONSISTEN TU, DALAM MILIS RANTAUNET KO ALAH PARANAH AMBO SUMBANGKAN BABARAPO MATRIKS ABS SBK [SAMACAM KARANGKO UNTUAK MANCALIAK HUBUNGAN ANTARO BABARAPO HAL]. SILAKAN ANGKU AZMI DT BAGINDO BUKAK BALIAK POSTINGS NAN LAMO. MUNGKIN MASIH ADO DI PAK DARUL ST PARPATIAH SABAGAI KIPER MILIS [EMAIL PROTECTED] KARISAUAN AMBO TASABUIK DI ATEH ADO DASARNYO DALAM KANYATAAN, YAITU 1) TAHUN 2004 NAN LALU, DALAM ACARA PELUNCURAN BUKU AMBO DI STUDIO TVRI PADANG, SURANG PANGULU SACARO TABUKA MANYATOKAN KABARATAN KALAU DIKATOKAN BAHASO SYARAK ADOLAH LABIAH TINGGI DARI ADAT [ SYARAK SABAGAI LEX SUPERIORI]. 2) FAHAM SARUPO IKO TANYATO JUO DIANUT DALAM MASO KINI DEK SABAGIAN DUNSANAK KITO NAN AKTIF DALAM MILIS RANTAUNET KO. KARANO ITU, AMBO RASO PARALU BANA DIADOKAN PANALITIAN BARA BANYAK URANG AWAK NAN INGIN MALAKSANAKAN ABS SBK KO SACARO LANGKOK DAN KONSISTEN, DAN BARA PULO NAN INDAK INGIN LANGKOK DAN DAN INDAK KONSISTEN. SIKAP SARUPO IKO NAN AMBO NAMOKAN MANARIMO ABS SBK MINUS (=DIKURANGI) HUKUM KEKERABATAN DAN HUKUM WARIS ISLAM. DALAM HUBUANGAN KO LAI BULIAH AMBO BATANYO SACARO PRIBADI PULO KA ANGKU AZMI DT BAGINDO: DIMA TAGAK ANGKU DALAM MALAKSANAKAN ABS SBK KO: INGIN LANGKOK DAN KONSISTEN ATAU INDAK INGIN LANGKOK DAN INDAK INGIN KONSISTEN ? BABALIAK KA PARTANYAAN, TANTANG APO PERSISNYO PARUBAHAN ATAU PANYAMPARONOAN NAN AMBO SARANKAN ? JADI BUKAN TARADOK ABS SBK SACARO MANYALURUAH, TAPI KHUSUS TARADOK SABAGIAN AJARAN TANTANG SISTEM KEKERABATAN MATRILINEAL ADAT MINANGKABAU, YAITU TANTANG SOAL PUNAHNYO SUATU KAUM KARANO INDAK ADO KATURUNAN PADUSI WALAUPUN ATAUPUN PADOHAL DALAM KANYATAAN BISA BANYAK KATURUNAN NAN BATALI DARAH DARI PIHAK LAKI-LAKI. DALAM PANDANGAN AMBO AJARAN ADAT MINANGKABAU TANTANG SOAL PUNAH IKO INDAK SASUAI JO AJARAN ISLAM TANTANG NASAB, NAN JUSTRU DIUSUT DARI GARIH KATURUNAN LAKI-LAKI. DALAM BUKU AMBO MASIH ADA HARAPAN SARAN AMBO KO AMBO AGIAH NAMO SISTEM KEKERABATAN PARENTAL PLUS, TAPI TANYATO MALAH MANIMBULKAN KESAN NAN KALIRU TARADOK APO NAN AMBO MUKASUIK, TARUTAMO DARI SABAGIAN DUNSANAK KITO NAN INDAK LANGKOK MAMBACO BUKU AMBO TU. KARANO ITU ISTILAH TU PARALU DISAMPARONOKAN TANPA MAUBAH INTI APO NAN AMBO SARANKAN. SASUAI JO SARAN BUYA MASOED ABIDIN DI TMII TAHUN LALU, AMBO SATUJU JO ISTILAH BARU SISTEM KEKERABATAN MATRILINEAL PLUS NAN ARATINYO AMBO SATUJU MASIH TETAP ADONYO SISTEM KEKERABATAN MATRILINEAL, TAMASUAK ADONYO PARA PANGHULU DAN NINIAK MAMAK, TAPI PLUS SISTEM NASAB ISLAMI. ITU SAJO. JADI KAN INDAK MANDASAR PARUBAHAN NAN AMBO MINTAK ? PANGHULU TATAP, HARATO PUSAKO TATAP. HANYO JAN ADO JUO PUNAH-PUNAHAN KO DI MASO DATANG. Wassalam, Saafroedin Bahar ____________________________________________________________________________________ The fish are biting. Get more visitors on your site using Yahoo! Search Marketing. http://searchmarketing.yahoo.com/arp/sponsoredsearch_v2.php --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
