Maa Rang Lapau nan Basamo,
Ambo caliak surek-surek kaba online di Padang atau Pakanbaru indak tampak doh
dek ambo nan mancoretkan tanggal 10 Februari 2008 ko manganangkan kito ka maso
50 tahun nan lalu. Iyo,,barangkali bak kecek urang, ingatan masyarakat terlalu
pendek, lakeh palupo.
Cuma takana di ambo wakatu ambo maso mudo tanggal ko mambuek Sejarah untuak
Indonesia dan mangakibatkan Persitiwa Sejarah untuak Kampuang Awak. Hari itulah
"Ultimatum Dewan Banteng" di Padang" ka Pamarentah Pusek di Jakarta. Limo hari
sasudah tu, tanggal 15 Februari 1958 pengumuman badirinyo Pemerintah
Revolusioner Republik Indonesia (PRRI).
Saminggu sasudah itu, 22 Februari 1958, tampak di ambo tigo kapatabang mancogok
dari arah Kotobaru di Selatan antaro Gunuang Marapi jo Singgalang manuju ka
arah kami nan sadang Istirahat Kuliah di Gedung B-I Sejarah Bukittinggi, di
Jalan Kayuramang, di bulakang Istana Wakil Presiden Hatta. Gaduang B-I Sejarah
tu sarato Gaduang Pangadilan Negeri Bukittinggi indak ado lai kini, lah diganti
jo Hotel Novotel, kabanyo lah batuka namo jadi Hotell Hill,. Salah satu
Kapatabang tu babelok ka kida kami di Ateh Ngarai, mangarah ka Timur. Sudah tu
badabua-dabua bom di Sender Radio di Simpang Limau di lokasi Hotel Pusako kini
ko. Kapatabang nan aduo lai malinteh di ateh kapalo kami, mararau bunyinyo.
Tampak di ambo anak-anak sikola barauangan pulang di Jalan Kayu Ramang tu, dan
kawan-kawan ambo tiarap, bahkan ado kawan padusi nan tapanca karaia bagai,
galak-galak rusuah dakek ambo.
Sudah tu, bagulimanglah Kampuang Awak, dengan macam-macam pengalaman daerah nan
tampaknyo takalimbun dalam ingatan masyarakat.
Sakitu lah dahulu. Sekedar satu cungkilan sejarah.
Salam,
-- Sjamsir Sjarif
____________________________________________________________________________________
Be a better friend, newshound, and
know-it-all with Yahoo! Mobile. Try it now.
http://mobile.yahoo.com/;_ylt=Ahu06i62sR8HDtDypao8Wcj9tAcJ
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca dan dipahami! Lihat
di http://groups.google.com/group/RantauNet/web/peraturan-rantaunet.
- Tuliskan Nama, Umur dan Lokasi anda pada setiap posting.
- Hapus footer dan bagian yang tidak perlu, jika melakukan reply.
- Email attachment, DILARANG!!! Tawarkan kepada yang berminat dan kirim melalui
jalur pribadi.
- Anggota yg posting email besar dari >200KB akan dibanned, sampai yg
bersangkutan minta maaf & menyampaikan komitmen akan mengikuti peratiran yang
berlaku.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahul
-~----------~----~----~----~------~----~------~--~---
