Kelapa Gading 8 Juni 2007
Assalamualaikum w.w
Angku Saafroedin Bahar St. Madjolelo Sarato
Dunsanak Sapalanta Nan Ambo hormati
Tilisan amboko adolah sebagai kato bajawab gayung basambuik ateh tulisan
Angku Saafroedin Bahar St. Madjolelo nan tarakhir ko. Sekaligus panutuik wacana
ambo jo Angku.
Ambo satuju sajo maantikan wacana jo Angku Saafroedin Bahar St. Madjolelo,
kalau memang dianggap indak ado manfaatnyo, sekalipun masih banyak
pertanyaan-pertanyaan ambo nan alun Angku jawab. Ibarat balayia alun tibo di
pulau, ibarat bajalan alun tibo dibateh. Namun, kok bajalan tantu baparantian,
kok bakato tantu bakasudahan, sebaiknyo iyo kito antikan sajo sampai disiko.
Batua pandapek Angku Saafroedin Bahar St. Madjolelo, bahwa antaro Angku jo
ambo tampek tagak kito berbeda. Namun, karano nan kita mambicarokan adolah
masalah adat atau (ABS-SBK), mako ambo indak akan duduak bakisa, indak akan
tagak bapaling, ambo bausaho tetap tagak ditanah nan sabingkah, duduak tetap di
lapiak nan saalai, dengan alas an panghulu taguah diadat, ulama taguah dikitab.
Angku mangatokan : pusat paratian Angku Azmi Dt. Bagindo adolah pado sako dan
pusako, indak labiah dan indak kurang. Baputa-puta di situ-situ sajo.
Itu memang sebagian dari perhatian ambo Angku Saafroedin Bahar
St. Madjolelo, karano ado beberapa alas an ambo :
Harto pusako itu adolah merupokan sebagai bukti, "asal usul" bahwa orang
tersebut memang keturunan Minang. Dalam Adat dikatokan, nan bapandam ba
pakuburan nan basasok bajarami, jauah dapek ditunjuakkan kok dakek dapek
diantakan. Seseorang nan indak punyo atau indak lai mempunyai sasok jarami
pandam pakuburan, mako indaklah langkok lai Minangnyo. Indak baurek tunggang
indak bapucuak bulek. Malah ado para ahli adat mangatokan bahwa apabila suatu
kaum sudah abih harato pusakonyo, mako indak paralu lai ma-angkek seorang
panghulu, karena adat itu berdiri di ateh pusako, cancang balandasan lompek
basitumpu.
Seperti nanlah pernah ambo kamukokan, bahwa harato pusako itu adolah sebagai
alat pemersatu bagi masyarakat Minang, sekaligus untuak mengetahui, nan sa asa
sakaturunan menurut jalur adat.
Harato tersebut sebagai harato cadangan, jikok ado nan maleset hiduik di
rantau babaliaklah kakampung uruihlah harato tu.
Harato itu adolah amanah, yang boleh hanyo diambil hasilnyo indah untuak
dimiliki, mako harato tu jangan sampai ilang atau lanyok ditangan kito.
Namun, nan manjadi paratian ambo bukanlah itu sajo, banyak hal-hal lain nan
indak kalah pentingnyo untuak kito pikiakan basamo, jiko kito memang mencintai
dan ingin melaksanakan adat atau (ABS-SBK) itu secara baik. Antara lain adalah
baamawujutkana kehidupan barasat dalam kehidupan masyarakat Minang sesuai
(ABS-SBK).
Manuruik pandapek ambo adolah sabalun kito mambicarokan urang
lain, kito mulai dulu dari diri kito masing-masing, dan kemudian di lanjuikkan,
kenan sabuah jari, satampok, sajangka dan sa eto. Apo kito telah melaksanakan
apo nan tersirat dalam pepatah "anak di pangku kemanakandibimbing-urang kampung
di patenggangkan-tenggang nagari jan binaso".
Dipangku anak menurut aturan Agamo, sebagai tanggung jawab
langsung kepado Allah. Dibimbing kamanakan menurut aturan adat sebagai tanggung
jawab moral, nan mamakaikan raso jo pareso sarato alua jo patuik, dan dikabek
padi jo daunnyo. Dipatenggangkan urang kampung, kok tagamang di jawek, kok
tangih bapujuak. Tenggang nagari jan binaso, dalam pepatah adat disebutkan
"babuah rimbang dimalako babuah sampai kaureknyo, tenggang nagari jan binaso
tenggang saratojo ubeknyo" Kok tagak suku pagalah suku, kok tagak kampung
pagalah kampung, kok tagak nagari pagalah nagari, kok tagak Minang pagalah
Minang.
Tagak suku pagalah suku, artinyo kito mulai dulu dari suku kito
masing-masing, kito benahi suku kito. Seorang laki-laki di Minang, tentu
otomatis sebagai seorang mamak, nan tugasnyo manuruik adat, adolah nanka mairik
marantangkan dunsanak kamanakan. Kok tibo dikusuik nan kamanyalasaikan kok
karuah nan kamanjaniahkan. Kok ado nan lamah bilailah, kok ado nan umpang
sisiklah, kok ado nan kurang tambahlah, dalam pepatah adat disebutkan,
"kemanakan barajo kemamak, mamak barajo kepanghulu, panghulu barajo ka
munfakat, munfakat barajo ka alua patuik, alua patuik barajo nan bana, bana
manuruik aturan Islam, dan bana berdiri sendirinyo".
Kok kinantan di galanggang
Kinantan juo di lasung awak
Patah sayok batungkek paruah
Namun kukuaknyo badari juo.
Kemudian Angku Saafroedin Bahar St. Madjolelo mangatokan :
Saparati baulang-ulang ambo sampaikan ka Angku Azmi Dt. Bagindo, ambo samo
sakali indak baminat ka masalah sako jo pusako-tu.
Ambo paham tantang itu Angku Saafroedin Bahar St. Madjolelo, dek
indak baminat itulah barangkali mangko Angku malapehkan hal-hal nan bahubungan
dengan sako jo pusako dalam kaum atau suku Angku, mako dari itu mohon
keterangan Angku, apokoh masih buliah ambo ma-imbaukan "gala" Angku ? Karano
"gala" adolah "sako" dalam kaum atau suku Angku.
Dan akhirnyo ambo mohon maaf, jikok ado kato nan tadorong, indak di garih nan
bapaek, indak di rasuak manjariau, kok talantak sabab dek naik, kok talantunng
sabab dek katurun, salah manaruah kakilapan, kilap nan indak di sangajo, ka
Tuhan ambo mintak ampun, ka Angku ambo mintak maaf kito akhiri wacana atau
polemik nangko, kok ado nan elok nak samo kito pakai, kok ado nan buruak nak
samo kito buang, sakitu sajo dulu Angku, tarimo kasih.
Wassalam,
Azmi Dt. Bagindo
Assalamualaikum w.w. Angku Azmi Dt Bagindo dan para
dunsanak sapalanta,
Sasuai jo materi posting, ambo ubah judul nan diateh.
Walaupun posting Angku Azmi Dt Bagindo indak ditujukan
langsuang ka ambo, tapi sacaro umum sajo, namun tarimo
kasih ambo ucapkan ka bakeh Angku Azmi Dt Bagindo nan
alah mangirimkan surek pribadi pak Amir M.S. untuak
Angku jo ambo tu ka palanta laweh RantauNet ko.
Sabananya ambo ka manjawab surek pribadi baliau tu
sacaro pribadi pulo, khususnya nan berkenaan jo badan
diri ambo. Tapi ado juo rancaknyo ambo agiah pejelasan
langsuang ka palanta ko, sasuai jo kainginan Angku
Azmi Dt Bagindo.
Sasuai jo parmintaan pak Amir M.S. ambo indak baminat
lai malanjuikkan wacana jo Angku Azmi Dt Bagindo,
karano tampek tagak [='frame of reference'] sabana
balain. Indak ado gunonyo, mubazir, untuak
ditaruihkan. Pusat paratian ambo adolah kapado Manusia
Minang menurut ajaran Islam, sadang pusat paratian
Angku Azmi Dt Bagindo adolah pado sako dan pusako,
indak labiah dan indak kurang. Baputa-puta di
situ-situ sajo. Saparati baulang-ulang ambo sampaikan
ka Angku Azmi Dt Bagindo, ambo samo sakali indak
baminat ka masalah sako jo pusako tu. Ambo maajak agar
masalah ko ditaliti sacaro konkrit, baliau pulo nan
indak baminat samo sakali kapado data dan fakta.
Karano itu, sasuai jo harapan pak Amir M.S, wacana
langsuang antaro ambo jo Angku Azmi Dt Bagindo alah
ambo hentikan, karano indak ado manfaatnyo.
Namun supayo tuntas, apolagi karano materi nan dibahas
baitu mandasar untuk suku bangsa Minangkabau, kini
ambo mamprakarsai pangkajian masalah masyarakat hukum
adat Minangkabau ko sacaro ilmiah, dari perspektif hak
asasi manusia, tanggal 19-21 Juni ko di Fakultas Hukum
Universitas Andalas, Kampus Aia Manih, Padang. Ado 18
orang pembicara nan akan manyampaikan pandapek. Kalau
indak ado halangan, 'keynote speech' akan disampaikan
dek Ketua Mahkamah Konstitusi, Prof Dr Jimly
Ashshiddiqi SH.
Sahubuangan jo partanyaan pak Amir M.S Dt Mangguang
nan Sati tantang badan diri ambo, tantu ado perbedaan
antaro Kapten Infanteri Drs Saafroedin Bahar tahun
1966 jo Brigadir Jenderal Pur Dr`Saafroedin Bahar
tahun 2007. Tahun 1966 tu umua ambo 29 tahun, alun
banyak pangatahuan jo pangalaman, kini ambo alah 70
tahun, rasonyo alah kanyang jo pangalaman dan alah
batambah banyak pangatahuan. Tahun 1966 tu ambo masih
baraja tantang adat dan masyarakat hukum Minangkabau,
tahun 2007 ambo alah bisa mambandiang-bandiang adat
dan masyarakat hukum adat Minangkabau tu jo adat dan
masyarakat hukum adat suku-suku bangso Indonesia
lainnyo. Alah nampak dek ambo dima kakuatan dan dima
kalamahannyo. Kakuatannyo paralu kito konsolidasikan,
sadangkan kalamahanno kito peloki, sasuai jo kato
papatah 'lapuak-lapuak dikajangi, usang-usang
dibarui'.
Labiah dari itu, ambo alah kanyang pulo manakuni
wacana hak asasi manusia salamo 12 tahun, dan akan
lengser lai dari Komnas HAM bulan Agustus nan ka
datang.
Paratian ambo kini tarutamo pado tingkek nasional,
tanpa maninggakan tangguang jawab moral ka kampuang
halaman. Di tingkek nasional, paratian ambo kini
adolah pado pangambangan paradigma fungsional
Pancasila, nan alah ambo perkenalkan salamo duo tahun
balakangan ko sabanyak tigo kali di Universitas
Gadjah Mada, Yogyakarta, dan nampaknyo akan
dikambangkan labiah lanjuik dek alma mater ambo tu.
Salain itu ambo kini menjadi Ketua Dewan Pakar
Sekretariat Nasional Perlindungan Hak Konstitusional
Masyarakat Hukum Adat, nan alah diaktanotariskan
tanggal 31 Januari 2007 nan lalu di Pekanbaru. Di Gebu
Minang, ambo diminta jadi Ketua Dewan Penasehat.
Untuak Sumatera Barat, paratian ambo kini -- salain
manuntaskan wacana tantang ABS SBK -- adolah pado
pangambangan pariwisata, karano ambo kabatulan diminta
dek nan mudo-mudo untuak manjadi Ketua Masyarakat
Peduli Pariwisata Sumatera Barat (MAPPAS).
Adapun wacana tantang 'punah' nan ambo angkek salamo
ko adolah sakadar pintu masuak [='entry point'] untuak
mambahas masalah nan labiah gadang dan mandasar, yaitu
tantang alun sajalannyo antaro ajaran adat Minang nan
matrilineal jo ajaran Islam tantang nasab ka bapak.
Sampai kini ambo masih maraso aneh, mancaliak urang
Minang nan mangaku Islam, masih manganuik konsep
'punah' padohal anak-anaknyo banyak. Syukurlah kito
nan di RantauNet alah manyalasaikan masalah ko
sawakatu kito mambahas panggunoan software Family Tree
Maker babarapo wakatu nan lalu. Ambo indak ka
mangomentari soal waris mawaris, nan sabana ruwet tu.
Mudah-mudahan katarangan ambo ko dapek manjawab
keheranan pak Amir MS apo sababnyo sikap ambo sawakatu
baumua 29 tahun babeda jo sikap ambo sawaktu ambo alah
jadi urang tuo nan baumua 70 tahun. [Tapi omong-omong,
kalau samo sajo sikap ambo sawakatu mudo matah jo
sawakatu ambo alah jadi urang tuo, rasonyo agak aneh,
Itu aratinyo ambo indak kambang. Kalau kue, itu
namonyo dek Amak ambo dulu, 'bantat', indak kambang.
Ambo indak amuah sarupo jo 'kue bantat' doh].
Akhirulkalam, pandirian kito sabana babedo, dan
sampai kini alun bisa didakekkan. Untuak maso datang,
kito pacik sajo ajaran Islam tantang 'fastabiqul
khairaat', balomba kito dalam mancari kabaikan. Angku
Azmi Dt Bagindo manuruik caro Angku, ambo manuruik
caro ambo pulo. Lanjuikkanlah pangabdian Angku Azmi Dt
Bagindo dalam bidang adat, dan tunjuakkanlah kabanaran
pepatah 'elok nagari dek panghulu'. Ikuiklah sacaro
aktif mameloki kaadaan kampuang halaman kito Sumatera
Barat -- salain dari nagari asa jo kaum Angku surang
-- nan kini masih diarak dek kamiskinan,
katarbalakangan, dan kabodohan.
Sabagai tambahan, ado baiaknyo Angku Azmi Dt Bagindo
sacaro taratur manaruihkan wacana nan bakambang dalam
RantauNet ko ka pak Amir M.S Dt Mangguang nan Sati,
supayo baliau jan dapek ujuang-ujuangnyo sajo.
'Printout' dari jawaban ambo ko ka ambo sampaikan
langsuang ka pak Amir M.S. Dt Mangguang nan Sati, nan
bakabatulan rumah baliau dakek rumah ambo.
Talabiah takurang, mohon dimaafkan.
Wassalam,
Saafroedin Bahar
--- azmi abu kasim azmi abu kasim
wrote:
>
> Kelapa Gading 3 Juni 2007
> Assalamualaikum W.W.
>
> Angku-Angku/Bapak-Bapak sarato Dunsanak Sapalanta
> Nan ambo hormati.
>
> Dibawah nangko ambo sampaikan tulisan Angku Amir
> MS Dt.Manggung Nan Sati, yang ditujukan kepada
> "Lembaga Adat Kebudayaan Minangkabu" (LAKM) Jakarta,
> sebagai tanggapan beliau terhadap diskusi atau tukar
> pikiran nalah kito lakukan beberapa waktu nan lalu,
> tentang Sistem Matrilinial dan Pewarisan Harto
> Pusako Tinggi dalam "Visi Minangkabau 2020",
> mudah-mudahan bermanfaat adanya, terima kasih.
> Wassalam,
>
> Azmi Dt.Bagindo
>
>
> Jakarta : 27 Mei 2007
> Perihal : Rasa Syukur atas polemik
> adat di Internet.
>
>
> Kepada Yth.,
> Pengurus Lembaga Adat Kebudayaan Minangkabau
> (LAKM)
> U.p : Angku Azmi Dt.Bagindo Sekretaris Umum
> Jalan Maramba No.5 Kelapa Gading
> Jakarta Utara.
>
> Assalammualaikum W.W.,
>
> Alhamdulillah ambo alah manarimo kumpulan tulisan
> tentang Polemik di Internet perihal, sistem
> matrilinial dan pewarisan harta pusako tinggi dalam
> "VISI MINANGKABAU 2020".
>
> Polemik nan bamulo dari pertanyaan Angku
> Z.Chaniago kepada Engku Dt.Endang akhirnyo merebak
> melibatkan Angku Dr.Saafroeddin Bahar Jo Angku Azmi
> Dt.Bagindo sungguh sangat menarik dan sangat berguna
> bagi masyarakat adat Minangkabau, yang mau peduli
> dengan problema yang dihadapi masyarakat adat kita
> ini.
>
> Kesimpulan ambo samo Jo kesimpulan dari Angku
> St.Bandaro Kayo di akhir Milis Internet itu nan
> mangatokan bahwa diskusi nantaro Angku Dt.Bagindo Jo
> Bapak Dr.Saafroedin Bahar merupokan diskusi antaro
> dua orang intelektual yang sangat ilmiyah karena
> mempunyai alasan maupun argumentasi masing-masing
> yang dapat dipercaya.
>
> Banyak mengandung mutiara-mutiara atau
> rumusan-rumusan dan dalil - dalil adat dan agama
> yang bersumber dari Al Quran Hadits, dan
> pandangan serta pikiran dari tokoh-tokoh adat dan
> agama terpandang dari ranah Minangkabau .
>
> Kami berharap semoga diskusi dan polemik semacam
> ini dapat diteruskan baik melalui Internet,
> dikalangan kampus dan seminar serta lokakarya oleh
> lembaga masyarakat adat Minangkabau maupun kalangan
> Universitas dan Pemerintah Daerah.
>
> Sebagai pribadi saya sangat berhutang budi pada
> Bapak Dr. Saafroeddin Bahar atas jasa beliau
> terhadap Minangkabau di-antaranya sebagai anggota
> Presidium panitia seminar hukum adat Minangkabau
> tahun 1968 yang telah berjasa menghadirkan
> tokoh-tokoh terpandang dan ternama dalam seminar
> itu, dan telah melahirkan sebuah buku yang amat baik
> dan bermutu bersama dengan Dr.Mochtar Naim selaku
> editor berjudul "Menggali Hukum Tanah dan Hukum
> Waris Minangkabau".
>
> Dalam buku itu dimuat kesimpulan Seminar yang
> berbunyi antara lain:
> "Terhadap harta pencarian " berlaku hukum Faraidh
> sedangkan terhadap " harta pusaka tinggi " berlaku
> hukum adat.
>
> Berhubung I.K.A.H.I. Sumber ikut serta mengambil
> Keputusan dalam Seminar ini, maka Seminar menyerukan
> kepada seluruh Hakim-hakim di Ssumbar dan Riau
> supaya memperhatikan ketetapan Seminar ini.
> Ketentuan ini sudah bersifat final dan tuntas dan
> ketetapan inilah yang berlaku sampai kini dalam
> masyarakat adat Minangkabau. Saya heran Pak
> Dr.Saafroeddin Bahar kok kini turut dalam polemik
> tentang sistem matrilineal dan pewaris harta pusaka
> tinggi dengan mengemukakan pandangan yang tidak
> sejalan dengan ketetapan diatas.
>
> Sebagai orang yang kenal baik dengan Pak
> Saafroedin Bahar, saya menjadi sangat bingung.
> Bagaimana mungkin pandangan seseorang Saafroedin
> Bahar yang jernih dan penuh prakarsa, sebagai
> seorang perwira muda, sebagai kapten Drs.Saafruddin,
> kini berbeda dan bertolak belakang dengan pandangan
> seorang Jendral Dr.Saafroeddin Bahar. Tidak ada yang
> kekal di dunia ini. Alam senantiasa berubah.
>
> Yang kekal hanya perubahan itu sendiri. Apakah Pak
> Saafruddin Tahun 2007 sudah banyak berubah dengan
> Saafrordin muda tahun 1968. Allahualam bissawaab.
> Maaf Pak Saafroedin Bahar. Saya tidak menyindir,
> hanya mengatokan nan tapikiakan .
>
> Perubahan pandangan dan pikiran biasa sajo, namun
> masalahnya berubah kearah menambah porak porandanya
> masyarakat adat Minangakabau ?. Inilah masalah kita
> sama- sama mengingini adanya perubahan. Tetapi
> perubahan kearah yang lebih baik, lebih kuat, lebih
> berperan ditinggkat daerah dan ditingkat nasional
> dan global. Bukan perubahan kearah kehancuran ,
> kehancuran juga suatu perubahan.
>
> Saya senang dan menyukai polemik dan diskusi adat
> semacam ini, hal ini suatu pertanda bahwa masih
> banyak diantara kita yang masih peduli dengan
> keberadaan (eksistensi ) adat dan Budaya kita.
> Namun, sayang topik yang dipilih nampaknya terpokus
> pada masalah "PUNAH" menurut sistem matrilinial
> Minangkabau dan Islam, serta masalah pewarisan
> harato pusako tinggi Minangkabau, rasanya sudah
> terlalu basi untuk kini dijadikan polemik, karena
> masalan ini sebenarnya sudah lama terselesaikan.
>
> Coba saja lihat ketetapan seminar tahun 1968
> diatas, apanya yang masih kurang jelas. Masalahnya
> barangkali terletak pada persoalan "sosialisasi"
> pemahaman dan "pengamalan" dari istilah "punah" dan
> masalah "warisan". Sosialisasi dari masalah ini
> memang sangat terbengkalai, karena sejak kemerdekaan
> atau tepatnya sejak perang dunia II, kita sudah
> hamper tidak memperhatikan pendidikan, pengajian dan
> mensosialisasikan adat dan budaya kita, sehingga
> sudah banyak yang lupa.
>
> Sosialisasi ini dapat kita lanjutkan dengan cara
> "polemik" di Internet, ataupun diskusi diradio,
> seminar di Universitas dan lokakarya-lokakarya yang
> lebih intensip.
>
> Adapun "topik" untuk diskusi / seminar saya
> usulkan yang lebih mendasar seperti :
> 1. Re-Strukturisasi masyarakat adat
> Minangkabau.
> 2. Re-Fungsionalisasi pemangku adat
> Minangkabau .
> 3. Re-Vitalisasi hubungan perantau dengan
> ranah Minang.
> 4. Memberdayakan ajaran adat Minangkabau
> dalam pembentukan Nation and Character Building
> Indonesia.
> 5. Pengkajian, pengamalan, dan pemahaman
> ajaran adat Basandi Syarak-Syarak basandi Kitabullah
> dalam Masyarakat Adat Minangkabau, diranah dan di
> Rantau.
>
> Saya tidak akan mengemukakan masalah "punah",
> karena persoalan itu hanyalah urusan Takdir illahi
> disatu sisi, dipihak lain soal sistem kemasyarakatan
> yang kita ambil. Dalam sistem matrilinial masalahnya
> sederhana saja. Bila dalam satu suku tidak ada
> kemenakan "padusi" yang dilahirkan, maka punah lah
> suku itu.
>
> Yang punah adalah sukunya, adapun tentang
> melahirkan anak, baik laki-laki maupun perumpuan
> bukanlah soal pilihan kita tetapi 100% tergantung
> Takdir Ilahi, kalau soal Takdir kita mau apa?.
> Selanjutnya sistem kemasyarakatan manapun yang kita
> pakai soal punah tak dapat di hindarkan. Kalau Tuhan
> menghendaki seorang laki-laki walau punya bini
> sampai 4, kalau Tuhan tidak mengingini orang itu,
> bisa saja tidak punya keturunan. Punah
> juga,....walau beliau memakai sistem kemasyarakatan
> "patrilinial", maupun "parental" dengan segala macam
> plus.
>
> Ambo hanya mengharapkan kepado Angku Saafroedin
> Bahar dan Angku Azmi Dt. Bagindo, hentikanlah
> diskusi atau polemik tentang "punah" dan "warisan"-
> ko, sampai disiko sajo. Kito habisi dengan saling
> ber-maaf maafan dan samo-samo berdoa semoga semua
> pandangan dan pendapat itu merupakan pencerahan bagi
> kita semua dan menjadi amal ibadah dari semua yang
> turun rembuk dan bagi kami yang hanya turut
> menikmati sebagai suatu pelajaran yang sangat
> berharga dan berguna bagi kami para pencinta adat
> dan budaya Minang.
>
> Sebagai salah satu pencinta Adat Minangkabau, kami
> ucapkan terimakasih yang sebesar-besarnya kepada
> Angku Dr. Saafrroedin Bahar dan Angku Azmi
> Dt.Bagindo serta segenap pengurus dan pembina
> Lembaga Adat Kebudayaan Minangkabau (LAKM) Jakarta
> yang
=== message truncated ===
---------------------------------
Sekarang dengan penyimpanan 1GB
http://id.mail.yahoo.com/
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi keanggitaan dan Webmail Mailing List, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda sebagai Google Account di:
https://www.google.com/accounts/NewAccount?hl=id&cd=US&service=groups2.
-~----------~----~----~----~------~----~------~--~---
