Assalamu'alaikum Warahmatullahi,
Kalo ambo pikia2 sebagai generasi nan indak marasoi maso sulik bagolak parang PRRI tapi ambo cukuik banyak dapek oral history dari beberapa orang tuo nan terlibat langsung di kancah perang itu. Ambo bakesimpulan : Orangtuo2 kito di kampuang nan sato bajuang th 1958 tu ado bbrp sbb : 1. Idealis banci ka komunis 2. Indak nio mati konyol kalo tatap di dalam kampuang 3. Balas dendam ateh sanak family nan dianiayo tantara pusat (komunis) 4. Ikut-ikutan 5. Berbisnis jadi coki duo nokang Nah, dari niat nan baragam itu, muncullah banyak carito berbagai versi dari PRRI Kesimpulan ko ambo dapekkan wakatu ambo pulang kampuang. Ambo mambayangkan rumah nenek nan talatak antaro lingkuang bukik barisan nan diatehnyo umumnyo tampek malatakkan sinjato AC dulunyo. Dan kudian dapek pulo dikuasai Tantara Pusat. Dibawah salah satu bukik tu yaitu Bukik Tasia dimuko rumah kami tu tahun 1960 dibuek gotong royong dipimpin Nyiak Datuak Rangkayo Basa nan jadi pimpinan Tantara Soekarno di Kamang, tampek wisata aia. Namonyo Taman Wisata Telaga Tirtasari. Nan mudo2 nan indak paham PRRI iyo alah sato jo sanang hati takah Mama ambo nan jadi salah surang penari di satiok acara di Tirtasari tu sampai Tirtasari tutuik dek mintak korban ado anak tetangga nan tabanam basampan di telaga tu. Murni atau indaknyo gotong royong pembuatan Tirtasari ko dulu, buliah dicigok suasananyo di Novel Mak Mantiko (Charl Chaerul) Ketika Merah Putih Terkoyak. Bekas markas Kompi Biruang agam, Kampuang Tuanku Nan Renceh, Bukik paintaian Tantara masuak ka Tilatang, Bukik tampek talatak sinjato barek AC, Bukik Tasia 'Tirtasari, Rimbo Manduang tampaik ijok urang kampuang, sadonyo sapandangan mato ambo kutiko itu nan tagak di halaman musajik Kaluang. Sahinggo ambo mambuek kesimpulan diateh tu sambie mambayangkan sandiri kondisi kampuang kutiko bagolak tu. Tantunyo versi ambo labiah ka bayangan takah di film-film, tapi ambo yakin nan versi film alun ado mawakili raso ngeri dan trauma di maso bagolak tu. Buktinyo kini banyak nan mamiliah diam kutiko ditanyo masalah PRRI. Ohyo, ado ciek carito Papa nan menarik bagi ambo dan ambo ingin sharekan. Papa sebagai tentara pelajar adolah nan salalu indak pueh jo kondisi para pimpinan militer PRRI waktu itu sahinggo Papa baputa-puta pindah-pindah tampek. Katiko barado di markas di Suayan dakek ka Pikumbuah, Papa pai bajalan ka arah kampuang kami di Tilatang Kamang. Tibo di Bukik Pakan Kamih ado lewat rombongan Inyiak Datuak Rangkayo Basa nan ukatu tu adolah musuah PRRI. Nan Papa tiarab di lereang bukik tu jo 2 urang kawan liau. Kok dibidik kapalo Apak tu pas dalam sasaran tembak tapi Papa manyuruah kawannyo untuak diam ditampek jan manembak. Indak ado gunonyo doh. Kudian mereka baliak diam-diam ka Suayan. Lain hari Papa indak sreg laih di Suayan sebab kebanyakan tentara PRRI di Suayan adolah urang-urang gaek nan suko mambual. Untuak kondisi darurat mode tu, hal itu sangat babahayo. Sebab markas tu bisa dg mudah ditemukan dek muluik nan acok bocor. Katiko Papa pindah surang ka Palupuah sabalun kudian th 1960 akhir diangkek jadi pengawal jo kurir Pak DR M. Natsir di rimbo Masang. Tadangalah kaba kalo kawan Papa nan di Suayan ditembak di bukik Pakan Kamih dek anak buah Inyiak Datuak Rangkayo Basa. Nan surang li manyarah tapi nan surang ditembak. Padohal mereka antaro nan manembak jo nan ditembak adolah kawan sakampuang nan saliang kenal. Sabalun gugur nan ditembak ko sempat mangecek : "Ang tembak den iah?" "Amak jadi pemberontak tantulah iyo aden tembak," jawek si tentara tu. Dari carito diateh ambo maraso indak ado nan paralu kito hakimi doh, tingga dipikiakan sen surang-surang gambarannyo untuak jadi pelajaran nan baharago. Wassalam Rina, 35, Batam -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
