Assalamualaikum w.w. Nanda Dt Marah Bangso dan Nanda Hanifah,
   
  Tarimo kasih taradok Nanda Dt Marah Bangso. Kalau indak hati-hati, Nanda 
Hanifah ko bisa jadi kader ambo pulo beko, he he.
   
  Wassalam,
  Saafroedin Bahar (71 th)

[EMAIL PROTECTED] wrote:
  
Assalamu'alaikum,wr,wb.

Hanifah, jan kareh2 bana ..... bata puaso tu baeko, apo lai baru jam duo
alah mengecek tentang pabukoan (kalau ingin mancaliak macam2 pabukoan,
silahkan cigok di Gallery West-Sumatra.com di Category Food & Beverages,
banyak macamnyo pabukoan disitu).

Babicaro masalah Pak Saaf, ambo marupokan salah satu kader beliau samanjak
talibaik di Gebu Minang duo tahun nan lalu. Banyak nan ambo contoh dan
tiru dari beliau. Sebagai generasi tuo (alah 70 tahun labiah) beliau
pantang menyerah.

Baa keadaan gampo di Kota Bengkulu kini, apo alah antok goyangannyo...?

Tentang Pilkada Kota Bengkulu apo jadi naiak daun dunsanak kito Kaneidi
??? Kalau tak salah beliau tu ado darah Malalo nyo ? Apo Pak Alek (Chalik)
masih unggul dalam Pilkada kini ko atau alah tajilapak ??? Pak Alek ko di
Palembang ba titanggo jo Uni ambo di Jalan Kapten Rivai Palembang.

Mengenai gampo ko, urang sumando dan Mamak urang Minang di Sumatera
Selatan Yth Ir.Syahrial Oesman,MM Tuanku Bagindo Basa Nan Kayo alah
manurunkan dana sabanyak 50 juta (limo puluah juta) untuak mambantu korban
gampo nan ado di Propinsi Bengkulu. Disampiang itu BMKM Sumsel pado acara
babuko basamo minggu kapatang di Musajik Al Ikhlas HM Arma BMKM Sumsel
alah takumpua pulo pitih sabanyak labiah dari 10 juta. Rencananyo pitih
nan takumpua ko akan diserahkan ka Sumbar.

Pitih nan sabanyak 50 juta tu alah disarahkan ka Ketua Umum BMKM Sumsel
Angku Syahrudin Ismail Dt.Bagindo Malano untuak disarahkan ka Bengkulu.
Beliau alah mendelegasikan ka Pengurus BMKM Sumsel nan barasa dari
Bengkulu yaitu Irwansyah Masri,BSc dan Ir.Reflin Arda nan urang Riak Danau
Maninjau tu untuak barangkek ka Bengkulu hari Kamih bisuak ko. Pitih nan
50 Jt tu agar didistribusikan untuak mambantu korban gampo, kalau dapek
urang awak juo handaknyo nan tabantu. Beliau alah mangontak Pak
Ir.Zulbahrum Chaniago Sekretaris IKM Bengkulu (semoga lai mambaco email
ambo ko) agar dapek membantu delegasi dari Palembang ko. Semoga mukasuik
dari Tuanku Bagindo Basa nan Kayo kasampaian.

Sabalunnyo ateh namo Pemerintahan Propinsi, Mamak kito di Sumsel ko alah
mangirim sukarelawan dan bantuan obat-obatan, makanan dan lain sebagai nyo
sahari sasudah gampo tajadi ka Bangkulu.

Semoga pulo dengan bantuan nan dari pribadi beliau ko dapek maringankan
beban dunsanak kito nan tatimpo musibah gampo di Propinsi Bengkulu ko.

Sakian info nan ditugaskan ka ambo oleh Ketua Umum BMKM Sumsel untuak
disebar luaskan. Semoga satitiak dapek dijadikan lauik dan sakapa dapek
dijadikan bukik.

Salamaik manjalankan ibadah puaso ....

Wassalam,
HM Dt.MB (50+)
Ketua Bid. Pemuda, Olahraga dan Kesenian BMKM Sumsel

> Masih jam duo, kok bapak manyuruah hanifah babuko ???
>
> Hanifah mambandiangkan suku suku lain nan kalau ado nan sadang di ateh
> di kamehino sado nan bisa dikamehi. Ndak paduli pantas atau indak pantas
> .. toh jo konsep " BERSAMA KITA BISA " mereka iyo
> saliang bantu mambantu, bak tabiang jo aua. Yo bana badaso kalau ado nan
> di ateh.
> Apo bapak pernah mantun katiko bapak jadi pejabat ??? Jangan2 sopir
> bapak Jawa. Karano nan rajin baraja dan amuah di suruah suruah eh loyal
> iyo suku Jawa.
>
> Satantangan urang awak ...
> Dek umumno posisi strategis dipacik suku lain ... tantu urang awak
> taimpik galombang. Kalau indak punyo kamampuan istimewa, sulik untuak
> dilibatkan urang lain di tingkek stratewgis. Balain jo katiko sikola ...
> murni persaingan otak. Tapi katiko bakarajo .... buanyak faktor nan
> mampangaruahi. Maaf taraso mambuang aia kalauik.
> Bapak bagilah iolmu strategi bapak dun ka kami, salain bamodal santiang,
> ulet .. baa carono bisa mamutuih jejaring urang nan sangaik kuaik kini
> gon. Dulu urang alun punyoi jejaring kayak kini ladoh ...eh eh tantu
> bapak nan labiah tau.
>
> Salam
>
> Hanifah Damanhuri
>
> "Dr.Saafroedin BAHAR" wrote:
> Waaalikumsalam w.w. Ananda Hanifah,
>
> Wawasan manciuik bukan bararti karano indak pandai. Nan pandai banyak,
> tapi cakrawala atau horizon pamikirannyo bisa tabateh di tingkek kaum,
> suku, dan nagari sajo. Cubolah Ananda caliak bara bana urang awak maso
> kini nan bapikia, manulih, atau mangecek manganai soal-soal nasional,
> dan regional, apolagi soal-soal tingkek internasional saroman para
> pendahulu kito dahulu. Ambo kadang-kadang juo heran, indak kurang
> banyaknyo sanak-sanak kito nan sabana santiang, sikola alah malanglang
> buana, tapi tibo jo wawasan indak labiah dari nagari ka nagarinyo surang
> sajo, dan susah bana diajak mambahas Minangkabau sacaro kasaluruahan.
>
> Kader ambo? Rasonyo lumayan banyak. Jan lupo, ambo kan dosen, penulih,
> dan penceramah. Tiok urang nan baraja, mambaco, atau mandanga pandapek
> ambo , dan indak manantangnyo, apolagi nan satuju dan mangambangkannyo
> labiah lanjuik, ambo anggap kader ambo. Dalam dinas pun ambo
> manggadangkan dan mendorong maju anak buah ambo. Salah surang, karyawan
> 'cleaning service' di kantua ambo di Sekretariat Negara, salain ambo
> kirim naiak haji juo ambo dorong baraja taruih, kini alah jadi sarjana
> dan bakarajo di Sekretariat Kabinet. Supir ambo manjadi ahli komputer di
> Sekretariat Negara.
>
> Itu manuruik pandapek ambo, bisa bana dan bisa salah Nanda. Salamaik
> babuko, labiahkan untuak ambo saketek.
>
> Wassalam,
> Saafroedin Bahar
>
> hanifah daman wrote:
> Assalammualaikum Wr Wb Bapak Saaf yth
>
> Hanifah sato pulo sakaki
>
> Baraja dari PAMILU nan lalu.
> Tetangga hanifah nan banamo Bpk X, sekretaris dari IKM kota Bengkulu nan
> mancalonkan diri di partai PKS. Baliau seorang pangusaha yang sukses di
> Bengkulu. " Kalau nak nio sato marubah negara, awak mesti
> talibaik didalamno ". Mantun katono, sahinggo baliau maju mancalonkan
> diri. Sabagai sekretaris IKM tantu baliau harok ka dapek suaro dari
> rakyaik Minang nan ado di Bengkulu.
> Namono politik dan awakpun barado di kampuang urang, sahari jelang
> PAMILU. beredar selebaran gelap yang manjatuahkan reputasi bapak X
> tersebut. Ya sudah ... kalah. Sasudah itu, pacah pulo kongsi dagangno.
> Akhirno baliau hijrah maninggakan Bengkulu.
>
> Kalau wawasan urang awak manciuik, mangetek dll. Rasono bapak paralu
> mambuktikanno, darimano bapak manyimpulkan mantun ?
> Sabab dibangku kuliah indak saketek urang awak nan masuak sapuluah besar
> doh.
>
> Manuruik hanifah ndak itu alasan utama no doh. Salah satu alasanno
> adolah ... pejabat Minang indak pernah mambuek kaderisasi. Kalau alah di
> ateh ndak takana lai jo rakyaik badarai. Contohno .... bapak sendiri ...
> mano kader bapak ???
>
> Maaf bulan puaso ngajak debat. Jangan marah ya pak, kan puasaaa
>
> Wass
>
> Hanifah Damanhuri
>
> "Dr.Saafroedin BAHAR" wrote:
> Waalaikumsalam w.w. Nanda Syahreza,
>
> Ambo juo ingin mancaliak urang awak ko masuak ka sagalo partai --
> saroman zaman revolusi 1945 dulu -- dan di tiok partai tu jadi urang
> gadang. Kiniko nampaknyo nan banyak di PAN sajo, sabagai sambuangan
> ormas Muhammadiyah nan memang banyak urang awaknyo. Sabagian lai ado di
> Golkar, syukur ado pak Fahmi Idris nan duduak di pimpinan.
>
> Kasimpulannyo adolah : wawasan urang awak ko memang alah manciuik,
> mangetek, ba-'involusi', bak kato Clifford Geertz kalau ambo indak
> salah. Padohal papatah kito maajakan 'alam takambang jadi guru',
> 'maambiak tuah dari nan manang', 'tuah sakato cilako basilang'. Nampak
> di ambo kudian ko kito samo sakali indak ado baraja apo-apo, baiak dari
> nan kalah maupun dari nan manang.
>
> Jadi apo nan alah kito karajokan ? Rasonyo basianyuik sajo. Dima tumbuah
> dima disiangi. Wadduhhhh. Sia nan bisa -- dan basadio baiyo bana --
> untuak kito ajak barundiang marancang dan mambangun maso datang
> Minangkabau sacaro konseptual dan pro aktif?
>
> Wassalam,
> Saafroedin Bahar






       
---------------------------------
Be a better Heartthrob. Get better relationship answers from someone who knows.
Yahoo! Answers - Check it out. 
--~--~---------~--~----~------------~-------~--~----~
=============================================================== 
Website: http://www.rantaunet.org 
=============================================================== 
UNTUK SELALU DIPERHATIKAN: 
- Hapus footer dan bagian yang tidak perlu, jika melakukan reply. 
- Posting email besar dari >200KB akan di banned, sampai yang bersangkutan 
menyampaikan komitmen akan mematuhi Tata Tertib yang berlaku. 
- Email attachment, DILARANG! Tawarkan kepada yang berminat dan kirim melalui 
jalur pribadi.
=============================================================== 
Berhenti (unsubscribe), kirim email kosong ke: [EMAIL PROTECTED] 

Webmail Mailing List dan Konfigurasi keanggotaan lihat di: 
http://groups.google.com/group/RantauNet/subscribe 
Dengan terlebih dahulu mendaftarkan email anda pada Google Account di: 
https://www.google.com/accounts/NewAccount 
===============================================================
-~----------~----~----~----~------~----~------~--~---

Kirim email ke