Bung Jepe, iyo tabasuik galak ambo mambaco sindia bung Jepe ka bung Anwar Djambak iko. Nak batambah bakalibuik, ambo cubo 'manambah sangenek' pulo ttg OPR jo PRRI iko, sado nan takana dek ambo. Dasarnyo adolah data penelitian ambo wakatu mampasiapkan disertasi dek sari. 1) Kekuatan OPR di Sumatra Barat wakatu PRRI iko adolah 4.500 urang, setara jo anam batalyon infanteri a 700 urang. Sadonyo diambiak dari anggota Pemuda Rakyat/PKI, nan jadi musuah babuyutan PRRI. Banyak mereka iko nan manjadi ' tukang tunjuak'. Angko iko 30 kali labiah banyak dari OPR di Kodam lain, nan hanyo buliah maangkek 150 urang sajo. Kudian mereka iko masuak jadi anggota Batalyon 131. Baa mako buliah sabanyak tu di Sumbar? Karano saluruah batalyon non-organik kudian dimutasi ka Manado, utk menumpas Permesta nan sabana bagak. OPR iko sabana kejam, sahinggo banyak urang awak, khususnyo nan mudo-mudo, nan pai ka rantau ( 'eksodus' kato pak Rosihan Anwar ). Wakatu tu ambo jadi Letnan Satu TNI-AD di Pekanbaru, ambo sato mangirim duo tigo konco palangkin ambo wakatu ketek nan ikuik PRRI, naiak kapa di boom baru Pasa Bawah Pakan Baru, naiak kapa ka Jawa. Urang tantu mampabiakan sajo, karano ambo bapakaian seragam Kodam III/17 Agustus, langkok jo pistol FN 46, 9 mm. Walau badan ambo ketek, tapi pistol ambo tu kan cukuik bawibawa, he he. 2) Ambo kurang tahu persis bara anak mudo nan ikuik PRRI iko, pakiroan ambo labiah banyak, masuak Tentara Pelajar PRRI. Nan mungkin labiah tahu adolah pak Novian Kaman SH, kawan ambo di Golkar, nan tagak dakek Letkol Ahmad Husein di Padang wakatu baliau ko mambantiang tando pangkeknyo di muko rapek umum mamproklamasikan PRRI. Ado kawan-ambo samo kuliah di UGM di Yogya, nan kudian pulang kampuang bagabuang jo PRRI. Nan jaleh, mereka iko bagak-bagak, hanyo kurang talatiah bertempur, walau sinjato baru bantuan Amerika. Kalau ambo indak salah, mereka iko menyerbu Bukik Tinggi bulan Maret 1960, jatuah korban 250 ( duo ratuih limo puluah) urang, dihadoki dek Batalyon 132 eks CTN Pasaman, nan walaupun gaek-gaek, tapi bapangalaman bertempur. Sasudah tu sabana tarumuak urang awak iko. Bakehnyo taraso sampai kini. Ambo setuju bana dihimpun carito-carito zaman PRRI iko, nan banyak ditulih dek Inyiak Sunguik jo pak Abraham. Ambo sabana ingin tahu, karano ambo kan 'tentara pusek'. Saitu sajo tambahan ambo - ' sangenek'. Wassalam, SB. Saafroedin Bahar. Taqdir di tangan Allah swt, nasib di tangan kita.
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
