Para sanak sapalanta, bagi para sanak nan alun tahu, kini sadang tajadi " parang basosoh " antaro Pemerintah Kota Padang nan alah maagiah izin pembangunan super blok nan tadiri dari mall dan rumah sakik Siloam di Jl Chatib Sulainan, kapunyoan James T Riyadi, surang penginjil nan fanatik; malawan kl 45 buah ormas Islam di bawah MUI Sumbar, nan curiga bahaso super blok itu adolah pintu masuak utk kristenisasi, suatu agamo nan dek Al Quran diingekkan supayo diwaspadai. Dalam hal iko, urang awak pacah tigo: ado nan manulak, ado nan mandukuang, ado nan hanap-hanap sajo. Alasan nan manulak berdasar akidah. Alasan nan mandukuang adolah untuak investasi. Alasan nan hanap-hanap sajo ambo indak tahu, mungkin cari aman. Ambo tamasuak nan manulak, dan manarimo alasan MUI. Dalam kesempatan iko ambo mancubo maagiah tambahan alasan hukum, disampiang mangomentari alasan sosio-kultural, sekedar palangkok. Alasan sosio-kultural adolah untuak mamaliharo keutuhan masyarakat Minangkabau, nan berdasar ABS SBK, nan asa mulonyo dikabakan disepakati dalam Baiat Bukik Marapalam, 1837/38. Salamo iko alun ado rinciannyo lai, sampai dibahas dalam KKM/SKM GM 2010 nan berhasil merumuskan Pedoman Penghayatan dan Pengamalan ABS SBK dan sugiro akan ditindaklanjuti jo membentuk FTTSM. Adonyo rumusan iko taraso paralu karena tanyato indak mudah manyelaraskan sistem nilai adat Minang jo agamo Islam. Dalam abad ka 19 sampai tajadi Parang Paderi, 1803-1838. Dalam tahun 1930-an sampai tahun 1950-an masih tajadi konflik antaro adat jo agamo, saparati nampak dalam karangan-karangan Buya Hamka. Kini baru akan kito muloi mangintegrasikannyo, nan jaleh akan makan waktu. Apolagi kalau kito paratikan bahaso pangaruah adat jo agamo itu alah samakin tipih di kampuang awaktu, saparati acok disampaikan Dinda Ajoduta dalam milis iko. Kalau dalam maso kini masuak pulo gerakan kristenisasi terencana dan bajangko panjang model James T. Riyadi iko, dapek dipastikan bahaso Minangkabau itu akan rontok. Konflik lamo baru kacegak, konflik baru akan timbua. Mau indak mau, Minangkabau akan manjadi masyarakat nan mengalami kakacauan nilai, istilah sosiologinyo masyarakat " anomie " nan akan diikuti sagalo macam masalah. Hal iko harus dicegah, tautamo jo alasan akidah. Iko alah diperjuangkan dek jajaran MUI Sumbar, nan sayangnyo kurang didukuang dek gubernur kito nan PKS tu. Ambo tambahkan alasan hukum, yaitu alasan tiok masyarakat hukum adat dan suku bangsa di daerah utk mamaliharo identitas kulturalnyo, nan dijamin dek Pasal 18B ayat (2), Pasal 28i ayat (3) dan Pasal 32 UUD 1945, sarato Ps 6 UU 39/ 1999 tentang Hak Asasi Manusia. Duo dasar hukum iko alah dimanfaatkan dek BK3AM di Jakarta tg 19 Mei 2013 yl utk mangaluakan Dekalarasi Identitas Kultural Sukubangsa Minangkabau , ABS SBK, nan alah diaktanotariskan. Sayangnyo dari Ranah sambutan dingin sajo. Kalau dipabiaan, iyo nan diurang. Bisa dibayangkan apo nan katajadi di Ranah tu dalam jangko panjang. Minangkabau indak akan jadi Minangkabau lai. Kini sajo, saparati kito ketahui alah ado komunitas Kristen Minangkabau nan tadiri dari kl 30 pendeta dan kl 650 urang jemaah. Silakan para sanak inok-inokkan. Wassalam, SB, 77, Sby.
Sent from my iPad -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
