[R@ntau-Net] Re: Gamawan : Undang Pers Asing ke Sumbar, Promosi Ampuh (komentar)

Mon, 18 Feb 2008 16:02:11 -0800

Assalamualaikum w.w. Nanda Heri, Nanda Nofiardi, dan sanak sa palanta,

Gagasan -- atau labiah tapek disabuik sabagai 'strategi pariwisata' -- pak Gamawan ko jaleh merupakan terobosan. Untuak malaksanakannyo, paralu 'taktik' dan 'teknik'. Taktik dan teknik alah disumbangkan sacaro rinci dek Nanda Heri. Mukasuiknyo tantu supayo  kesan nan mereka angkuik pulang sasudah mandatangi Ranah sabana-bana manguntuangkan bagi pariwisata Sumatera Barat.
          Ado ciek lai, yaitu apo tema dasar nan akan kito pakai untuak manarik pers asing dan urang lua tu. Di Malaysia diusuangnyo "Malaysia, Truly Asia". Tema saroman ko alah banyak disarankan dalam RantauNet, tapi kan alun  ado kaputusan [ bagian kito di RantauNet ko memang sakadar bawacana, mungkin ado rancaknyo kalau pejabat nan alah diangkek dek pak Gamawan untuak manghubungi urang Rantau bakomunikasi jo kito-kito ko malalui RantauNet atau situs perantau lain]. Di Melaka, mereka usuang tema: 'Dunia Melayu Dunia Islam', sahinggo babondong-boindong urang dari mano-mano ka situ.
        Nampak dek ambo, sabananyo salain wisata alam, ado tema lain nan bisa kito usuang di maso datang, yaitu: wisata sejarah. paliang indak tema Perang Paderi 1803-1838 dan Perang Kemerdekaan 1948-1949 [jo PDRI-nyo] iko khas Sumbar. [Kalau PRRI masih bagalau pandapek]. Tantu lokasi sejarah itu paralu disiapkan dulu, baik samacam museum ketek, brosur, folder, dan pemandu wisata. Jan lupo masalah kabarasiahan, parkir, dan caro mahadoki tamu nan elok, bak kato pepatah: 'muluik manih kucindan murah' , Khusus untuak wisata PDRI ko alah manyiapkan diri Sanak Oyong Karmayudha.Tingga wisata Perang Paderi.
      Tapi ado ciek: baa baco nan efektif bakomunikasi sacaro bakalanjutan jo sanak kito di Ranah, supayo 'kato bajawab, gayuang basambuik'?

Wassalam,
Saafroedin Bahar
(L, 70+6+9, Jakarta)
'Ya Allah, tunjukilah selalu aku jalan yang lurus dan Engkau ridhoi'
'Sebaik-baik manusia adalah yang bermanfaat bagi manusia lainnya'
'Taqdir di tangan Allah swt, Nasib di tangan Manusia'
'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'.
'Mari berlomba berbuat kebaikan'
'Setiap manusia adalah baik, sampai terbukti sebaliknya'
'Jangan pernah berhutang dan jangan mudah berpiutang'


--- On Tue, 2/19/08, Tanjuang Heri <[EMAIL PROTECTED]> wrote:
From: Tanjuang Heri <[EMAIL PROTECTED]>
Subject: [EMAIL PROTECTED] Gamawan : Undang Pers Asing ke Sumbar, Promosi Ampuh (komentar)
To: [email protected]
Date: Tuesday, February 19, 2008, 4:35 AM

Sanak sa palanta, Mamak jo Apak, Uni, Amai sadonyo,
 
Niaik BA1 ko patuik diacuangkan ampu jari. Walaupun rasonyo jago dari takalok nan bakapanjangan. Untuk maundang surang atau duo wartawan dari negara lua untuk datang ka Minang memang jauh lebiah murah ongkosnyo dari pado babondong bondong kito ka LN nan banyak maabiahan pitieh karano kabnyakan hanyo untuk jalan jalan se.
 
Sabalun kito maundang, tantu kito alah jaleh sasaran, tujuan jo keuntungan nan kadicari, sarato langkah langkah nan alah masak, bulek dek mupakat dan masayarakat pun alah sadar manga awak undang wartawan lua untuak mengekspose kampuang awak. Rasonyo indak bisa takaja kaja se dikarajoan. Bisa capek, asa "all out" lah kecek urang inggirih.
 
Kito ajak PHRI mananggung hotel, jo transport lokal (pihak travel agent kampuang harus turun tangan). Atau kalau wartawan tu ingin jalan surang, bisa juo inyo naik bendi, angkot deelel.
 
Kito libatkan pulo KBRI, mancarikan wartawan nan ka diundang, bia ndak salah sasaran.
 
Salain tu, iyo harus ado juo informasi dalam bahaso lokal negara tujuan kito promosi. Untuk sekadar diketahui sajo, bahan informasi Minang di KBRI Paris buliah dikatokan indak ado alias sangaik saketek. Ambo kini hanyo suruh urang caliek di WS.com sajo, karano gambar labiah bisa bacarito daripado buku.
 
Salamo di kampuang, sia nan handel wartawan tu, untuk urang parancih, jarang jarang inyo nan suko dikawal dek mitranyo. Untuk tu mungkin kito agiah ino wakatu sanggang disela sela kunjungan terpandu.
 
Nan dicari dek Eropa adolah keaslian, keasrian, kealamian, tanpa harus poles sana sini tapi nampak "rancak di labuah " se. Dikorek snek, nampak balang e.
 
Ambo masih yakin, bukan sombong, Minang suatu saat pasti dikenal, tantunyo kito harus siap jo "side effect" nyo. Untuk itu, Tungku Tigo Sajarangan harus bafungsi.
 
Sakitu se dulu, malam ko, hanyo sambia lalu se. Mudahan ado manfaatnyo.
 
Salam
Heri
(L.44+)

Nofiardi <[EMAIL PROTECTED]> a écrit :


Gamawan : Undang Pers Asing ke Sumbar, Promosi Ampuh


17-02-2008


BUKITTINGGI --- Metode 'menoleh keluar' dengan berbondong-bondong ke luar negeri untuk mempromosikan wisata Sumbar tidak ampuh lagi. Menurut Gubernur Sumbar H. Gamawan Fauzi, sudah saatnya Sumbar ke depan punya kiat bagaimana mendatangkan banyak orang ke Sumbar dengan memanfaatkan pers.

----


Never miss a thing. Make Yahoo your homepage.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]

Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---

Kirim email ke