Bung Akmal, walau indak ditujukan ka ambo, lai buliah ambo ikut nimbrung ttg tema Presiden Prawiranegara iko, nan manuruik bung Akmal bukunyo kurang baitu laku, khususnyo di kalangan urang awak, tapi sabana laku di kalangan urang Banten ?. Kabatulan ambo pernah jadi Ketua Umum Perkumpulan Kekerabatan Nusantara ( PKN ), nan anggotanyo keturunan tokoh-tokoh PDRI, tamasuak katurunan Mr. Sjafruddin Prawiranegara. PKN iko alah manyusun dan manabikkan buku sejarah PDRI, nan ditulih dek babarapo sejarawan, dipimpin dek bung Amrin Imran, dan alah diluncuakan di Istana Wakil Presiden, waktu itu Wapresnyo Hamzah Haz, Presidennyo Megawati, sekitar tahun 2003. Lumayan banyak nan hadir. Sasuai jo judul bukunyo, fokusnyo adolah pado peran sejarah PDRI sbg 'interim government' dipimpin dek Pak Sjaf. Salain dari peran pak Sjaf juo dibahas peran dari tokoh-tokoh lainnyo, tamasuak peran Chatib Sulaiman, tokoh BPNK, dan peran Anwar Sutan Saidi, tokoh Bank Nasional nan mambali sanjato dari Singapura. Sabalun itu, dalam disertasi ambo di UGM (1996) ttg proses integrasi nasional di Sumatera Barat, 1945-1984, ambo juo membahas peran PDRI iko. Nan takana dek ambo, baiak tasurek maupun tasirek, wakatu itu samo sakali indak ado wacana ttg ' Presiden Prawiranegara' iko. Baliau sendiri manyabuik diri baliau " Ketua PDRI", nan kudian manyarahkan mandat baliau baliak ka Presiden Soekarno tgl 13 Juli 1949. Tantang jaso baliau alah diakui Negara jo menganugerahkan Bintang Republik Indonesia Adiprana, bintang jasa tertinggi di Republik iko. Sasuai jo fakta di ateh, sacaro pribadi ambo bapandapek bahaso Pak Sjaf adolah ' eventful man', tokoh nan ado di tampek nan tapek dan wakatu nan tapek. Sekedar catatan ketek, rombongan baliau dikirim dek pak Hatta - sbg Wapres dan Mantari Pertahanan - ka Bukik Tinggi utk mempersiapkan pangkalan gerilya, nan sabalunnyo diusulkan dek perwira Siliwangi nan hijrah ka Yogya. Jo kato lain, rasonyo pak Sjaf bukan 'event-making man', sahinggo bisa disabuik ' Presiden Prawiranegara', dan Deklarasi Halaban 22 Desember 1948 rasonyo hanyo mambantuak pemerintahan darurat, bukan mambantuak atau mangukuahkan Negara RI, karano itu rasonyo indak bisa dibandiangkan jo Proklamasi Kemerdekaan 17 Agustus 1945. Sifatnyo historis, politis, dan yuridis dhi sasuai jo Konvensi Montevideo 1933 ttg tigo unsur negara, yaitu ado Wilayah, ado Rakyat, dan ado Pemerintah nan mampu malaksanakan tangguang jawab internasionalnyo. Disiko latak pentingnyo PDRI nan dipimpin dek Pak Sjaf, wakatu Bung Karno dan Bung Hatta ditangkok Balando, diasiangkan ka Parapat, sudah tu ka Bangka. Tantu sajo indak ado larangan utk merekonstruksi peran baliau jadi " Presiden Prawiranegara" dalam bantuak novel nan khusus ditulih ttg riwayat hiduik baliau. Tipak di ambo pribadi, ambo masih nyaman manyabuik baliau jo gala nan baliau sukoi, yaitu " Ketua PDRI". Tapi mano tahu, satu saat nanti status sbg presiden itu diakui dek sejarah nasional kito. Kok itu nan tajadi, ambo setuju sajo. Wassalam, SB. Saafroedin Bahar. Taqdir di tangan Allah swt, nasib di tangan kita.
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
