Assalamu'alaikum. w.w. Izinkan ambo sato manyolo sangenek Pak Saaf jo pak Mochtar. Apo nan pak Saaf caritokan tu, alah biaso di masyarakat urang awak. Pak Azwar Anas pernah mangecek, kalau bisa memimpin di Minangkabau mako bisa memimpin dima sajo. Dek aa?, dek karano urang ko sadonyo ingin jadi rajo, sadonyo ingin jadi pemimpin, tapi jan lupo urang awak ko bapantang dikecekkan kapia, jadi masih ado keterikatan satu samo lain. Dalam keadaan takah iko ko, kini baa meramunyo menjadi sesuatu yang kondusif sifatnyo. Baa maikek dan mangabeknyo manjadi sapu lidi nan bisa dipagunokan kama kama. Tarimo kasih dek karano pak Saaf alah dapek manyimpulkan tigo versi ABS SBK ko, sahinggo dapek di-inok ranuangkan. Ibarat teori himpunan nan pernah dipelajari sajak dari SD pak Saaf, tigo versi ko jan kito jadikan tigo himpunan lepas nan indak ado kaik bakaik samo sakali. Tapi mari kito cubo macari interaksi dari katigo himpunan ko sahinggo basuo keterkaitannya dan dapek dijadikan satu himpunan sabalun dijadikan himpunan semesta nan bersifat universal. Kalau RN ko bisa dijadikan stadium, media atau tampek mancari interaksi tu rancak bana. Kalau indak, tantu dicari tampek lain apakah di dunia maya ko atau di dunia nyata. Dari katigo versi tu, nan versi KKM/SKM alah do di tangan kito barupo buku elektronik atau print out dan lah bisa dikunyah-kunyah. Nah, nan duo lai kok bisa diusaokan untuak kito dapekkan rancak bana sahinggo bisa diramu pulo. Kok ado sobat-sobat pak Saaf nan tau atau punyo rumusan dari duo versi lai (LKAAM dan IP) rancak dilewakan di RN ko, supayo bisa pulo dunsanak-dunsanak kito mangunyah- ngunyahnyo untuak macari interaksi diantaro ka tigonyo tu. Kalau indak ado, iyo tarang-tarangan kito mamintak ka pihak nan terkait, duo versi lain tu untuak bisa dipasamo-samokan di siko. Baa gak ati pak Saaf ?. Wassalam St. Sinaro
________________________________ From: Dr Saafroedin Bahar <[email protected]> To: Rantau Net Rantau Net <[email protected]> Sent: Saturday, 23 March 2013 8:49 AM Subject: Re: [R@ntau-Net] Saputa ABS-SBK : PLURALITAS YES! PLURALISME NO! Tarimo kasih, pak Mochtar. Namun kerisauan pak Mochtar tantang urang Islam nan indak bisa mambedakan antaro Islam sbg agamo nan sakral dan umat Islam - nan baa juo akan basifat profan dan banyak kelemahannyo - manunjuakkan satu masalah nan mendasar, yaitu pembinaan akidah umat Islam nan paralu dirancang dan ditangani elok-elok, kalau paralu malalui 'individual counseling'. Kini kan alun. Itu juo nan nampak dek ambo tajadi jo adat Minangkabau. Samo sakali indak ado upaya sistematis dan terencana utk maajakannyo ka nan mudo-mudo. Kalaupun ado, tabateh ka pepatah petitih nan indak jarang indak jaleh pulo pasan moralnyo dan diadokan salincam-salincam sajoi. Ado nan malah maajakan nan bisa diartikan macam-macam, antaro lain saroman " kok hutang ka dibayia, dima cadiak ka dipakai", nan manuruik ambo sabana batulak belakang jo ajaran Islam tantang masalah hutang piutang. Kaduonyo bajalan basisian, anehnya dengan nyaman-nyaman sajo. Namun ado harago nan harus dibayia untuak itu, yaitu gejala psikosomatik sarato 'split personality' urang awak nan banyak diulas kudian ko di RN iko ( 'urang gilo' nan sabana banyak di kampuang kito kini, manuruik Direktur RSJ Ulu Gaduik di Padang.) Dalam KKM/SKM GM 2010 kito alah basupakaik dalam duo hal:1) mancari titiak temu antaro Islam jo adat Minangkabau dalam ABS SBK, nan alhamdulillah alah basuo dalam pembinaan akhlaq nan baiak; dan 2) ABS SBK tu paralu diajakan sacaro sistematis dan bakalanjutan, dipimpin dek Forum Tungku Tigo Sajarangan. Tapi apo nan pak Mochtar jo ambo alami dalam mampasiapkan KKM/SKM GM 2010 ? Kito diusia tagak-tagak dek tokoh masyarakat jo Muspida Bukik Tinggi dan dihujat habis-habisan dek sabuah koran di Padang sarato babarapo puluah " budayawan " di Padang nan safaham jo nan punyo. Untuang bung Fauzi Bahar jo Basrizal Koto mangakomodasi prakarsa kito iko, sahinggo alek gadang iko bisa balangsuang dgn selamat. Rumusan KKM/SKM GM 2010 iko alah kito kirimkan ka Gubernur Irwan Prayitno, nan jolongnyo bantuak ka baiyo bana mandukuang KKM/SKM GM 2010 iko, dan kudian juo mailak-ilak; alhamdulillah iyo indak ado tanggapan baliau sampai kini. Ruponyo baliau ko punyo konsep surang pulo tantang ABS SBK, sahinggo kini ko nampaknyo ado tigo versi ABS SBK: 1) versi KKM/SKM GM 2010; 2) versi Irwan Prayitno; 3) versi LKAAM Sumbar. Mungkin ado pulo versi-versi lainnyo nan basifat perseoranga. Baa indak kabinguang urang awak ko deknyo ? Paliang akhir, tgl 14 Januari 2013 nan lalu, BK3AM dan Gebu Minang di Jakarta marumuskan "Deklarasi ABS SBK" langkok jo dasar hukumnyo, alah ditandotangani dek para tetua Minang di Jakarta, antaro lain pak Azwar Anas, Awaluddin Djamin, Patrialis Akbar, dan Fahmi Idris. Jo niaiak baiak, walau alah ditandotangani tapi alun diumumkan lai, dibao ka Padang untuak dirundiangkan jo LKAAM. A nan tajadi ? Alhamdulillah, LKAAM iko alah mailak-ilak pulo, dan kudian iko alah bakuliliang ka daerah-daerah mansosialisasikan ABS SBK, tantu versi LKAAM pulo. Baa indak kapaniang kito untuk mamahami kulikaik dan kurenah urang awak ko, nan kudian ko dikaluahkan dek bung Armen Zulkarnain, nan pulkam sasudah marantau, dan sabana ahli jo masalah nagari dan adat istiadatnyo. Alun lai mambaco maraknyo maksiat di Padang dan Bukik Tinggi (sic!) kudian-kudian ko. Kito serahkan sajolah ka Allah swt untuak manunjuakkan ma nan kaelok. Sagalo usaho kito urang Rantau untuak manyumbang a la kadarnyo untuak kampuang halaman kito tu hampia salalu ditanggapi jo 'curigation'. Kabaa juo lai. Kito barado dalam jalan buntu, ' cul de sac'. Itu nan nampak dek ambo. Wassalam, SB. Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
