Pak Abraham, sabana langkok syair pak Abraham ttg PRRI iko, nan kasimpulannyo " PRRI manang dalam perjuangan, kalah dalam pertempuran". Intinyo adolah, apo nan dicapai dek Orde Baru sajak 1966 - 1998, saparati mambubarkan PKI, manurunkan Soekarno, dan maadokan otonomi daerah - sabananyo adolah malaksanakan atau diilhami dek tuntutan PRRI. Sabagian gadang fakta nan pak Abraham sabuik, ambo setuju. Nan agak babeda saketek adolah tafsir ( interpretasi ) taradok fakta itu. Hal iko biaso kalau kito membahas sejarah maso lalu. Rambuik nan samo hitam, pandapek balain-lain. Bagi ambo jalan pikiran iko cukuik menarik, dan acok ambo danga dari urang awak nan sato jo PRRI. Tipak di ambo, ambo iyo masih tacangang-cangang jo jalan pikiran iko, karano satahu ambo, indak ado hubungan kausal samo sakali antaro tuntutan PRRI tu jo kabijakan dan strategi Jenderal Soeharto malapia PKI, malengser Soekarno, atau mambuek otonomi daerah. Dalam pandangan Jenderal Soeharto, PRRI iyo masih tetap pemberontakan. Kan indak masuak aka kudian baliau maambiak tuntutan PRRI manjadi programnyo surang. Jenderal Soeharto malapia PKI karano PKI mambunuah tujuah perwira tinggi TNI-AD. Jenderal Soeharto malengser Soekarno karano baliau indak amuah mambubarkan PKI. Paralu kito kana, bahaso sasudah pemberontakan PRRI tahun 1958 iko, kakuasaan Presiden Soekarno malah batambah gadang malalui Dekrit Presiden 5 Juli 1959 dan UU Keadaan Bahaya No 23/1959. Sairiang jo itu PKI juo batambah gadang malalui politik Nasakom Soekarno. Artinyo, keadaan malah batambah runyam. Kok dicari-cari, tantu iyo ado persamoannyo, walau indak mayakinkan bana. Kalau sekedar paubek hati - rasionalisasi - kito urang Minang nan sabana tajilapak sasudah PRRI iko, ambo satuju sajo. Tapi baa juo, tarimo kasih ateh bahan pak Abraham iko. Maaf kok pak Abraham indak satuju jo pamahahan ambo iko. Wassalam, SB. Saafroedin Bahar. Taqdir di tangan Allah swt, nasib di tangan kita.
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
