| Waalaikumsalam w.w. Bundo Hayatun dan para sanak sa palanta, Samo-samo basyukur kito Bundo jo alah tabantuaknyo tim nan akan manangani ABS SBK sabagai jati diri Minang ko. Pak Gamawan manjalehkan bahaso gagasan ko sabananyo alah ado dalam pikiran baliau sawakatu manjadi Bupati Solok dahulu, tapi alun bisa dilaksanakan, karano dahulu masih kareh resistensi urang , kato baliau. Kini, satalah Gebu Minang mangirim surek resmi dan basuo jo baliau, baliau basyukur bana, apolagi [sawakatu ambo masih manjadi komisioner Komnas HAM] Komnas HAM alah bakali-kali mangadokan diskusi, lokakarya, FGD, dan seminar mengenai ABS SBK ko, khususnyo dari perspektif hak asasi manusia. Salain tu kan alah ado bahan-bahan dari LKAAM dan MUI Sumbar nan mambahas masalah ko. Jadi, Tim nan dibantuak dek pak Gamawan ko indak ka mulai dari nol doh. Karano itu ambo baharap supayo paliang indak draft paratamo dari Kompilasi Hukum ABS SBK alah bisa salasai dalam maso jabatan baliau kini, walau tantu sajo alun akan samparono. Rangkaian wacana kito tantang ABS SBK di Rantau Net iko -- walaupun alun bisa kito nyatokan alah bisa mawakili pandapek sagalo urang Minang -- namun raso-rasonyo dapek mawakili para pegiat Rantau Net. Sacaro baansua ambo alah macatat 31 buah topik dalam Daftar Inventarisasi Masalah (DIM) dan ambo raso akan bakambang taruih dalam hari-hari dan minggu-minggu mandatang. Dalam hubungan iko ambo ingin minta tolong ka Bundo, pak Darul, dan Nanda Miko, sarato urang dapua Rantau Net lainnyo untuk mangumpuakan sagalo wacana tantang ABS SBK ko dan mangcopykannyo ka CD. Kalau alah salasai, kito usahokan ado acara ketek di Jakarta -- wakatunyo tantu bilo pak Gamawan dinas ka Jakarta -- untuak manyarahkan CD nan barisi wacana para pegiat Rantau Net tu langsuang ka 'panghulu pucuak' Sumatera Barat tu. Ambo picayo bahaso wacana ko alah ado sajak sabalun ambo manggabuang duo tigo tahun kudian tu. Ambo akan mangusulkan supayo print-out dari wacana tu dibagikan kapado para anggota TIm Perumus sabagai sumbangan pegiat Rantau Net. Dalam patunjuaknyo, kaputusan pak Gub tu manugaskan Tim ko untuak " menghimpun, mengolah, mengkaji bahan-bahan yang diperlukan ", jadi indak mambuek surang. Inti tugasnyo 'marumuskan'. Dalam gambaran ambo, untuak mandapek masukan, tim ko akan manghubungi sagalo macam fihak, tantunyo tamasuak jo para bundo kanduang. Umpamokan misalnyo jumlah anggota Tim alun bisa ditambah, hal itu jan sampai manghalangi ditampuangnyo sagalo macam pikiran. Karano ambo bukan ahli adat dan bukan pulo ahli agamo, peranan ambo barangkali labiah banyak maangguak-angguak jo mangamini sajo. Paliang-paliang nan dapek ambo sumbangkan adolah sakadar mambuek karangko acuan (terms of reference) sarato manyumbangkan bahan dan pangalaman ambo salamo ko. Untuang-untuang ditarimo. Nan penting bagi ambo adolah alah ado satu naskah resmi nan kito sapakati basamo -- apopun bantuak dan isinyo -- tantang jati diri Minangkabau ko. Ambo sabana risau macaliak bahaso konsep nan baitu mandasar alun ado rumusannyo nan jaleh. Mungkin itu sababnyo akhirnyo Prof von Benda-Beckmann suami isteri dalam artikelnyo nan mambahas politik lokal Sumatera Barat (2007), manyimpuakan bahaso urang Minang kini mengalami 'kabingungan nilai'. Banyak masalah nan bisa timbua jiko urang binguang, karano tu paralu bana disegehkan. Sampai di siko dulu, Bundo. Salam untuak pak Rumzy jo para sanak kito di Dallas. Wassalam, Saafroedin Bahar (L, 70+6+19 Jakarta) 'Taqdir di tangan Allah, Nasib di tangan Manusia' 'Ya Allah, tunjukilah selalu aku jalan yang lurus dan Engkau ridhoi' ''Sebaik-baik manusia adalah yang bermanfaat bagi manusia lainnya' 'Mari berlomba berbuat kebaikan' 'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'. 'Setiap manusia adalah baik, sampai terbukti sebaliknya' 'Jangan pernah berhutang dan jangan mudah berpiutang' --- On Fri, 2/29/08, Hayatun Nismah Rumzy <[EMAIL PROTECTED]> wrote: From: Hayatun Nismah Rumzy <[EMAIL PROTECTED]> |
Looking for last minute shopping deals? Find them fast with Yahoo! Search.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
