Waalaikumsalam ww. Angku Azmi Dt Bagindo,
Sakadar manjawab partanyaan Angku nan babunyi: "mohon
keterangan Angku, apokoh masih buliah ambo ma-imbaukan
"gala" Angku ? Karano "gala" adolah "sako" dalam kaum
atau suku Angku.".
Jawab ambo sederhana sajo: tantu sajo buliah, ambo
indak manyuruah dan indak malarang. Angku sabuik ambo
gala tu, baik, indak disabuik jo gala tu juo indak
baa. Tipak di ambo, ambo indak fanatik bana ka gala tu
doh. Gala tu gala dari Mamak ambo, Alinuddin St
Madjolelo (alm) nan ambo tarimo katiko ambo menikah,
dan jarang bana ambo pakai. Dalam pagaulan ambo
sahari-hari ambo diimbau dek rekan-rekan ambo -- baik
di Ranah maupun di Rantau -- sabagai 'pak Saaf" sajo,
rasonyo cukup akrab.
Gala nan acok ambo pakai kini dalam kegiatan formal
adolah gala akademik, 'doktor' (UGM, 1996) karano
paralu sabagai identitas dalam hubungan karajo ambo.
Sabagai panutuik, ambo juo mintak maaf kalau ado
kato-kato ambo nan manyingguang, sambia maulang ajakan
ambo, sasudah ko kito ber-'fastabiqul khairaat' sajo
lah. Kok nanti ado tabuka pangana baru, misalnyo ado
titiak tamu dalam tampek tagak kito masiang-masiang,
kito sambuang malah baliak.
Wassalam,
Saafroedin Bahar
--- azmi abu kasim azmi abu kasim
<[EMAIL PROTECTED]> wrote:
>
> Kelapa Gading 8 Juni 2007
> Assalamualaikum w.w
>
> Angku Saafroedin Bahar St. Madjolelo Sarato
> Dunsanak Sapalanta Nan Ambo hormati
>
---- ambo kuduang di siko ---
> Kemudian Angku Saafroedin Bahar St. Madjolelo
mangatokan : Saparati baulang-ulang ambo sampaikan ka
Angku Azmi Dt. Bagindo, ambo samo sakali indak baminat
ka masalah sako jo pusako-tu.
>
> Ambo paham tantang itu Angku Saafroedin Bahar St.
Madjolelo, dek indak baminat itulah barangkali mangko
Angku malapehkan hal-hal nan bahubungan dengan sako jo
pusako dalam kaum atau suku Angku, mako dari itu mohon
keterangan Angku, apokoh masih buliah ambo ma-imbaukan
"gala" Angku ? Karano "gala" adolah "sako" dalam kaum
atau suku Angku.
>
Dan akhirnyo ambo mohon maaf, jikok ado kato nan
> tadorong, indak di garih nan bapaek, indak di rasuak
> manjariau, kok talantak sabab dek naik, kok
> talantunng sabab dek katurun, salah manaruah
> kakilapan, kilap nan indak di sangajo, ka Tuhan ambo
> mintak ampun, ka Angku ambo mintak maaf kito akhiri
> wacana atau polemik nangko, kok ado nan elok nak
> samo kito pakai, kok ado nan buruak nak samo kito
> buang, sakitu sajo dulu Angku, tarimo kasih.
>
> Wassalam,
>
> Azmi Dt. Bagindo
>
>
____________________________________________________________________________________
Got a little couch potato?
Check out fun summer activities for kids.
http://search.yahoo.com/search?fr=oni_on_mail&p=summer+activities+for+kids&cs=bz
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi keanggitaan dan Webmail Mailing List, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda sebagai Google Account di:
https://www.google.com/accounts/NewAccount?hl=id&cd=US&service=groups2.
-~----------~----~----~----~------~----~------~--~---
