Waalaikumsalam w.w. Ananda Dt Marah Bangso,
Sabana capek Ananda mananggapi posting ambo. Anandalah
nan paratamo. Ambo harapkan para dunsanak kito sa
palanta nan lain sugiro pulo manyampaikan pandapek.
Izinkan ambo mananggapi babarapo masalah nan Ananda
sampaikan.
1. Ambo sanang basuo jo Sanak Bandaro Labiah ko.
Memang nampak sakali baliau ko sabana piawai bapapatah
patitih, bahkan dalam menjawab partanyoan, dan indak
sagan 'manyarang jo ladiang tajam'. Caro itu ado
rancaknyo, karano jaleh apo nan dimukasuik, bukak
kulik tampak isi. Sudah barang tantu caro 'baladiang
tajam' itu indak bararti buliah malanggar sopan santun
jo etika. Lugas dalam panyampaikan buah pikiran tapi
tetap santun dalam sikap.
Ambo bukan sajo samo sakali indak bakabaratan tapi juo
satuju jo caro itu. Nan rancaknyo, Sanak Bandaro
Labiah langsuang pulo manarimo kalau sanggahan jo caro
'baladiang tajam' pulo masuak aka. Contonyo sarupo
rumusan lugas tantang pepatah 'urang sumando adolah
saroman abu di ateh tunggua' disamparonokan jo
manambahkan anak kalimat 'khusus untuak urang sumando
kacang miang'. Jadi jaleh. Sanak Bandaro Labiah juo
langsuang satuju jo saran ambo supayo adat Minang nan
indak tatulih tu mulai ditulihkan supayo indak ado
karaguan lai. Itu sportif. Ksatria.
Indak banyak ambo mancaliak urang awak nan jadi pakar
adat nan mampu basikap sportif sarupo itu. Nan banyak
bana ambo tamui adolah sanak-sanak kito nan kalau
batuka pikiran bukannyo mancari panyalasaian, tapi
malah basitagang lihia jo pandapeknyo surang, indak
amuah mangakui pandapek urang lain, manyarang pribadi
lawannyo badiskusi, atau manggarutu di balakang sajo.
2. Ambo satuju jo katarangan Ananda bahaso urang awak
alun tabiaso jo caro lugas, tapi jo ereang dan
gendeang. Sudah tantu kok sagalo pihak lai mangarati
jo ereang jo gendeang, dan kalau ereang jo gendeang to
bisa manyalasaikan parsoalan sacaro mendasar, mako
ereang jo gendeang itu paralu bana kito taruihkan.
Tapi nampaknyo ado hal-hal nan indak bisa disalasaikan
sacaro ereang jo gendeang, misalnyo nan manyangkuik jo
akidah. Mamakai caro ereang gendeang dalam hal akidah
bisa malah manyababkan palanggaran akidah tu. Nampak
di ambo hal itu alah tajadi dalam kito marumuskan jati
diri Minangkabau, 'ABS SBK', nan sampai kini indak
surang juo nan tahu apo isinyo dan baa malaksanakannyo
sacaro ba-istiqomah. Cubolah Ananda bulak baliak
diskusi kito soal ABS SBK dalam RantauNet ini. Nampak
bana bedonyo antaro nan mamakai caro ereang gendeang
jo caro taruih tarang.
Hanyo timbua juo partanyoan dalam diri ambo, kalau
saluruah urang Minang mangarati jo ereang gendeang man
malatar balakangi rumusan 'ABS SBK' itu, dan kalau
pasan malalui ereang jo gendeang itu bana-bana
dilaksanakan sacaro jujur, rasonyo indak ka ado protes
kareh dari Syekh Akhmad Khatib al Minangkabauwi awal
abad ka 20 tantang harato pusako tinggi.
Kalau ambo indak salah, para dunsanak kito nan
manakuni ugamo Islam labiah condong ka caro lugas,
saroman Ananda Ahmad Ridha dan Ananda`Rahima Rahim.
Walau ambo indak manakuni agamo Islam sarupo kaduo
Ananda ko, ambo safaham jo mereka.
Namun ado dua tokoh pegiat Rantau Net nan mampu
mamakai caro ereang gendeang tapi juo taraso lugas
dalam isi, yaitu Adinda Prof Dr K Suheimi jo Sanak St
Lembang Alam. Ambo alun sapandai baliau baduo itu.
Mungkin sacaro umum dalam pagaulan iduik sahari-hari
kito pakailah caro ereang gendeang ko. Tapi untuak
hal-hal nan basifat mendasar dan indak salasai jo
ereang jo gendeang -- sarupo ABS SBK -- kalau paralu
kito pakai malah caro nan labiah lugas ko.
3. Ado ciek lai, Ananda, walau Ibu ambo dan ambo
lahia dan manjadi dewasa di Padang Panjang, dan sampai
kudian-kudian ko ambo maraso urang Padang Panjang,
tapi ruponyo manuruik adat Minang ambo bukan urang
Padang Panjang, tapi urang Pariaman. Baiaklah. Kini
ambo mulai maubah identitas diri, dari urang Padang
Panjang manjadi urang Pariaman, walau ambo indak
paranah tingga di kampuang Anduang ambo tu, kacuali
pulang tiok bulan puaso sajo. Baitulah, ambo kini
bagabuang jo milis 'Piaman Laweh' nan diprakarsai
Adinda Ajoduta. Kalau ambo indak salah, caro
'baladiang tajam' nan dipakai Sanak Bandaro Labiah
indak aneh lai di kalangan urang Pariaman. Jadi ambo
kini baraja jadi urang Pasisia sasuai jo kampuang asa
Anduang ambo dan indak lai jadi urang Darek. Ado juo
rancaknyo, karano caro Pasisia ko sasuai jo caro
bapikia dalam karir ambo saisuak dan dalam dunia
akademik nan ambo tekuni kini. Alhamdulillah. Tarimo
kasih untuak Sanak Bandaro Labiah, nan alah
manunjuakkan ka ambo bahaso ado caro lain, nan labiah
lugas, dalam mambahas adat Minang, nan dalam pandangan
ambo banyak bana masalahnyo.
4. Ambo ucapkan tarimo kasih ateh dukungan Ananda ka
caro bapikia ambo. Dukuangan taruih tarang sarupo iko
juo nan partamo kali ambo danga dari kalangan pemangku
adat, nan umumnyo mangarinyikkan kaniang dalam mambaco
atau mandanga pandapek ambo nan ambo sampaikan sacaro
apo adonyo sajo.
5. Sanak Asmardi Arbi indak nampak dek ambo sawakatu
ambo datang talambek di rumah Bundo Hayatun.
Mudah-mudahan lain kali bisa basuo. Ambo batarimo
kasih bana ka baliau, karano maminjamkan buku 'Tuanku
Rao' nan alah ambo buek foto kopinyo.
Sampai disiko dulu Ananda.
Wassalam,
Saafroedin Bahar (70)
--- [EMAIL PROTECTED] wrote:
>
> Assalamu'alaikum,wr,wb.
>
> Pak Saaf Sutan Majolelo, subananyo pado acara kito
> di Villa Kuniang tgl 5 & 6 Mei nan lalu angku Tan
Bandaro Labiah ko ado duduak dibawah, liau
> talambek datang jadi sagan naiak ka ateh.
>
> Beliau memang urang nan pandai berpetatah petiti,
> beliau penyiar siaran Minang di RRI Bogor nan cukuik
piawai dengan acara interaktif bilo ado nan batanyo
baiak masalah adaik maupun seni.
>
> Kalau ka ba "Ladiang Tajam" apak jo beliau, ambo
> sarankan jan lai. Tapi sungguahpun baitu, nan
namonyo diskusi dan tuka pikiran indak bagai juo
> lugas dan tegas. Tapi sakali lai, kito urang Minang
> indak tabiaso dengan hal itu, mereka tabiaso jo
hereang dan gendeang, menyampaikan sesuatu jo
> kiasan, indak langsuang to the point. Ambo subananyo
> samo jo jalan pikiran pak Saaf, kalau buliah awak
mangecek ko lansuang ka pokok masalah sajo,
> tanpa banyak bungo2 petata petiti. Tapi itu bukan
> tata krama adat kito, mako itu ambo harus banyak
barajo ka nan tuo2, ka nan labiah senior.
>
> Jadi manuruik ambo marilah kito lakukan sajo apo2
> nan alah ditinggakan sacaro baiak dek mamak2 kito
tu, mano nan elok kito ambiak, mano nan buruak kito
buang jo hetongan atau jo kajian nan mendalam.
Malibatkan para alim ulama adolah hal nan bijaksana,
tapi ahli adat jan sampai ditinggakan.
>
> Salam untuak para penggagas RN dan pengurus terakhir
> nan ambo tahu dipegang dek Ajo Buyuang (Ajo Zubir
Amin) dan salam hormat pulo untuak Bundo Nismah dan
Ayah Romzy nan tak bosan2 manjadikan rumahnyo tampek
> bakumpua para Rantaunetter ko. Apo Pak Asmardi Arbi
> lai hadir ???
>
> Wassalam,
> HM Dt.MB (50+)
> Minggu dini hari di Bumi Sriwijaya
>
> >
> > Waalaikumsalam w.w. Sanak Noerman Zahri,
> >
> > Tarimo kasih ateh pandapek Sanak. Untuak samantaro
> > bialah diparambunkan dahulu, karano indak ado atau
> > alun ado pasamoan titik tolak sarato tampek tagak
> > antaro Angku Azmi Dt Bagindo jo ambo.
> >
> > Tapi ambo kan tetap maambuka pintu untuak
> manaruihkan
> > diskusi kok lai tabuka pangana baliak di maso
> datang.
> >
> > Sacaro bakabatulan hari Sabtu sore tanggal 9 Juni
> ambo sempat hadir di rumah Bundo Hayatun di Jl Niaga
> Hijau, Pondok Indah. Acaranyo 'kopi darat' Rantau
Net. Banyak juo nan hadir, salain Bundo Hayatun jo pak
Rumzy, ado pak Zubir Amin, pak Darul, Bandaro Labiah,
> > Riri-Mairizal Chaidir, Benni Inayatullah, Miko
> Mikardo dan lain-lain nan baru basuo kali tu jo
ambo.
> >
> > Para pendiri RantauNet alah basapakat untuak
> > mandirikan yayasan sabagai dasar hukum untuak
> > RantauNet nan alah ado sajak tahun 1993. Nan
> labiah penting, alah ado kaputusan agar RantauNet
adolah forum untuak mambahas masalah keminangan,
tamasuak masalah adat.
> >
> > Karano talambek datang, ambo mananyokan apo nan
> alah dibahas tantang soal adat ko, dan baliau-baliau
> nan hadir mananyokan pulo apo pandapek ambo. Rasonyo
> baru kali tu ambo basuo jo Sanak Bandaro Labiah, dan
> > manuruik baliau paralu manghadapi ambo jo 'ladiang
> > tajam', dan tantu paralu ambo hadoki pulo jo
> 'ladiang tajam' pulo. Aratinyo mangecek sacaro lugas
dan blak-blakan, bukak kulik tampak isi. Indak ado
> > bungo-bungo. Antaro lain dibahas soal punah; orang
> > sumando sabagai abu di ateh tunggua; posisi bapak;
> > masalah uang hilang dan uang jemputan, dan
> lain-lain.
> >
> > Hasilnyo malah rancak. Ado kasapakatan supayo adat
> > Minangkabau dalam rangka ABS SK -- nan indak
> tatulih atau alun tatulih tu -- ditulihkan, saparati
nan paranah ambo usulkan. Supayo ado kapastian.
> >
> > Ambo harokkan supayo Sanak Bandaro Labiah bisa
> > manyalasaikan panulisan hukum adat Minangkabau
> dalam rangka ABS SBK tu dalam satahun duo ko.
Rumusannyo paralu sacaro lugas, bukan lai jo
pepatah-petitih.
> >
> > Usul iko didukuang dek pak Darul dan Ananda Riri,
> > karano masih banyak urang awak nan indak tahu baa
> bana katantuan hukum adat nan batumpu ka papatah
> petitih nan indak dirumuskan sacaro lugas tu,
sahinggo macam-macam bisa aratinyo. Misalnyoi Sanak
Bandaro Labiah mangatokan bahaso pepatah 'urang
sumando
> adolah abu di ateh tunggua' adolah khusus untuak
urang sumando kacang miang dan bukan untuak urang
> sumando niniak mamak. Taradok panjelasan itu ambo
sarankan sabaiknyo rumusan tu langkok, saparati:
"urang
> sumando kacang miang tu sarupo abu di ateh tunggua".
Jadi jaleh. Salamo iko kan indak panah ambo danga ado
> > rumusan saroman tu, sahingga pepatah tu dikiro
> balaku umum.
> >
> > Sahubungan jo itu ambo minta ditegaskan posisi
> bapak dalam hukum adat Minangkabau, nan nampaknyo
ado
> > mandapek paratian dari nan hadir. Manuruik
> pandapek ambo kalau posisi bapak ko alah duduak,
ditambah jo panggunoan perangkat lunak 'Family Tree
Maker' untuak mancatat sia nan batali darah -- nan
alah kito sapakati sacaro informal di RantauNet --
banyak masalah silang sangketo nan ado dalam
masyarakat
> hukum adat Minangkabau sampai kini, akan bisa
> disalasaikan dan atau dicegah.
> >
> > Sampai di siko dulu.
> >
> > Wassalam,
> > Saafroedin Bahar
> >
> > --- Nurman Zahri <[EMAIL PROTECTED]> wrote:
> >
> >> Assalamu 'alaikum..wr..wb.
> >> Mohon ma'af sebelumnya...
> >> Sabatuanyo ambo sangat menikmati diskusi Mamak -
> >> Mamak baduo
> =====> dikuduang nan bajelo-jelo ....
>
>
>
>
>
>
____________________________________________________________________________________
Take the Internet to Go: Yahoo!Go puts the Internet in your pocket: mail, news,
photos & more.
http://mobile.yahoo.com/go?refer=1GNXIC
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount?hl=id&cd=US&service=groups2.
-~----------~----~----~----~------~----~------~--~---
