Pak Iryanto Jambak sarato angku, mamak, bundo jo adi dunsanak sapalanta RN nan ambo muliakan,
Kan alah tasabuik sajak daulunyo, nan raso dibao naiak, pareso dibao turun, raso dari hati ka kapalo, nan pareso dari kapalo ka alam nyato. Kendala nan umum tajadi adolah ego kito masiang-masiang nan indak namuah dibao baiyo, baa caro ka mufakat kok maraso santiang surang sajo. Walau banyak nan pandai, biliak banagari indak bisa dilangkahi, tantu bapulang kapado anak nagari, baiak nan di kampuang atau diparantauan untuak baiyo-iyo babukan-bukan. Urang rantau alah sapatuiknyo marapek ka organisasi perantau sanagari, untuak baliak manjalin komunikasi jo sipangka di nagari. Kok indak awak, sia juo lai ka diharokan untuak membenahi kampuang. Apo guno dunsanak ambo saranah minang dimano sajo baradi, hiduik jauah dirantau urang, nan kampuang talupokan juo, sabab guno marantau adolah untuak mamaga kampuang. Indak akan mungkin amanah mamaga kampuang ko kito sarahkan kapado dunsanak wakie partai a, b, c ataupun si d, nan memang dalam ad/art-nyo indak tasabuik baa caro hiduik banagari. wasalam AZ/lk/33th/caniago Padang asa nagari Kubang, 50 Koto babako ka Canduang Koto Laweh, Agam ________________________________ Dari: yanto jambak <[email protected]> Kepada: RantauNet <[email protected]> Dikirim: Jumat, 9 Maret 2012 21:40 Judul: Fwd: Bls: [R@ntau-Net] surat "bini"da Wss.wrbr....... Nan kanduang Armen Zulkarnain Nan sakanduang balain mandeh Saukua lahie jo bathin Disiko mukasuik mangkonyo jaleh Tembak lah nyato ba alamat Sambah tatuju ke nan banyak Nak mangumpukan amal jo zakat Dari awak untuak awak Iko niat sabana mulia Patuik di hinok dimanuangkan Basamo samo kito bapikia Baa caro ma implementasikan Sabab baa dek ba itu Lah banyak contoh kito liek Rencana jo ide saribu satu Nan jadi hanyo saketek Mancaliak contoh ke nan sudah Mancaliak tuah ke nan manang Ibarat kayu lai labek babuah Tapi.....banyak layua di batang Banyak nan amuah mananam bijo Banyak nan ingin sato manuga Tapi katiko tumbuah babungo Putiah banyak anggan kalua Mancaliak contoh nan tampak Talapeh sia nan marawatnyo Maleh rasonyo urang baparak Taragak bia bali di toko Banyak pambuluah minum ayie Paga marusak tinaman Lah cayie papan dek ukie Rancak ndak kunjuang ka nampak an Tapi.... walau alasan apopun Kito ndak buliah putuih aso Sa jaek jaeknyo ulah oknum Dunsanak nan barasiah banyak juo Hanyo kini nan paralu di awak Nan jadi kakok kito basamo Kito angkek sakiro ka ta iyak Kok barek di ansua ma elo Babuek baiak pado padoi Babuek buruak sakali jangan Santano nan elok lah ditanami Kok lai nan baiak ka balasan Dek ayie ba ulu ba muaro Kato barasa di nan tabik Ka dunsanak Armen juo tatumbuaknyo Dari ma ujuang tali ka kito irik -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
