*TARANDAM* Lah basuluah bak matohari
Bagalanggang mato rang banyak Apo kiniko nan tajadi Nagari lah tandeh luluah lantak Dari aceh sampai irian Babagai bagai musibah datang Namonyo sajo nan balainan Nan intinya alam lah berang Tsunami kok dipikia Ikolah mungkin kato rang tuo Galodo nan datang dari hilia Nan bacimeehkan salamoko Tirih mambosek dari lantai Caliaklah lumpur sidoarjo Lah barundiang cadiak jo pandai Alun tahantikan sampai kiniko Gunuang marapi banyak nan kuhua Manyambuakan lahar awan paneh Banyak kampuang nan takubua Ladang jo taranak banyak nan tandeh Dilauik galombang lah mangamuak Nan tarapuangnyo banamkan Indak nyo pandang kapa jo biduak Sadonyo lah jadi umpan ikan Angin ndak lai barambuih sajuak Tapi lah jadi putiang baliuang Dima dima kini mangamuak Sadonan tambak tandehnyo guluang Paneh ndak lai elok manjamua Tapi bak cando di narako Tanaman banyak nan layua Lah kariang sampai ka ureknyo Rimbo abih tapanggang Ulah dek paneh bakapanjangan Alun lai ulah panabang Marambah rimbo sambarangan Musim ndak dapek lai di ukua Hujan jo paneh sakandak hati Lah di kaji asa jo usua Pemanasan global kato rang kini Lapisan ozon nan balubang Gunuang di kutub nan mancayie Keceknyo gas baracun banyak tabuang Tamasuak limbah nuklir Antah iyo antah indak Nan jaleh iko musibah Panek manyigi jo manyibak Nan jaleh kito banyak nan salah Bamacam macam namo panyakik Babagai istilah jo namo Ado nan HIV jo aid Sampai h2 N limo Kok dipikia di agak agak Itu hanyo ka judul sajo Kalau lah Tuhan nan bakandak Kiamat tajadi sakijok mato Kok ditanyo ka pamimpin Jawabnyo santiang basilek lidah Nyo naiakkan harago bensin Nyo hilangkan minyak tanah Harago malambuang tinggi Batambah banyak kito nan susah Ba hapuih nan basubsidi Hutang kalua nan nyo tambah Bulak baliak ka sinan juo Bak maeto kain saruang Urang andia nan batanyo Nan manjawab urang binguang Cadiak tajua binguang babali Aka panjang malilik badan Nan salah juo di kaji kaji Bana tak kunjuang tapakaikan Kini tingga dek kito Sampai bilo lupo jo diri Aka hilang bana tiado Mabuak dek gengsi jo emosi Ba utak ka ampu kaki Babanak ka buku tangan Cakak bakampuang banagari Itu nan jadi ka bangga an Saciok bak ayam sadanciang bak basi Sarangkuah dayuang sahantak galah Kini lah jadi baso nan basi Lah hilang mufakat jo musyawarah Kini co iko nan tajadi Isuak apo kito ndak tau Mari basamo kito ranungi Sadonyo kito jadikan guru Salah ka Tuhan minta tobat Salah ka manusia minta maaf Mari kito marobah sifat Pabanyak rela jo maaf Jauahkan asuang jo pitanah Campakkan banci jo dandam Baguru kito jo musibah Maso lalu bialah hitam. Cewang dilangik tando ka paneh Gabak di hulu tando ka hujan Dalam tasurek tasirek jaleh Kalau lai pandai manyimakkan Dari Radio Pusako Minang Sambia badendang tangah malam Bedakan gabak jo cewang Nak jan kito handam karam.. *09032012. Yj.Majo Basa.* *(Yantojambakblogspot.com* *Gurindampusakoblogspot.com)* -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
